08-Aug-2021

 ଜଗତସିଂହପୁର(ନୃସିଂହ ବାରିକ) : ଆନ୍ତର୍ଜାତୀୟ ମାନବାଧିକାର ପରିଷଦ, ଓଡିଶା ଶାଖାର ଯୁଗ୍ମ ସମ୍ପାଦକ ରୂପେ ସମାଜସେବୀ ସୁନାକାର ବେହେରାଙ୍କୁ ନିଯୁକ୍ତ କରାଯାଇଅଛି । ଚଳିତ ମାସ  ୬ ତାରିଖ ଶୁକ୍ରବାର ଦିନ ସଂସ୍ଥା ପକ୍ଷରୁ ଏସଂପର୍କିତ ବିଜ୍ଞପ୍ତି ପ୍ରକାଶ ପାଇଛି । ଶ୍ରୀ ବେହେରା ଏକାଧାରରେ ଜଣେ ଆଇନଜୀବୀ  ଓ ସାମ୍ବାଦିକ ଅଟନ୍ତି । ସେ କୁଜଙ୍ଗ ବ୍ଲକ ଅଧୀନ ସାଇଲୋ ଗ୍ରାମପଞ୍ଚାୟତ, ଜିଲ୍ଲା ଜଗତସିଂହପୁରର  ଅଧିବାସୀ ଅଟନ୍ତି। ରାଜଧାନୀ ଭୁବନେଶ୍ୱରରେ ରହି ନିଜର ଉଚ୍ଚ ଶିକ୍ଷାକୁ ସମାଜ କଲ୍ୟାଣ ନିମନ୍ତେ ଉତ୍ସର୍ଗୀକୃତ କରି ନିଜ କର୍ମ କ୍ଷେତ୍ରରେ ମାନବ ସେବାକୁ ମାଧବ ସେବା ରୂପେ ସମର୍ପିତ କରାଇ ସମାଜର ବିଭିନ୍ନ ଜନକଲ୍ୟାଣ ରୁପି ମହତ କାର୍ଯ୍ୟରେ ନିଜକୁ ନିୟୋଜିତ କରି ଆସିଛନ୍ତି । ଜଗତସିଂହପୁର ଜିଲ୍ଲା ଓ ଜିଲ୍ଲା ବାହାରେ ଓଡ଼ିଶାର ବିଭିନ୍ନ ଅନୁଷ୍ଠାନ ମାଧ୍ୟମରେ ନିଜକୁ ପ୍ରତିଷ୍ଠିତ ପଦରେ ନିଜକୁ ନିୟୋଜିତ କରି ସମାଜରୁ କୁସଂସ୍କାର ପାରିବାରିକ ହିଂସା  ଅତ୍ୟାଚାର ଅଭାବୀ ପରିବାର ଓ ବେସାହାରଙ୍କୁ ସାହାଯ୍ୟ ଏବଂ ଶିକ୍ଷା ସଂସ୍କାର ମାଧ୍ୟମରେ ମାନବିକ ଅଧିକାର, ନାରୀମାନଙ୍କୁ ସୁରକ୍ଷା, ଶିଶୁ ନିର୍ଯାତନା କୁ ବନ୍ଦ ନିମନ୍ତେ ପଦକ୍ଷପ ଇତ୍ୟାଦି କାର୍ଯ୍ୟ ପାଇ ସମାଜରେ  ଉଚ୍ଚ ପ୍ରଶଂସିତ ହୋଇଛନ୍ତି। ଏହାସହିତ ଜବାହର ନବୋଦୟ ବିଦ୍ୟାଳୟ ପରି ଅନେକ ଶିକ୍ଷାନୁଷ୍ଠାନ ମାନଙ୍କରେ ପ୍ରତିନିଧିତ୍ୱ ସହ ସାଧାରଣ ଗ୍ରାହକ ଖାଉଟି ମାନଙ୍କୁ ସଚେତନ କରାଇ ଅସାଧୁ ବ୍ୟବସାୟୀଙ୍କୁ ଦଣ୍ଡିତ କରିବା ସମାଜରେ ଆଧ୍ୟାତ୍ମିକ ଜ୍ଞାନର ପରିପ୍ରକାଶ ମଠ ମନ୍ଦିର ରକ୍ଷଣା ବେକ୍ଷଣ, କରୋନା ମହାମାରୀ ସମୟରେ ସାମାଜିକ ସଚେତନତା ଇତ୍ୟାଦି ଅନେକ ସମାଜ ମଙ୍ଗଳ କାର୍ଯ୍ୟରେ ନିଜକୁ ନିୟୋଜିତ ହେବାର ଉପଲବ୍ଧି କରି ଆଜି ସଂଯୁକ୍ତ ରାଷ୍ଟ୍ରସଙ୍ଘ ଦ୍ୱାରା ପରିଚାଳିତ "ଅନ୍ତର୍ଜାତୀୟ ମାନବାଧିକାର ପରିଷଦ" ଓଡିଶା ରାଜ୍ୟ ଶାଖାର ଯୁଗ୍ମ ସମ୍ପାଦକ ପଦରେ ନିୟୋଜିତ କରାଯାଇଅଛି ।ଆଜି ଜଗତସିଂହପୁର ଜିଲ୍ଲା ର ପୁଅକୁ ଏହି କାର୍ଯ୍ୟ ନିମନ୍ତେ ଚୟନ କରାଯାଇଥିବାରୁ ଜିଲ୍ଲା ତଥା ଓଡିଶାର ବୁଦ୍ଧିଜୀବୀ ଓ ଜନସାଧାରଣ ଗର୍ବ ଅନୁଭବ କରିବାସହ ଧନ୍ୟବାଦ ଜ୍ଞାପନ କରିଛନ୍ତି । ଆଗାମୀ ଦିନରେ ନିଜର ସମାଜ ସେବାକୁ ଅଧିକ ଶାଣିତ କରିବା ସହିତ ସମାଜରେ ସାଧାରଣ ମଣିଷ ଟିର ବଞ୍ଚିବାର ଅଧିକାର କୁ ସାବ୍ୟସ୍ତ ନିମନ୍ତେ ଅହରହ ସଂଗ୍ରାମ କରି ମାନବାଧିକାର ନୀତି ନିୟମ କୁ ସମ୍ପୂର୍ଣ ଧ୍ୟାନଦେବେବୋଲି ମତ ବ୍ୟକ୍ତ କରିଛନ୍ତି । ନିଜ ଜିଲ୍ଲା ବାସୀଙ୍କ ଭଲପାଇବାର ଆଶ୍ରିବାଦରେ ଏହି ପଦ ମର୍ଯ୍ୟାଦା ମିଳିଅଛି ବୋଲି ସେ ନିଜ ଭବନରେ ପ୍ରକାଶ କରିଅଛନ୍ତି। ରିପୋର୍ଟ-ନୃସିଂହ  ଚରଣ ବାରିକ