09-Aug-2021

କଣ୍ଟାବାଞ୍ଜି  ( ଆନନ୍ଦ କୁମାର ମୋଟେ )  ଦିନକୁ ଦିନ ଜଙ୍ଗଳ ସବୁ ପଦା ହେଉଥିବା ଅଭିଯୋଗ ଆସୁଛି । ଜଙ୍ଗଳ ମାଫିଆ ମାନେ ଗଛ ସବୁ କାଟିବା ସହ ଜଙ୍ଗଳକୁ କବ୍ଚା କରୁଛନ୍ତି । ବେଆଇନ ଭାବେ ଜଙ୍ଗଳ କବ୍ଚା କରି ସେଠାରେ କପା ଚାଷ କରୁଥିବା ବେଳେ ବନ ବିଭାଗ ସବୁ ଜାଣି ଚୁପ ହୋଇ ବସିଛି । ଯାହା ଫଳରେ ଜଙ୍ଗଳ ମାଫିଆଙ୍କ  ସାହସ ବଢୁଥିବା ଦେଖାଯାଏ । ତୁରେକେଲା ବ୍ଲକର ତୁରେକେଲା , ବାଞ୍ଜିପାଳି, କୁଇବାହାଲ ଗାଁର ଲୋକ ଏଭଲି ଏକ ଅଭିଯୋଗ ନେଇ କଣ୍ଟାବାଞ୍ଜି ବନ ବିଭାଗ ରେଞ୍ଜ ଅଫିସ ଘେରାଓ କରିଥିଲେ । ୩ ଟି ଗାଁର ଲୋକ ଏକ ଶୋଭାଯାତ୍ରାରେ ରେଞ୍ଜ ଅଫିସ ପହଂଚିଥିଲେ । ଅଫିସର ମୁଖ୍ୟ ଫାଟକ ସମ୍ମୁଖରେ ଦିର୍ଘ ସମୟ ଧରି ବିକ୍ଷୋଭ ପ୍ରଦର୍ଶନ କରିଥିଲେ । ଆନ୍ଦୋଳନକାରି ମାନେ ଅଭିଯୋଗ କରିଥିଲେ ଯେ ବର୍ତମାନ ସମୟରେ କିଛି ଲୋକ ଜଙ୍ଗଳରେ ଥିବା ଗଛ ସବୁ ନଷ୍ଟ କରି ଜଙ୍ଗଳ ସଫା କରୁଛନ୍ତି । ସେଠାରେ କପା ଚାଷ କରି ଅନ୍ୟ ଲୋକଙ୍କୁ ହଇରାଣ କରୁଛନ୍ତି । ଗାଁର ଲୋକ ଯଦି ନିଜର ଗାଇଁ ଗାରୁ ଚରାଇବାକୁ ଗଲେ କାହିକିଁ ଗାଇ ଗୋରୁଙ୍କୁ ଏଠାକୁ ଆଣୁଛ ବୋଲି କପା ଚାଷ କରୁଥିବା ଲୋକ ମାରଣାସ୍ତ୍ର ଦେଖାଇ ଭୟଭିତ କରୁଛନ୍ତି । ଜଙ୍ଗଳ ସଫା କରି ସେଠାରେ ଚାଷ କରିବାକୁ ନିୟମ ନାହିଁ । ତଥାପି ଜଙ୍ଗଳ ବିଭାଗର ଅଧିକାରି ଚୁପ କାହିକିଁ ରହୁଛନ୍ତି ତାହା ବର୍ତମାନ ସମୟରେ ପ୍ରଶ୍ନବାଚି ସୃଷ୍ଟି କରୁଛି । ତେବେ ଏ ଅଭିଯୋଗକୁ ନେଇ ଗଣମାଧ୍ୟମ ପ୍ରତିନିଧି କଣ୍ଟାବାଞ୍ଜି ରେଞ୍ଜର ଶ୍ରଦ୍ଧାଦେବ ବଡମାଳିଆଙ୍କୁ ପଚାରିବାରୁ ରେଞ୍ଜର ସନ୍ତୋଷ ଜନକ ଉତ୍ତର ଦେଇନଥିଲେ । କିଛି ଲୋକ ଜଙ୍ଗଳ ସଫା କରି ଚାଷ କରୁଥିବା କଥା ପଚାରିବାରୁ ଆମେ ଜବର ଦଖଲ ଉଚ୍ଛେଦ କାମ କରିଛି ବୋଲି କହିଥିଲେ । ୨୦୦୭ ମସିହାରୁ ଲୋକ ଜବର ଦଖଲ କରିଛନ୍ତି ମୋର ସମୟରେ ଏଭଲି ହୋଇନାହିଁ ବୋଲି କହିଥିଲେ । ଜଙ୍ଗଳ ଜବର ଦଖଲ କରି କପା ଚାଷ କରୁଥିବା କଥାକୁ ରେଞ୍ଜର ସ୍ୱୀକାର କରିଥିବା ବେଳେ ବଜରଦଖଲ କରିବାକୁ କାହିକିଁ ଚାହୁନାହାନ୍ତି ତାହା ରେଞ୍ଜରଙ୍କୁ ମଧ୍ୟ ସଂଦେହ ଘେରକୁ ଟାଣି ନେଉଛି ।