26-Aug-2021

ଲୋଇସିଂହା/ଆଗଲପୁର, (ବିନୋଦ କୁମାର ଦୀପ): ମନରେଗା ଦୁର୍ନୀତିର ଚେର ଦିନକୁ ଦିନ ବଢ଼ିବାରେ ଲାଗିଛି, ତଳୁ ଉପର କର୍ମଚାରୀ ଯାଏ   ମିଳିମିଶି ଖାଇଦେଲେ ୬ ଲକ୍ଷ ଟଙ୍କା  l ଏଭଳି ଏକ ମନରେଗା କାର୍ଯ୍ୟରେ ଘୋଟଲା ହୋଇଛି ଆଗଲପୁର (ଡୁଡୁକା) ବ୍ଲକ ବେନ୍ଦ୍ରା ପଂଚାୟତର  ରାମପୁର ଗ୍ରାମରେ l ରାମପୁର ଗ୍ରାମରେ ଥିବା ପାନଖାଇ କେନାଲ ଲାଗି  ୨୦୧୯-୨୦  ଓ ୨୦୨୦-୨୧ ବର୍ଷରେ ମନରେଗା ଯୋଜନାରେ ସାତଲକ୍ଷ ଟଙ୍କା ଆସିଥିଲା l ଗ୍ରାମବାସୀଙ୍କ ଅଭିଯୋଗ କ୍ରମେ ମାତ୍ର  ଏକଲକ୍ଷ ଟଙ୍କା ଭିତରେ କାମ ହୋଇଛି ଓ ବାକି  ଛଅଲକ୍ଷ ଟଙ୍କା ଗାଁ ସାଥୀ, ଜିଆରଏସ, ସରପଞ୍ଚ, ଈଓ, ଜେଇ, ଗାଁ ସାଥୀର ପରିବାର ସଦସ୍ୟ ସହ ଅନ୍ୟାନ୍ୟ ନକଲି ଶ୍ରମିକ  ( ଯେଉଁ ମାନଙ୍କର ଜବକାର୍ଡ ଅଛି ମାତ୍ର ମାଟି ବୋହିବାକୁ କେବେ ଯାଆନ୍ତି ନାହିଁ ) ସହାୟତାରେ ସମସ୍ତେ ମିଳିଭଗତ ହୋଇ ନକଲି ଶ୍ରମିକ ମାନଙ୍କ ପାସବୁକରେ ଟଙ୍କା ପକାଇ ଆତ୍ମସାତ କରିଛନ୍ତି l ଏ ବାବଦରେ ଗ୍ରାମବାସୀ ଗତ ୧୭. ୦୮.୨୦୨୧ରେ ଆଗଲପୁର (ଡୁଡୁକା)ଗୋଷ୍ଠୀ ଉନ୍ନୟନ ଅଧିକାରୀଙ୍କୁ ଲିଖିତ ଅଭିଯୋଗ କରିଥିଲେ ସୁଦ୍ଧା ବର୍ତମାନ ସୁଦ୍ଧା ଅଧିକାରୀ ଦୁର୍ନୀତିଖୋର ବିରୁଦ୍ଧରେ କୌଣସି କାର୍ଯ୍ୟନୁଷ୍ଠାନ କରିନାହାନ୍ତି l ଏଣୁ ଦ୍ଵିତୀୟ ଥର ସରୋଜ ବରଗେ, କୁଶ ଭୁଏ, ଭାସ୍କର ଭୁଏ, ପ୍ରକାଶ ଭୁଏ, ପୂର୍ଣ୍ଣ ଭୁଏ, ଦିବ୍ୟକିଶୋର ସାହୁ, ବିନୋଦ ସାହୁ, ଗୋପାଳ ବେହେରା, ସୁଶାନ୍ତ ବେହେରା, ଶରତ ବରଗେ, ସୁଦାମ ଭୁଏ,

ମଦନମୋହନ ବରଗେ, ଗୋବିନ୍ଦ ସରଙ୍ଗୀ, ସୁଦାମ ସାହୁ, ଶୁଭ୍ରାଂଶୁ ବେହେରା, ନାରାୟଣ ସାହୁ, ଜିତୁ ଭୁଏ, ରସିକ ବେହେରା, ଗୋପୀ ବେହେରା ସହ ରାମପୁର ଗ୍ରାମବାସୀର ପ୍ରାୟ ଲୋକ ଡୁଡୁକା ଗୋଷ୍ଠୀ ଉନ୍ନୟନ ଅଧିକରୀଙ୍କ ଦ୍ୱାରସ୍ଥ ହୋଇ ପୁନର୍ବାର ଅଭିଯୋଗ କରିବା ସହ ଦୋଷୀ ତଥା ଦୁର୍ନୀତିଖୋର ବିରୁଦ୍ଧରେ ଶୀଘ୍ର କାର୍ଯ୍ୟାନୁଷ୍ଠାନ କରି ଉଚିତ ପଦକ୍ଷେପ ନେବାକୁ ଅନୁରୋଧ କରିଛନ୍ତି l