18-Aug-2021

କଳାହାଣ୍ଡିନର୍ଲା(ସଞ୍ଜୀବ  ଦାସ)

କରନା ମହାମାରୀ ଯୋଗୁଁ ସାରା ଦେଶରେ ଶିକ୍ଷାର ସ୍ଥିତି ବିଗିଡ଼ି ପଡିଛି।ପାଠ ପଢ଼ୁଥିବା ଛାତ୍ରଛାତ୍ରୀ ମାନେ ସ୍କୁଲ ବନ୍ଦ ହେବା ଯୋଗୁଁ ପାଠ ପଢିବା ଠାରୁ ଦୂରେଇ ରହିଲେ ବା ପାଠ  ପଢ଼ାରୁ ବଞ୍ଚିତ ହେଲେ। ଏହାକୁ ଆଖି ଆଗରେ ରଖି ମହିଳାଶ୍ରମ ଜୀବୀ ମଞ୍ଚ ଓଡ଼ିଶା, ଓଡ଼ିଶା ଶ୍ରମଜୀବୀ ମଞ୍ଚ, ତଥା ନାଗରିକ ବିକାଶ ସଂଗଠନ କଳାହାଣ୍ଡି ଙ୍କ  ଆନୁକୂଲ୍ୟରେ ରେ ଅଗଷ୍ଟ ୨୦୨୦ ବର୍ଷରେ ମିଶନ ୩ ୫ ୮ କାର୍ଯ୍ୟକ୍ରମ ଆରମ୍ଭ ହୋଇଥିଲା।ତତ୍ପରେ ପରେ  ଫେବୃଆରୀ ୨୦୨୧ ରେ କଳାହାଣ୍ଡି ଜିଲ୍ଲାର ନର୍ଲା ବ୍ଲକ ର ଅନେକ ଗ୍ରାମରେ ରିମେଡ଼ିଆଲ କ୍ଲାସ ଖୋଲାଯାଇ  ସ୍ୱେଚ୍ଛାସେବୀ ମାନଙ୍କ ଦ୍ୱାରା ଶିକ୍ଷା ଦାନର ବ୍ୟବସ୍ଥା କରାଯାଇଥିଲା। ପରେ ଛାତ୍ରଛାତ୍ରୀ ମାନଙ୍କ ଶିକ୍ଷାର ଗୁରୁତ୍ୱ କୁ ଆଗେଇ ନେବା ପାଇଁ ମିଶନ ୧ ଲକ୍ଷ ଭଳି ଏକ ବଳିଷ୍ଠ ପଦକ୍ଷେପ ନିଆଯାଇଥିଲା।ଅନେକ ଗ୍ରାମରେ ସ୍ବେଚ୍ଛାସେବୀ ମାନଙ୍କ ମାଧ୍ୟମରେ ଓଡିଶାରେ ୧ ଲକ୍ଷ  ଛାତ୍ରଛାତ୍ରୀ ଙ୍କୁ ଶିକ୍ଷା ଦାନର ବ୍ୟବସ୍ଥା କରାଯାଇଥିଲା ମୋ ଚ୍ଚାଟଶାଳୀ ଅଧୀନରେ।ବର୍ତ୍ତମାନ ର ଆବଶ୍ୟକତାକୁ ଲକ୍ଷ୍ୟ କରି ସାରା ରାଜ୍ୟରେ ୫ ଲକ୍ଷ ଛାତ୍ରଛାତ୍ରୀଙ୍କୁ ମିଶନ ଚ୍ଚାଟଶାଳୀ ମାଧ୍ୟମରେ ଶିକ୍ଷା ପ୍ରଦାନ କରାଯିବାର ଯୋଜନା ର  ଶୁଭାରମ୍ଭ ରେଖପୁର ଗ୍ରାମରେ ସାମ୍ବାଦିକ ସମ୍ମିଳନୀ ମାଧ୍ୟମରେ କରାଯାଇଅଛି। ସାମ୍ବାଦିକ ସମ୍ମିଳନୀରେ ମୁଖ୍ୟ ଅତିଥି ଭାବେ ନର୍ଲା ଗ୍ରାମପଞ୍ଚାୟତ ର ସରପଞ୍ଚ ଶ୍ରୀଯୁକ୍ତ ଚିରଞ୍ଜିବି ଗୌଡ଼ିଆ,ଏକ୍ସ ୱାର୍ଡ ମେମ୍ବର ଶ୍ରୀଯୁକ୍ତ ଚିତ୍ରସେନ ବାଗ, ସ୍ବେଚ୍ଛାସେବୀ ଶ୍ରୀଯୁକ୍ତ କମଳ ତାଣ୍ଡି, ଅଙ୍ଗନବାଡି କର୍ମୀ ଶ୍ରୀମତୀ ଦେବକୀ କୁମାର, ଆଶା କର୍ମୀ ଶ୍ରୀମତୀ ନନ୍ଦିନୀ ସୁନା ଓ ମୋ ଚ୍ଚାଟଶାଳୀ ସ୍ବେଚ୍ଛାସେବୀ କୁମାରୀ ପଦ୍ମାବତୀ ଦୁର୍ଗା ତଥା ସାମ୍ବାଦିକ କର୍ମକର୍ତ୍ତା ମାନେ ମଧ୍ୟ ଯୋଗ ଦେଇଥିଲେ। ଏବଂ ଉକ୍ତ କାର୍ଯ୍ୟକ୍ରମ କୁ ନାଗରିକ ବିକାଶ ସଙ୍ଗଠନ କଳାହାଣ୍ଡି, ବ୍ଲକ ସଂଯୋଜକ ଶ୍ରୀଯୁକ୍ତ ବାବୁଲାଲ ତାଣ୍ଡି, କର୍ମକର୍ତ୍ତା ସନ୍ତୋଷ ବାରିକ, ଜ୍ୟୋତି ସେନାପତି ଯୋଗଦେଇ କାର୍ଯ୍ୟକ୍ରମ କୁ ସୁଚାରୁ ରୂପେ ପରିଚାଳନା କରିଥିଲେ।