17-Jul-2021

ଲୋଇସିଂହା, (ବିନୋଦ କୁମାର ଦୀପ ): ଲୋଇସିଂହା ବ୍ଲକ କୁଟେନ ପାଲି ପଂଚାୟତ ପାଖ କୁଟେନପାଲି ଗ୍ରାମରେ ଛୋଟ ପିଲାମାନଙ୍କୁ ନେଇ ସଫେଇ କାମ କରାଯାଉଛି l ପ୍ରକାଶ ଥାଉକି ଗାଁ ଲୋକ କହିବାନୁଯାୟୀ ଦୀର୍ଘ ଅନେକ ବର୍ଷ ହେବ ଗାଁ ନାଳ, ରାସ୍ତା ସଫେଇ କାମ ସରପଞ୍ଚ ଓ ଅଙ୍ଗନବାଡିଙ୍କ ଦ୍ୱାରା ହୋଇନଥିଲା l କିନ୍ତୁ ଆଜି ଅଙ୍ଗନବାଡି କର୍ମୀ ଶ୍ରୀମତୀ ନମିତା ନନ୍ଦ ଛୋଟ ଶିଶୁମାନଙ୍କୁ କିଛି ପଇସା ଦେବିକହି ନାଲା ଓ ରାସ୍ତା କଡ଼ର ଆବର୍ଜନାର ସଫେଇ କାର୍ଯ୍ୟ କରାଇଛନ୍ତି l ଅଙ୍ଗନବାଡି କର୍ମୀ ଶ୍ରୀମତୀ ନନ୍ଦଙ୍କୁ ବୁଝିବାରୁ ପ୍ରତ୍ୟେକ ବର୍ଷ କାମ ଚାଲିଛି ଓ ରେଜିଷ୍ଟ୍ରର ମଧ୍ୟ ହେଉଛି l ପିଲାଙ୍କୁ ପଚାରିବାରୁ ଗତକାଲି ଆମଛୋଟ ପିଲାଙ୍କ ଗୋଟେ ମିଟିଙ୍ଗ ହୋଇଥିଲା ଓ ଆଜି ସଫେଇ କାର୍ଯ୍ୟରେ ଲାଗିଛୁ l ବଡ଼ଲୋକ

ଥାଇ ଛୋଟଛୁଆଙ୍କୁ କାର୍ଯ୍ୟରେ ଲଗାଇବା ଦୁଃଖର ବିଷୟ l ଗ୍ରାମ୍ୟ ସ୍ୱଚ୍ଛତା ଲାଗି ସରକାର ପଇସା ଖର୍ଚ୍ଚକରି ଅନେକ ଯୋଜନା ଚଳାଇଛନ୍ତି ହେଲେ ଅନେକ ସ୍ଥାନରେ ତାହା ଫେଲ ମାରୁଛି l ଯେଉଁ ଛୋଟ ଛୁଆମାନେ ପାଠ ପଢିବା ଲାଗି ଖାତା ଓ ପେନସିଲ ଧରିବା କଥା ତାଙ୍କୁ ସେଠି ସଫେଇ ସାମଗ୍ରୀ ଧରାଯାଉଛି l