30-Mar-2021

କଳାହାଣ୍ଡି
କୋକସରା(ତ୍ରିନାଥ ବେଶ୍ରା)
ସରକାରଙ୍କ ଯୋଜନା ମାଧ୍ୟମରେ ଭିନ୍ନକ୍ଷମ ମାନଙ୍କ କଲ୍ୟାଣ ନିମନ୍ତେ ଅନେକ ଗୁଡ଼ିଏ ଯୋଜନା ଅଛି ।ସେମାନଙ୍କ ପାଇଁ ସରକାରଙ୍କ ତରଫରୁ ସ୍ୱତନ୍ତ୍ର ଉପକରଣ ଯଥା ତିନି ଚକିଆ ସାଇକେଲ, ଚକଲଗା ଚୌକି, ଶ୍ରବଣ ଯନ୍ତ୍ର, ଆଶାବାଡ଼ି, ଦୃଷ୍ଟି ହୀନଙ୍କ ନିମନ୍ତେ ସାହାରାବାଡି, କୃତ୍ରିମ ଅଙ୍ଗପ୍ରତ୍ୟଙ୍ଗ,ବ୍ରେସ୍ଲେଟ,ଟେପରେକର୍ଡର ଇତ୍ୟାଦି ଯୋଗାଇ ଦିଆଯାଏ। ଆଜି କଳାହାଣ୍ଡି ଜିଲ୍ଲା କୋକସରା  ପଞ୍ଚାୟତ ସମିତି ଠାରେ ଗୋଷ୍ଟୀ ଉନ୍ନୟନ ଅଧିକାରୀ ଶ୍ରୀମତି ମନୀଷା ଦାସ ଙ୍କ ତତ୍ତ୍ଵାବଧାନ ରେ ଭୀମଭୋଇ ଭିନ୍ନକ୍ଷମ ସାମର୍ଥ୍ୟ ଶିବିର ଆୟୋଜନ ହୋଇଥିଲା ।

ଏହାକୁ ଗୋଷ୍ଠୀ ସାମାଜିକ ସୁରକ୍ଷା ଅଧିକାରୀ ଦୀପକ କୁମାର ବେହେରା ପରିଚାଳନା କରିଥିଲେ। ଏଠାରେ  ଭିନ୍ନକ୍ଷମ ଯଥା ଦୃଷ୍ଟିହୀନ, ମୁକ, ବଧିର ଓ ମାନସିକ ଅନଗ୍ରସର ମାନଙ୍କ ପାଇଁ ପରିଚୟ ପତ୍ର ପ୍ରଦାନ ବ୍ୟବସ୍ଥା କରାଯାଇ ,ସ୍ୱତନ୍ତ୍ର ଉପକରଣ ମାନ ବଣ୍ଟନ କରାଯାଇଥିଲା । ଏବଂ UDID କାର୍ଡ଼ ପାଇଁ ପୋଟାଲ୍ ରେ ଅନ୍ ଲାଇନ୍ କରିଥିବା ୧୯୬ ଜଣ ଭିନ୍ନକ୍ଷମ ମାନଙ୍କୁ ଚିହ୍ନଟ କରବା ପାଇଁ ଜିଲ୍ଲା ରୁ ବିଭାଗୀୟ ଡାକ୍ତର ମାନେ ଆସି ସ୍ୱାସ୍ଥ୍ୟ ପରୀକ୍ଷା କରି ତୁରନ୍ତ  UDID କାର୍ଡ଼ ଯୋଗାଇ ଦେବା ବ୍ୟବସ୍ଥା କରାଯାଇଥିଲା। ଏହି କାର୍ଡ଼ ମାଧ୍ୟମରେ ଜାତୀୟ ସ୍ତରରେ ଓ ରାଷ୍ଟ୍ରୀୟ ସ୍ତରରେ ସରକାରଙ୍କ ସବୁ ସୁବିଧା ପାଇପାରିବେ ।  ଏଠାରେ ଅନ୍ ଲାଇନ୍ ନକରି ସିଧାସଳଖ ନାମ ପଞ୍ଜିକରଣ କରିବା ବ୍ୟବସ୍ଥା ମଧ୍ୟ କରାଯାଇଥିଲା  । ଏହି କାର୍ଯ୍ୟକ୍ରମରେ ଭିନ୍ନକ୍ଷମ ପ୍ରୋତ୍ସାହନ ରାଶି ୫୦,୦୦୦ ଟଙ୍କା ଦିବ୍ୟାଙ୍ଗ ଠାକୁର କେତକି ଓ ଲକ୍ଷ୍ମୀ କେତକି ଙ୍କୁ ଓ ଶିବ ଶଙ୍କର ଭିନ୍ନକ୍ଷମ SHG ଗୃପ୍ କୁ ୫୦,୦୦୦ ଟଙ୍କା ଦିଆଯାଇଥିଲା। ଏହି ଭୀମଭୋଇ ଭିନ୍ନକ୍ଷମ ସାମର୍ଥ୍ୟ ଶିବିର ରେ ବ୍ଳକ ର ଅନେକ ସ୍ଥାନରୁ ଭିନ୍ନକ୍ଷମ ମାନେ ଆସି ଯୋଗଦାନ କରିଥିଲେ।