05-Nov-2020

କେନ୍ଦ୍ରୀୟ ଶିକ୍ଷକ ଯୋଗ୍ୟତା ପରୀକ୍ଷା(ସିଟିଇଟି)ର ଚତୁର୍ଦ୍ଦଶ ସଂସ୍କରଣ ୨୦୨୧ ଜାନୁଆରୀ ୩୧ ତାରିଖରେ ହେବ। ଚଳିତବର୍ଷ ଜୁଲାଇ ୫ ତାରିଖରେ ଦେଶର ୧୧୨ଟି ସହରରେ ଏହି ପରୀକ୍ଷା ହେବାର ଥିଲା। ମାତ୍ର ଏବେ ସାମାଜିକ ଦୁରତ୍ୱ ସମେତ ଅନ୍ୟାନ୍ୟ ନିରାପଦଜନିତ ପଦକ୍ଷେପ ପାଇଁ ୧୩୫ଟି ସହରରେ ପରୀକ୍ଷା ହେବ। ତେବେ ପରୀକ୍ଷା କେଉଁ କେଉଁ ସହରରେ ଅନୁଷ୍ଠିତ ହେବ, ସେ ବାବଦରେ www.ctet.nic.in ସୂଚନା ଦିଆଯାଇଛି!!*ବହୁ ଛାତ୍ରଛାତ୍ରୀ ଓ ଅଭିଭାବକ କରୋନା ଯୋଗୁଁ ପରୀକ୍ଷା କେନ୍ଦ୍ର ତଥା ସହର ପରିବର୍ତ୍ତନ କରିବା ବାବଦରେ ଅନୁରୋଧ କରିଛନ୍ତି । ତେଣୁ କେନ୍ଦ୍ରୀୟ ମାଧ୍ୟମିକ ଶିକ୍ଷା ପରିଷଦ ବା ସିବିଏସଇ କର୍ତ୍ତୃପକ୍ଷ ପରୀକ୍ଷା କେନ୍ଦ୍ର କିମ୍ବା ସହର ବଦଳିବା ପାଇଁ ଆବେଦନ କରିବାକୁ ଛାତ୍ରଛାତ୍ରୀଙ୍କୁ ଗୋଟିଏ ସୁଯୋଗ ମିଳିବ ବୋଲି ସିଟିଇଟି ନିର୍ଦ୍ଦେଶକ ଅନୁରାଗ ତ୍ରିପାଠୀ କହିଛନ୍ତି!! ଅପରପକ୍ଷେ ଚଳିତ ମାସ ୭ରୁ ୧୬ ତାରିଖ ପର୍ଯ୍ୟନ୍ତ ପରୀକ୍ଷା କେନ୍ଦ୍ର କିମ୍ବା ସହର ବଦଳି ହେବା ପାଇଁ ଆବେଦନ କରିହେବ। ତେବେ ଏ ବାବଦରେ ବିସ୍ତୃତ ସୂଚନା ପାଇଁ ଛାତ୍ରଛାତ୍ରୀମାନଙ୍କୁ ୱେବସାଇଟ୍‌ ଚେକ୍‌ କରିବାକୁ ଶ୍ରୀ ତ୍ରିପାଠୀ କହିଛନ୍ତି!!*