30-Apr-2021

କଣ୍ଟାବାଞ୍ଜି (ପ୍ରେରଣା ଖବର)) କରୋନା ଯୋଗୁଁ ସାରା ବିଶ୍ୱରେ ରକ୍ତର ଘୋର ଅଭାବ ଦେଖାଯାଉଥିବା ସମୟରେ ମଧ୍ୟ କିଛି ରକ୍ତଦାତା ସ୍ୱଇଛ୍ଛାରେ ରକ୍ତ ଦେଇ ମହାନତାର ପରିଚୟ ସୃଷ୍ଟି କରୁଛନ୍ତି।ବର୍ତ୍ତମାନ ଲୋକଙ୍କ ମନରେ କରୋନାକୁ ନେଇ କୋକୁଆ ଭୟ ଥିବା ବେଳେ କଣ୍ଟାବାଞ୍ଜିର ରକ୍ତଦାତା ରବିନାରାୟଣ ଅଗ୍ରୱାଲ ତୁରେକେଲା ବ୍ଲକର ଡୋଙ୍ଗିଆ ଗ୍ରାମର ଜଣେ ଗର୍ଭବତୀ ମହିଳା ଚେତାବନୀ ପୋଢ଼ଙ୍କୁ ଓ ପଜିଟିଭ ରକ୍ତ ଦେଇ ଉଭୟ ଶିଶୁ ଓ ମାଆର ଜୀବନ ରକ୍ଷା କରିଥିଲେ।ପ୍ରକାଶ ଥାଉକି ରକ୍ତ ଜରୁରୀ ବୋଲି ସୋସିଆଲ ମିଡିଆରୁ ଜାଣିବା ପରେ ନିଜେ ଜୁନିୟର ରେଡକ୍ରସ ପରାମର୍ଶ ଦାତା ଶ୍ରୀ ବିରଞ୍ଚି ନାରାୟଣ ଦାଶଙ୍କୁ ଯୋଗାଯୋଗ କରିଥିଲେ।ଶ୍ରୀ ଦାଶ ରକ୍ତଦାତାଙ୍କୁ ଧନ୍ୟବାଦ ଦେବା ସହିତ ଆଗାମୀ ମଇ ମାସ ୮ତାରିଖ ବିଶ୍ୱ ରେଡକ୍ରସ ଦିବସ ଅବସରରେ କଣ୍ଟାବାଞ୍ଜି ରକ୍ତ ଭଣ୍ଡାର ଠାରେ ରକ୍ତ ଦାନ ଶିବିରର ଆୟୋଜନ ହେବ ଏଣୁ ରକ୍ତଦାତା ମାନେ ରକ୍ତ ଦେବାକୁ ସୂଚନା ଦେଇଛନ୍ତି।