29-Apr-2026

କେନ୍ଦୁଝର/ଘଟଗାଁ(ପ୍ରେରଣା ଖବର): ବ୍ୟାଙ୍କ ସମ୍ମୁଖରେ ଭଉଣୀର ଶବ ରଖି ଟଙ୍କା ମାଗିଲା ଭାଇ।

  ଏଭଳି ଚାଞ୍ଚଲ୍ୟକର ଘଟଣା ଘଟିଛି କେନ୍ଦୁଝର ଜିଲ୍ଲା ପାଟଣା ଥାନା ଅନ୍ତର୍ଗତ ମଲ୍ଲୀପଶି ରେ ଯାହା ଏବେ ସାରା ଜିଲ୍ଲାରେ ଚର୍ଚ୍ଚାର ବିଷୟ ପାଲଟିଛି।

  ମିଳିଥିବା ସୂଚନା ଅନୁସାରେ କେନ୍ଦୁଝର ଜିଲ୍ଲା ପାଟଣା ଥାନା ଅନ୍ତର୍ଗତ ଡିଆନାଳୀ ଗ୍ରାମର କାଲା ମୁଣ୍ଡା ନାମକ ଜଣେ ବୃଦ୍ଧା ଙ୍କ ମଲ୍ଲିପଶି ସ୍ଥିତ ଓଡ଼ିଶା ଗ୍ରାମ୍ୟ ବ୍ୟାଙ୍କ ରେ ଏକ ଜମା ଖାତା ଖୋଲିଥିଲେ। ୨ ମାସ ପୂର୍ବରୁ କାଲା ମୁଣ୍ଡାଙ୍କ ମୃତ୍ୟୁ ଘଟିଥିଲା ବେଳେ ଘର ନିକଟରେ ତାଙ୍କୁ ପୋତି ଦିଆଯାଇଥିଲା। ତାଙ୍କ ସାନଭାଇ ଜିତୁ ମୁଣ୍ଡା କାଲା ମୁଣ୍ଡା ଙ୍କ ପାସ୍ ବୁକ୍ ନେଇ ଓଡ଼ିଶା ଗ୍ରାମ୍ୟ ବ୍ୟାଙ୍କ ମଲ୍ଲିପଶି ଶାଖାକୁ ଯାଇ କାଲା ଙ୍କ ପାସ୍ ବୁକ୍ ର ଥିବା ସମସ୍ତ ଟଙ୍କା ତାଙ୍କୁ ଦେବାକୁ କହିଥିଲେ। ଯାହା ନାମରେ ପାସ୍ ବୁକ୍ ସିଏ ଆସିଲେ ଟଙ୍କା ଦିଆଯିବ ବୋଲି ବ୍ୟାଙ୍କ କର୍ତ୍ତୃପକ୍ଷ କହିବା ପରେ ଜିତୁ ଘରକୁ ଆସି କାଲା ମୁଣ୍ଡାଙ୍କ ଗଳିତ ମୃତଦେହ ଖୋଳି ବାହାର କରି ମଲ୍ଲିପଶି ଗ୍ରାମ୍ୟ ବ୍ୟାଙ୍କ ରେ ପହଞ୍ଚି ଯାହା ନାମରେ ପାସ୍ ବୁକ୍ ତାକୁ ଆଣିଛି ଟଙ୍କା ଦିଅ ବୋଲି କହିଥିଲେ। ବ୍ୟାଙ୍କ ବାରଣ୍ଡାରେ ମୃତ ଦେହ ଦେଖି ବ୍ୟାଙ୍କ ମ୍ୟାନେଜର ପାଟଣା ଥାନାକୁ ଖବର ଦେଇଥିଲେ। ପାଟଣା ପୋଲିସ ଘଟଣାସ୍ଥଳରେ ପହଞ୍ଚି ଜିତୁ ମୁଣ୍ଡା କୁ ବୁଝା ସୁଝା କରି ଟଙ୍କା ପାଇବା ପାଇଁ ସମସ୍ତ କାଗଜପତ୍ର କରାଇ ଦେବାକୁ ପ୍ରତିଶ୍ରୁତି ଦେବା ପରେ ଜିତୁ ମୁଣ୍ଡା ମୃତଦେହକୁ ପୁନର୍ବାର ସେହି ସ୍ଥାନରେ ପୋତି ଦେବାରୁ ଏହି ଚାଞ୍ଚଲ୍ୟକର ଘଟଣା ର ଯବନିକା ପଡ଼ିଥିଲା। ଏଥିରେ ସ୍ଥାନୀୟ ଜନସାଧାରଣ ବ୍ୟାଙ୍କ କତ୍ତୃପକ୍ଷଙ୍କୁ ଦାୟି କରି କର୍ତୃପକ୍ଷଙ୍କ ବିରୋଧରେ କାର୍ଯ୍ୟାନୁଷ୍ଠାନ ପାଇଁ ଦାବି କରିଛନ୍ତି।