06-Apr-2026

ସୋନପୁର (ମନୋରଞ୍ଜନ ତ୍ରିପାଠୀ )
ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ ରୁଗୁଡିପାଲି ପରିସରରେ  ଓସେପା ପତ୍ର ସଂଖ୍ୟା ୪୦୨୭/ ଏସ ଟି ସି/୨୬ ତାରିଖ ୩୧/୦୩/୨୬  ଅନୁସାରେ ଶିଶୁ ବାଟିକା , ପ୍ରଥମ ଶ୍ରେଣୀ ନାମଲେଖା ପର୍ବ " ପ୍ରବେଶ ଉତ୍ସବ ଏବଂ ଖଡିଛୁଆଁ" କାର୍ଯ୍ୟକ୍ରମ ଅନୁଷ୍ଟିତ ହୋଇଛି । ବିଦ୍ୟାଳୟ କମିଟି  ସଭାପତି  ସଞ୍ଚୟ ବାଘ ଅଙ୍ଗନବାଡି ର ସହାୟିକା  ଗୀତାଞ୍ଜଳୀ ରଣା ଉପସ୍ଥିତ ରହି ନୂତନ ଛାତ୍ରଛାତ୍ରୀଙ୍କୁ ଖଡ଼ିଛୁଆଁ କରାଇଥିଲେ । ଏହି ଅବସରରେ ଖେଳଘର ଷ୍ଟଲ , ରଙ୍ଗ ପସରା ଷ୍ଟଲ ଓ ଗପରାଇଜ ଷ୍ଟଲ , ଷ୍ଟଲ ରେ ବିଭିନ୍ନ ପ୍ରକାରର ଗଳ୍ପ , ପୁସ୍ତିକା, କଣ୍ଢେଇ ଏବଂ ରଙ୍ଗର ସମାରୋହକୁ ଅଭିଭାବକ ତଥା ଛାତ୍ରଛାତ୍ରୀମାନେ ବୁଲି ଦେଖିଥିଲେ । ବରିଷ୍ଟ ଶିକ୍ଷକ ଦୋଳଗୋବିନ୍ଦ ପଣ୍ଡା ଜାତୀୟ ଶିକ୍ଷାନୀତିର ଗୁରୁତ୍ୱ, ସଠିକ୍ ବୟସରେ ନାମଲେଖାର ଆବଶ୍ୟକତା ଅବିଭାବକମାନଙ୍କୁ ବୁଝାଇଥିଲେ । ପ୍ରଧାନ ଶିକ୍ଷକ ଲାଲଚନ୍ଦ୍ ରଣାଙ୍କ ପୌରୋହିତ୍ୟରେ ଏକ ସଭା ଅନୁଷ୍ଠିତ ହୋଇଥିଲା । ମୌଳିକ ସାକ୍ଷରତା ଓ ସଂଖ୍ୟା ଜ୍ଞାନ ଶିକ୍ଷକ ବିରେନ୍ଦ୍ର ବରିହା ବିଭିନ୍ନ ଷ୍ଟଲ୍ ପରିଚାଳନା କରିଥିବା ବେଳେ ଶିକ୍ଷକ ମୁକେଶ ରଞ୍ଜନ ପ୍ରଧାନ ସହଯୋଗ କରିଥିଲେ । ବିଦ୍ୟାଳୟର ଶିକ୍ଷା ପରିଚାଳନା କମିଟୀର ସଭ୍ୟ ସଭ୍ୟା ଉପସ୍ଥିତ ଥିଲେ । ନାମ ଲେଖାଇଥିବା ନୂତନ ଛାତ୍ରଛାତ୍ରୀଙ୍କୁ ଚକୋଲେଟ୍ ମିଷ୍ଟାନ ପ୍ରଦାନ କରାଯାଇଥିଲା । ପରିଶେଷରେ ଶିକ୍ଷକ ଦୋଳଗୋବିନ୍ଦ ପଣ୍ଡା ଧନ୍ୟବାଦ ଅର୍ପଣ କରିଥିଲେ ।