26-Jul-2021

ପାଟଣାଗଡ,(ପ୍ରେରଣା ଖବର) : : ପାଟଣାଗଡ ସରମୁହାନ ନିକଟରେ ଅଟୋ ଓ କାର ମୁହାଁମୁହିଁ ଧକ୍କା। ଫଳରେ ଏହି ଦୁର୍ଘଟଣାରେ ଜଣଙ୍କର ମୃତ୍ୟୁ ହୋଇଥିବା ବେଳେ ଅନ୍ୟ ଜଣେ ଗୁରୁତର ହୋଇଛନ୍ତି। ସେପଟେ ଦୁର୍ଘଟଣା ଘଟିବା ପରେ କାର ଚାଳକ ଘଟଣାସ୍ଥଳରୁ ଫେରାର ହୋଇଯାଇଛି।

  ସୂଚନାନୁଯାୟୀ, ଗତକାଲି ସନ୍ଧ୍ୟା ସମୟରେ ବଲାଙ୍ଗିର ପଟୁ ଏକ ଅଟୋରେ ପାଟଣାଗଡ ଥାନା ଉଲବା ଗ୍ରାମର ଅଟୋ ଡ୍ରାଇଭର ଧନସିଂ ବିଶ୍ଵାଳ,ନରେଶ ଭୋଇ ଏବଂ ସୁଦର୍ଶନ ପଧାନ ନିଜ ଗ୍ରାମ ଉଲବାକୁ ଆସୁଥିଲେ। ଏହି ସମୟରେ ପାଟଣାଗଡ ପଟୁ ବଲାଙ୍ଗିର ଯାଉଥିବା ଏକ କାର୍ ସହିତ ଅଟୋଟି ମୁହାଁମୁହିଁ ଧକ୍କା ହୋଇଥିଲା। ଫଳରେ ଅଟୋରେ ବସିଥିବା ୩ ଜଣ ଛିଟିକି ପଡିଥିଲେ। ଖବର ପାଇ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ଆହତମାନଙ୍କୁ ପାଟଣାଗଡ ଡାକ୍ତରଖାନାକୁ ଆଣିଥିଲା। ହେଲେ ଡାକ୍ତର ନରେଶ ଚନ୍ଦ୍ର ଭୋଇଙ୍କୁ ମୃତ ଘୋଷଣା କରିଥିବା ବେଳେ ସୁର୍ଦଶନକୁ ବଲାଙ୍ଗିର ଭୀମଭୋଇ ମେଡିକାଲକୁ ସ୍ଥାନାର କରାଯାଇଛି। ପାଟଣାଗଡ ପୋଲିସ ପହଂଚି ତଦନ୍ତ ଆରମ୍ଭ କରିଛି।