31-Oct-2021

ବରଗଡ/ଅତାବିରା(ନିରଞ୍ଜନ ତ୍ରିପାଠୀ) :- ଅତାବିରା ନିର୍ବାଚନ ମଣ୍ଡଳୀରେ ବିଧାୟିକା ସ୍ନେହାଙ୍ଗିନୀ ଛୁରିଆଙ୍କ ନିର୍ଦ୍ଦେଶ କ୍ରମେ ସୋମବାର  ପେଟ୍ରୋଲ, ଡିଜେଲ ଓ ଗ୍ୟାସ ଦର ଦିନକୁ ଦିନ କେନ୍ଦ୍ର ସରକାର ବୃଦ୍ଧି କରୁଥିବା ପ୍ରତିବାଦରେ ବିଜୁ ମହିଳା ଜନତା ଦଳ ତରଫରୁ ଏକ ଆନ୍ଦୋଳନ କରିବାପାଇଁ ଏକ ବୈଠକ ଅତାବିରା ଠାରେ ରବିବାର ଦିନ ଅନୁଷ୍ଠିତ ହୋଇଯାଇଛି | ଏହି ବୈଠକରେ କେନ୍ଦ୍ର ସରକାରଙ୍କ ଯେମିତି ଭାବରେ ଦିନକୁ ଦିନ ତେଲ ଓ ଗ୍ୟାସ ଦର ବୃଦ୍ଧି କରୁଛନ୍ତି ଏଥିରେ ସାଧାରଣ ଜନତାଙ୍କର ଜୀବନ ଜୀବିକା ନିର୍ବାହ  କରିବା  ବର୍ତ୍ତମାନ କଷ୍ଟ ହୋଇଗଲାଣି ସେଥିପାଇଁ ସୋମବାର ବିଜୁ ମହିଳା ଦଳ ଓ ଆଗାମୀ ଦିନରେ ବିଜୁ ଯୁବ ଓ ଛାତ୍ର ଜନତା ଦଳ ତରଫରୁ ମଧ୍ୟ ଏହାର ପ୍ରତିବାଦ କରାଯିବ ବୋଲି ଏହି ପ୍ରସ୍ତୁତି ବୈଠକରେ ବିଚାର କରାଯାଇଛି | ଏଥିରେ ଅତାବିରା ଏନ.ଏ.ସି ସଭାପତି ଟଙ୍କ ଦାସ, ଏନ.ଏ.ସି ଯୁବ ସଭାପତି ମଣ୍ଟୁ ପଣ୍ଡା, ଯୁବ ସାଧାରଣ ସମ୍ପାଦକ ଖିରୋଜ ନାଏକ, ସତ୍ୟ ମିଶ୍ର, ଏମ ମାଲେସୁ, ଏକାଦାଶିଆ ଛନ୍ଦ, ପ୍ରକାଶ ସାହୁ, ଅମୀୟ ବିଶ୍ୱାଳ, ଘନଶ୍ୟାମ ଛନ୍ଦ, ଚତୁର୍ଭୁଜ ମହାକୁଡ଼, ବରୁଣ ମହାକୁଡ଼ ପ୍ରମୁଖ ସଦସ୍ୟ ଉପସ୍ଥିତ ରହି ରଣନିତୀ ପ୍ରସ୍ତୁତ କରିଛନ୍ତି l