17-Jun-2026

ବଲାଙ୍ଗୀର(ଆରବିନ୍ଦ ମିଶ୍ର): ଏହି ବ୍ଳକର ଚେରୂପାଳି ପଞ୍ଚାୟତ ଅନ୍ତର୍ଗତ ବଡ଼ ନୁଆପାଲି ଗ୍ରାମବାସୀ ଆଜି ଡୁଙ୍ଗୁରିପାଲି ବିଡିଓଙ୍କୁ ଭେଟି ଗ୍ରାମର ବିଭିନ୍ନ ସମସ୍ୟା ଉପରେ ଆଲୋଚନା କରିଥିଲେ। ପ୍ରମୁଖ ସମସ୍ୟା ମଧ୍ୟରେ ଅଙ୍ଗନଦୀରୁ ଗ୍ରାମ ପାନୀୟ ଜଳ ଯୋଗାଣ କରିବା । ଗ୍ରାମର ଏକମାତ୍ର ପୋଖରୀରେ ସମସ୍ତେ ନିତ୍ୟ ବ୍ୟବହାର କରୁଥିବାରୁ ପାନୀୟ ପାଇଁ ପୋଖରୀ ପାଣି ଉପଯୁକ୍ତ ନୁହେଁ । ଉକ୍ତ ପଞ୍ଚାୟତର ନିକଟସ୍ତ ଗ୍ରାମ କୂଶାମାଳ ଗ୍ରାମକୁ ଅଙ୍ଗନଦୀର ପାଣି ଯୋଗାଣ ହେଉଛି । ଏହି ଗ୍ରାମରୁ ବଡନୁଆପାଲିକୁ ମାତ୍ର ୨କିମି ଦୂର ହୋଇଥିବାରୁ ଏଠାରୁ ପାଣି ଯୋଗାଣ ହେଲେ ଗ୍ରାମବାସୀ ଉପକୃତ ହେବେ । ଅନ୍ୟ ଏକ ସମସ୍ୟା ଆଇଡିଏଫ ପାଣ୍ଠିରୁ ଗ୍ରାମରେ କଂକ୍ରୀଟ 'ରାସ୍ତା ନିର୍ମାଣ ହେବାର ରହିଛି । ରକ୍ତ କାମରେ ଅହେତୁକ ବିଲମ୍ଭ ହେଉଛି । କାମ ଶିଘ୍ର ସାରିବାକୁ ଗ୍ରାମବାସୀ ବିଡିଓଙ୍କୁ କହିଥିଲେ । ଏହି କାମ ବେଳେ ଗ୍ରାମବାସୀଙ୍କ ସହ ଯୋଗରେ ହେବା ପାଇଁ ଗ୍ରାମବାସୀ ଜଣାଇଛନ୍ତି। ଆଲୋଚନା ସମୟରେ ଚେରୁପାଲି ସରପଞ୍ଚ ଦିଲିପ କୁମାର ଶତପଥ, ଓ୍ବାର୍ଡମେମ୍ବର ଡୋଲାମଣି ପଧାନ, ପରମେଶ୍ଵର ନାଏକ, ସତ୍ୟନାରାୟଣ ସା, ସୁଦାମ ବିଶ୍ରୀ, ମୁନୁ ବିଶ୍ରା, ବିଷ୍ଣୁ ସୁନା, ରସିକ ସାଗରୁ ସମେତ ଗ୍ରାମବାସୀ ଉପସ୍ଥିତ ଥିଲେ । କନିଷ୍ଠ ଯନ୍ତ୍ରୀ ଉକ୍ତ ଗ୍ରାମକୁ ପାଗ ସମସ୍ୟାର ସମାଧାନ କରାଯିବ ବୋଲି ବିଡିଓ ସଞ୍ଜିବ ସାହୁ ପ୍ରତିଶ୍ରୁତି  ଦେଇଥିଲେ ।