28-May-2026

କଟକ  (ତପନ ମହାନ୍ତି ସାମ୍ବାଦିକ): ଚୌଦ୍ଵାର ପୌରପାଳିକାର ଗାନ୍ଧୀ ଛକ ଠାରେ ରହିଛି ପୌର ଟାଉନ ହଲ । ମୁଖ୍ୟତଃ ଅଞ୍ଚଳର ଛୋଟ ବଡ଼ ସାମାଜିକ ତଥା ସାଂସ୍କୃତିକ ଅନୁଷ୍ଠାନ, ଶିକ୍ଷାନୁଷ୍ଠାନ, ରାଜନୈତିକ ଦଳ ଆଦି ବିଭିନ୍ନ ପ୍ରକାର ସଚେତନତା ଓ ବିକାଶ ମୂଳକ କାର୍ଯ୍ୟ ପାଇଁ ୧୯୯୬ ମସିହା ଜାନୁଆରୀ ୫ ତାରିଖରେ ତତ୍କାଳୀନ ରାଜସ୍ବ ଓ ପରିବହନ ମନ୍ତ୍ରୀ ସ୍ବର୍ଗତ କାହ୍ନୁ ଚରଣ ଲେଙ୍କା ଟାଉନ ହଲକୁ ଉଦ୍‌ଘାଟନ କରିଥିଲେ । ବିଭିନ୍ନ ପ୍ରକାର ସଭା ଓ ସାଂସ୍କୃତିକ କାର୍ଯ୍ୟକ୍ରମ ଏଠାରେ ଆୟୋଜନ କରିବା ପାଇଁ ଆୟୋଜକ ମାନେ ପୌରପାଳିକାକୁ ଧାର୍ଯ୍ୟ ଭଡ଼ା ଦେଇଥାନ୍ତି । ବିଡ଼ମ୍ବନାର ବିଷୟ ସମୟ କ୍ରମେ ପୌରପାଳିକା ପକ୍ଷରୁ ଟାଉନ ହଲର ଉନ୍ନତିକରଣ ଓ ପୁନରୁଦ୍ଧାର କାର୍ଯ୍ୟ କରାଯାଉଥିଲେ ମଧ୍ୟ ଆୟୋଜକ ଓ ଦର୍ଶକମାନଙ୍କ

ମୌଳିକ ସୁବିଧା ପ୍ରତି ଧ୍ୟାନ ଦିଆଯାଉ ନଥୁବା ଅଭିଯୋଗ ହେଉଛି । ବର୍ତ୍ତମାନ ସୁଦ୍ଧା ଟାଉନ ହଲରେ ଦର୍ଶକ ମାନଙ୍କ ନିମନ୍ତେ ସ୍ଥାୟୀ ଚୌକି ବ୍ୟବସ୍ଥା ନାହିଁ।

ଆୟୋଜକ, କଳାକାର, ଅତିଥ୍‌ ଓ ଦର୍ଶକମାନଙ୍କ ପାଇଁ ହଲ ପରିସରରେ ଶୌଚାଳୟଟିଏ ନାହିଁ । ପ୍ରାୟ ପଙ୍ଖା ଓ

ଲାଇଟ ଅଚଳ ଅବସ୍ଥାରେ ରହିଛି।

କିଛିମାସ ତଳେ ହଲ ମଧ୍ୟରେ ଟାୱାର ଏସି ଲାଗିଥିଲେ ମଧ୍ୟ ଏପର୍ଯ୍ୟନ୍ତ ବିଦ୍ୟୁତ୍ ସଂଯୋଗ ହୋଇ

ନଥୂବାରୁ ଏହା କାର୍ଯ୍ୟକ୍ଷମ ହୋଇପାରିନାହିଁ। ସେହିପରି ଉଚ୍ଚ କ୍ଷମତା ସମ୍ପନ୍ନ ଜେନେରେଟର (ଡିଜି)

ସ୍ଥାପିତ ହୋଇଥିଲା। ତାହା ମଧ୍ୟ କାର୍ଯ୍ୟକ୍ଷମ ହୋଇନାହିଁ । ଫଳରେ କାର୍ଯ୍ୟକ୍ରମର ଆୟୋଜକ ମାନେ ବାହାରୁ ଟେଣ୍ଟ ସଂସ୍ଥା ମାନଙ୍କଠାରୁ

ଆଣି କାମ ଚଳାଉଛନ୍ତି । ଅପରପକ୍ଷେ ଟାଉନ ହଲର ପଛପାର୍ଶ୍ଵ ଅସ୍ବାସ୍ଥ୍ୟକର ପରିବେଶରେ ରହିଛି । ପୌରପାଳିକାର

ବିଭିନ୍ନ ଅଚଳ ସାମଗ୍ରୀ ସେଠାରେ ଗଦା ହୋଇ ରହିଛି। ପୁରୁଣା ଅଚଳ ଆମ୍ବୁଲାନ୍ସ, ଟ୍ରାକ୍ଟର, ଅଳିଆ ବୁହା ଗାଡ଼ି ଆଦି ପରିତ୍ୟକ୍ତ ଭାବେ ପଡ଼ି ରହି ଟାଉନ ହଲ ପରିସରର ସୌନ୍ଦର୍ଯ୍ୟ ହାନି କରୁଛି ।

ସୂଚନା ଯୋଗ୍ୟ ପୌରପାଳିକା ପକ୍ଷରୁ ୨୦୦୭ ମସିହାରେ ନବୀକରଣ କାର୍ଯ୍ୟ କରାଯାଇଥିଲା। ପରେ ୨୦୨୪-୨୫ ଆର୍ଥିକ ବର୍ଷରେ ୧୯, ୮୯, ୮୬୪ ଟଙ୍କା ବ୍ୟୟରେ ପୁନରୁଦ୍ଧାର କାର୍ଯ୍ୟ ହୋଇଥିଲା। ଏହାପରେ ମଧ୍ୟ ବ୍ୟବସ୍ଥିତ ଢଙ୍ଗରେ ଏହାର କାର୍ଯ୍ୟକାରୀ ହୋଇ ପାରୁନଥିବାରୁ ଟାଉନ ହଲଟି ଜନ ଆଦୃତ ହୋଇ ପାରୁନାହିଁ । ଜନସାଧାରଣ ମୌଳିକ ସୁବିଧା ଲାଗି ଯତ୍ନବାନ ହେବା ସହିତ ଏହାର ସମାଧାନ ଦିଗରେ ପୌର କର୍ତ୍ତୃପକ୍ଷ ତୁରନ୍ତ ପଦକ୍ଷେପ ନେବାକୁ ଦାବି ହୋଇଛି।