14-Oct-2020

ବଲାଙ୍ଗୀର, ଆଜି ବଲାଙ୍ଗୀର ଜିଲ୍ଲାରୁ ମୋଟ ୬୪ଜଣ କରୋନା ଆକ୍ରାନ୍ତ ଚିହ୍ନଟ ହୋଇଥିବା ବେଳେ ବଲାଙ୍ଗୀର ପୌରାଞ୍ଚଳର ବିଭିନ୍ନ ୱାର୍ଡରୁ ୭ଜଣ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । ବଲାଙ୍ଗୀର ଜିଲ୍ଲା ଆଗଲପୁର ବ୍ଲକର ବଡଟିକାରୁ ୩ଜଣ ସଂକ୍ରମିତ ଚିହ୍ନଟ ହୋଇଥିବା ବେଳେ ବଲାଙ୍ଗୀର ସଦର ବ୍ଲକ କୁଡାସିଙ୍ଗାରୁ ମାତ୍ର ୧ଜଣ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । 
ବଙ୍ଗୋମୁଣ୍ଡା ବ୍ଲକ ଅନ୍ତର୍ଗତ ଭାଲୁମୁଣ୍ଡା ଗାଁ ରୁ ୧ଜଣ ସିନ୍ଧେକେଲାରୁ ୨ଜଣ, ବଙ୍ଗୋମୁଣ୍ଡାରୁ ୧ଜଣ ଓ ବିରିପାଲିରୁ ୧ଜଣ ଚିହ୍ନଟ ହୋଇଛନ୍ତି । 
  ବେଲପଡା ବ୍ଲକର ମଣ୍ଡଳ ଓ ଧୁମାଭଟାରୁ ଜଣେ ଲେଖାଏଁ କରୋନା ସଂକ୍ରମିତ ଚିହ୍ନଟ ହୋଇଥିବା ବେଳେ ଗୁଡବେଳା ବ୍ଲକର  ଦେଉଳଗୁଡିରୁ ଜଣେ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । 
  ଦେଓଗାଁ ବ୍ଲକର ଦେଷଣ୍ଢରୁ ୧ଜଣ ଏବଂ ଓ ଲଣ୍ଡାପଥରରୁ ୩ଜଣ ସଂକ୍ରମିତ ଥିବା ସୂଚନା ମିଳିଛି । କଣ୍ଡାବାଞ୍ଜି ଏନ୍‌ଏସିର ୱାର୍ଡ ନଂ- ୫ରୁ ଜଣେ ଓ  ଖପ୍ରାଖୋଲ ବ୍ଲକ ବାଘମୁଣ୍ଡରୁ ଜଣେ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । 
  ଲୋଇସିଂହା ବ୍ଲକର ବାନିପାଲି, କୁସମେଲ ଓ ଯୋଗୀସୁର୍ଡାରୁ ଜଣେ ଲେଖାଏଁ କରୋନା ପଜିଟିଭ ବାହରିଛନ୍ତି । ମୁରିବାହାଲ ବ୍ଲକରୁ ଆଜି ମାତ୍ର ୩ଜଣ କରୋନା ସଂକ୍ରମିତ ଚିହ୍ନଟ ହୋଇଛନ୍ତି ।
ପାଟଣାଗଡ଼ ବ୍ଲକର ବରପଦର ଗାଁ ରୁ ଜଣେ, ଘସିଏନରୁ ୩ଜଣ, ଯୋଗୀମୁଣ୍ଡାରୁ ଜଣେ, ଖୁରସେଲରୁ ୪ଜଣ ଏବଂ ସାଲେପାଲି, ସୋଲବନ୍ଧ ଓ ତମିଆରୁ ଜଣେ ଲେଖାଏଁ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । ସେହିପରି ପାଟଣାଗଡ ଏନ୍‌ଏସିର ବିଭିନ୍ନ ୱାର୍ଡରୁ ମୋଟ ୯ଜଣ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । 
ସେହିପରି ପୁଇଁତଲା ବ୍ଲକର ଲୁକାପଡା, ଦଶପୁର ଓ ଖଲିଆପାଲିରୁ ଜଣେ ଲେଖାଏଁ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । ସଂଁତଳା ବ୍ଲକର ସଇଁତଳା ଅଞ୍ଚଳରୁ ଜଣେ କରୋନା ସଂଂକ୍ରମିତ ଚିହ୍ନଟ ହୋଇଛନ୍ତି । 
ଟିଟିଲାଗଡ଼ ବ୍ଲକର କୁରସୁଡ ଅଞ୍ଚଳରୁ ୨ଜଣ ଚିହ୍ନଟ ହୋଇଥିବା ବେଳେ  ଟିଟିଲାଗଡ ମୁନିସିପାଲିଟି ଅଧୀନରେ ଥିବା ୱାର୍ଡ ନଂ - ୪, ୫, ୮ ଓ ୯ରୁ ଜଣେ ଲେଖାଏଁ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । ସେହିପରି ତୁରେକେଲା ବ୍ଲକର ଚାଉଳସୁଖା, କନ୍ଦେଇ ଓ ଖଗସା ଗାଁ ରୁ ଜଣେ ଲେଖାଏଁ କରୋନା ସଂକ୍ରମିତ ଚିହ୍ନଟ ହୋଇଥିବା ଜିଲ୍ଲା ସୂଚନା ଓ ଲୋକ ସଂପର୍କ ବିଭାଗ ପକ୍ଷରୁ କୁହାଯାଇଛି । 
   ଆଜି ପର୍ଯ୍ୟନ୍ତ ବଲାଙ୍ଗୀର ଜିଲ୍ଲାରେ ୫୫୪୬ ଜଣ କରୋନା ପଜିଟିଭ ଚିହ୍ନଟ ହୋଇଥିବା ବେଳେ ୭୮୩ଜଣ ଏକ୍ଟିଭ ରହିଛନ୍ତି । ଆଜି ସୁଦ୍ଧା ବଲାଙ୍ଗୀର ଜିଲ୍ଲାରେ କରୋନା ଯୋଗୁଁ ୨୬ଜଣଙ୍କ ଜୀବନ ଯାଇଥିବା ଜିଲ୍ଲା ସୂଚନା ଓ ଲୋକ ସଂପର୍କ ବିଭାଗ ପକ୍ଷରୁ ପ୍ରଦତ୍ତ ରିପୋର୍ଟରୁ ଜଣାପଡିଛି ।