22-Feb-2021

ଟିଟିଲାଗଡ(ପ୍ରେରଣା ଖବର) :କେହି ଚିକିତ୍ସା ଅଭାବ ର ଶିକାର ନ ହେବା ଓ ଉତ୍ତମ ମାନର ଚିକିତ୍ସା ପ୍ରଦାନ ନେଇ ସରକାର ସ୍ୱାସ୍ଥ୍ୟସେବା  ସବୁଶ୍ରେଣୀୟ ସାଧାରଣ ଲୋକ ଙ୍କୁ ମାଗଣା ଯୋଗାଇ ଦେବାକୁ ବିଭିନ୍ନ ଯୋଜନା କାର୍ଯ୍ୟକାରୀ କରିଛନ୍ତି । ସ୍ୱତନ୍ତ୍ର ଭାବେ ଏହି ସୁବିଧା ଯୋଗାଇ ଦେବାକୁ ନିରାମୟ ଯୋଜନା ଆରମ୍ଭ କରାଯାଇ ସରକାରୀ ଡାକ୍ତରଖାନାରେ ସମସ୍ତ ବ୍ୟବସ୍ଥା କରାଯାଇଛି । ଏପରିକି ଡାକ୍ତର କେବଳ ସରକାରୀ ଭାବେ ସମସ୍ତ ସୁବିଧା, ସୁଯୋଗ ପ୍ରଦାନ ପାଇଁ ଡାକ୍ତର କେବଳ ସରକାରୀ ଔଷଧ, ଇଂଜେକସନ ପ୍ରଦାନ କରିବା ତଥା ସମସ୍ତ ବ୍ୟବସ୍ଥା କାର୍ଯ୍ୟକାରୀ କରିଥିବା ଯୋଗୁଁ ବାହାରୁ କିଣା ଔଷଧ ନ ଲେଖିବା ନେଇ ନିର୍ଦ୍ଦେଶ ଜାରି କରିଛନ୍ତି । ଅର୍ଥ ଖର୍ଚ୍ଚ କରି ବାହାରୁ ଔଷଧ, ଇଂଜେକସନ କିଣି ନ ପାରିବା ସମସ୍ୟା ଦୁର ପାଇଁ ଏହି ନିରାମୟ ଔଷଧ ବ୍ୟବସ୍ଥା କରାଯାଇଛି ।  ଅତ୍ୟନ୍ତ ଗରିବ ଓ ସାଧାରଣ  ଶ୍ରେଣୀର ଲୋକେ ଉପକୃତ ହେବା ପାଇଁ ସରକାରୀ ଭାବେ ଡାକ୍ତରଖାନା ପରିସରରେ ରହିଥିବା  ସମସ୍ତ ଘରୋଇ ଔଷଧ ଦୋକାନ ବନ୍ଦ କରିବା ନିୟମ ଜାରି କରାଯାଇଛି, ହେଲେ ଏହି ନିୟମ ର ଟିଟିଲାଗଡ ଉପଖଣ୍ଡ ମୁଖ୍ୟ ଚିକିତ୍ସାଳୟରେ ଖିଲାପ କରାଯାଇଥିବା ନେଇ ଅଭିଯୋଗ ହୋଇଛି । ସୂଚନା ଯୋଗ୍ୟ ଯେ,ଟିଟିଲାଗଡ ଉପଖଣ୍ଡ ମୁଖ୍ୟ ଚିକିତ୍ସାଳୟରେ ଏହି ଯୋଜନା କାର୍ଯ୍ୟକାରୀ ହେବା ସତ୍ୱେ ପରିଚାଳିତ ହେବା ଅଭିଯୋଗ ସ୍ଥାନୀୟ ଯୁବ ସ୍ବେଚ୍ଛାସେବୀ ଅନୁଷ୍ଠାନ ପକ୍ଷରୁ କରାଯାଇଛି । ଅଭିଯୋଗ ଅନୁଯାୟୀ ଫାର୍ମାସିଷ୍ଟ ଡିଗ୍ରୀ ଥିବା  ସହ ସବୁ ନିୟମାବଳୀ ଥିବା ବ୍ୟକ୍ତି ଏହି ମ୍ୟାଡ଼ିକାଲ ହତା ପରିସରରେ ଦୋକାନ ପୂର୍ବରୁ ଖୋଲିବା ନିୟମ ରହିଥିଲା । ପୂର୍ବରୁ ଜଣେ ମ୍ୟାଟ୍ରିକ ଫେଲ କରିଥିବା ଔଷଧ ବ୍ୟବସାୟୀ କିଛି ନିର୍ଦ୍ଦିଷ୍ଟ ପଦାଧିକାରୀ ଙ୍କୁ ହାତ କରି ବେଆଇନ କାରବାର ଚଲାଇ ଥିବା ନେଇ ଓଡିଶା ଉଚ୍ଚ ନ୍ୟାୟାଳୟ ରେ ମାମଲା ରୁଜ୍ଜୁ କରିଥିବା  ଓ ତାହା ବିଚାର ଧୀନ ଥିବା ଜଣାଯାଇଛି  ।  ସେହି ପରି ଇତି ମଧ୍ୟରେ ଆଉ ଏକ ମାମଲା ନ୍ୟାୟାଳୟ ରେ ଏହି ସରକାରୀ ଡାକ୍ତରଖାନାରେ ଥିବା ଦୋକାନ ଚଳିତ ଆଇନ ଅନୁଯାୟୀ ଉଛେଦ କରିବା କୁ ମାମଲା ରୁଜ୍ଜୁ କରାଯାଇଥିବା ଜଣାଯାଇଛି ।ଏହି ନିୟମ ଅନୁଯାୟୀ କୌଣସି ସରକାରୀ କାଗଜ ପତ୍ର ନ ଥାଇ ଏକ ମ୍ୟାଡିକାଲ ଷ୍ଟୋର ଦୀର୍ଘ ଦିନ ଧରି ରହିଛି । କିଛି ଡାକ୍ତର ଏହି ନିୟମ ର ଖିଲାପ କରି ଉକ୍ତ ଦୋକାନୀ ସହ ସଲାସୁତୁରା ନୀତି ରେ ଲାଭବାନ ହେଉଥିବା ବେଳେ ତୁରନ୍ତ ଆବଶ୍ୟକ କାର୍ଯ୍ୟାନୁଷ୍ଠାନ ବିଭାଗୀୟ ଉଚ୍ଚ ଅଧିକାରୀ ଗ୍ରହଣ କରିବା କୁ ଦାବି ହେଉଛି ।