15-Dec-2021

ରେଢ଼ାଖୋଲ ( ଅନିଲ କୁମାର ପୃଷ୍ଟି )- ସମ୍ବଲପୁର ଜିଲ୍ଲା ରେଢ଼ାଖୋଲ ବ୍ଲକ କାର୍ଯ୍ୟାଳୟ ସ୍ଥିତ ରାଜୀବ ଗାନ୍ଧୀ ସଭା ଗୃହରେ ବୁଧବାର ଦିନ ୧୧ ଟା ସମୟ ରେ ଓଡ଼ିଶା ଜୀବିକା ମିଶନ ଓ ମିଶନ ଶକ୍ତି ବିଭାଗ ପକ୍ଷରୁ ସମନ୍ୱୟ ଗୁଣ ମେଳା ଅନୁଷ୍ଠିତ ହୋଇଯାଇଛି। ଏହି ସମନ୍ୱୟ ମେଳା ରେଢ଼ାଖୋଲ ବିଡ଼ିଓ ପରୀକ୍ଷିତ ସାହୁ ଙ୍କ ଅଧ୍ୟକ୍ଷତା ରେ ଆୟୋଜିତ ହୋଇଥିଲା। ଏଥିରେ ବ୍ଲକ ର ୭୪ ଟି ସ୍ଵୟଂ ସହାୟକ ଗୋଷ୍ଠୀର ମହିଳା ସଦସ୍ୟା ମାନେ ଉପସ୍ଥିତ ଥିଲେ। ଏଥିରେ ୪ ଟି ଜାତୀୟ ପ୍ରତିଷ୍ଠିତ ବ୍ୟାଙ୍କ ରେଢ଼ାଖୋଲ ଷ୍ଟେଟ ବ୍ୟାଙ୍କ ର ବ୍ରାଞ୍ଚ ମେନେଜର ଗୋବିନ୍ଦ ଚନ୍ଦ୍ର ଜେନା, ରେଢ଼ାଖୋଲ ୟୁନିଓନ ବ୍ୟାଙ୍କ ର ବ୍ରାଞ୍ଚ ମେନେଜର ସୁଶାନ୍ତ କୁମାର ରେଢ଼ାଖୋଲ

ସେଣ୍ଟ୍ରାଲ ବ୍ୟାଙ୍କ ର ବ୍ରାଞ୍ଚ ମେନେଜର ତୁଷାର ସେଠୀ ଯୋଗ ଦେଇଥିଲେ। ଏହି ମେଳାରେ ବିପିଏଲ ମିଶନ ଶକ୍ତି ର ଲୋପାମୁଦ୍ରା ମହାନ୍ତି, ବିପିଏମ ର ସସ୍ମିତା ଦାସ, ଓ ୪ ଟି ବ୍ୟାଙ୍କ ର ବ୍ୟାଙ୍କ ମିତ୍ର ଉଷାରାଣୀ ସାହୁ, ଲିପିନା ପ୍ରଧାନ, ରାଜଲକ୍ଷ୍ମୀ ସାହୁ ଓ ସୁକାନ୍ତି ପ୍ରଧାନ ଉପସ୍ଥିତ ରହିଥିଲେ। ଏଥିରେ ୪୭ ଟି ଗୋଷ୍ଟି କୁ ୧ କୋଟି ଟଙ୍କା ଋଣ ପ୍ରଦାନ କରାଯାଇଥିଲା। ମହିଳା ମାନେ କିପରି ସ୍ୱାଭିଲମ୍ବି ହୋଇ ପାରିବେ ମହିଳା ଗୋଷ୍ଟି ମାନଙ୍କୁ ସଚେତନ କରିବା ପାଇଁ ଏହି ମେଳା ର ମୂଳ ଲକ୍ଷ୍ୟ ଥିଲା।