15-Mar-2026

ବଲାଙ୍ଗିର(ପ୍ରେରଣା ଖବର): ସହରାଞ୍ଚଳ ଅପେକ୍ଷା ଗ୍ରାମାଞ୍ଚରେ ଖାଉଟୀ ମାନଙ୍କ ଭିତରେ ଅଧିକ ସଚେତନତା ଆବଶ୍ୟକ ରହିଛି ବୋଲି ବିଶ୍ୱ ଖାଉଟୀ ଅଧିକାର ଦିଵସରେ ମତ ପ୍ରକାଶ ପାଇଛି। ଆଜି ବଲାଙ୍ଗିର ପତିତପାବନ ଏକାଡ଼େମୀ ସଭାଗୃହ ରେ ଅଖିଳ ଭାରତୀୟ ଗ୍ରାହକ ପଞ୍ଚାଯତ ବୈଧ ମାପ ବିଜ୍ଞାନ ଵିଭାଗ ସହାୟତାରେ ଅନୁଷ୍ଠିତ ସଚେତନତା ସଭାରେ ବକ୍ତା ମାନଙ୍କ ସହିତ ପ୍ରଶ୍ନ ଉତ୍ତର ବେଲେ ଗ୍ରାମାଞ୍ଚଳ ଖାଉଟୀ  ତର୍କ ସଂଗତ ସମର୍ଥନ ପାଇଁ ଗ୍ରାମାଞ୍ଚଳ ଖାଉଟି ଙ୍କ ସଚେତନତା ଜରୁରୀ ହୋଇ ପଡ଼ିଛି ବୋଲି କହିଥିଲେ।

ଚଳିତ ବର୍ଷ " ନିରାପଦ ଉତ୍ପାଦ - ଆତ୍ମ ବିଶ୍ୱାସୀ ଗ୍ରାହକ" ହେଉଚି ବିଶ୍ୱ ଗ୍ରାହକ ଅଧିକାର ଦିଵସ ୨୦୨୬ ର ବିଷୟବସ୍ତୁ।
ବିଷୟ ବସ୍ତୁ ଇପରେ ଜିଲ୍ଲା ମୁଖ୍ୟ ଯୋଗାଣ ଅଧିକାରୀ ରଞ୍ଜନ କୁମର ପଣ୍ଡା ମୁଖ୍ୟ ଅତିଥି,  ଜିଲ୍ଳା ଶିଳ୍ପ କେନ୍ଦ୍ରର ଭାରପ୍ରାପ୍ତ ସାଧାରଣ ପରିଚାଳକ ନିରୋଜ ରଞ୍ଜନ ପାଣିଗ୍ରାହି, ବୈଧ ମାପ ବିଜ୍ଞାନ ଵିଭାଗ ସହକାରୀ ନିୟନ୍ତ୍ରକ ସାଗରିକା ସାବତ, ବଲାଙ୍ଗିର ଜିଲ୍ଲାପରିଷଦ ସଭ୍ୟ ସିବଦତ୍ତ ମିଶ୍ର ମତ ପ୍ରକାଶ କରି ଖାଉଟି ବିଷୟକ ବିସ୍ତାର ପୂର୍ବକ ମତାମତ ଦେଇଥିଲେ। ଖାଉଟୀ ମନଙ୍କୁ ଦିଆଯାଇଥିବା ଅଧିକାର ହନନ ହେଲେ ଅଦାଲତ ରେ ବିନା କୌଣସି ଓକିଲ ସହାୟତା ନେଇ ଜିଲ୍ଳା, ରାଜ୍ଯ ଓ କେନ୍ଦ୍ରିୟ ଖାଉଟି ଅଦାଲତ ରେ ଆବେଦନ କରି  ନ୍ୟାୟ ପାଇ ପାରିବେ ବୋଲି କହିଥିଲେ। ଅନ୍ୟତମ

ଅତିଥଭାବେ ଅଖିଳ ଭାରତୀୟ ଗ୍ରାହକ ପଞ୍ଚାଯତ ପ୍ରାନ୍ତ ଅଧ୍ୟକ୍ଷ କିଶୋର ମୋହନ ମିଶ୍ର ଯୋଗଦେଇ ପଞ୍ଚାୟତ କାର୍ଯ୍ୟଶୈଳୀ ଉପରେ ବିସ୍ତୃତ ବିବରଣୀ ଦେଇଥିଲେ। ଜିଲ୍ଳା ସଭାପତି ଗୋପବନ୍ଧୁ ଶତପଥିଙ୍କ ଅଧ୍ୟକ୍ଷତାରେ ଅନୁଷ୍ଠିତ ସଭାକୁ ସମ୍ପାଦକ ଅଶୋକ କୁମାର ମିଶ୍ର ଦିଵସ ଉଦ୍ଦେଶ୍ୟ କହି ସଂଯୋଜନା କରିଥିଲେ। ପ୍ରାରମ୍ଭରେ ଦୀପ ପ୍ରଜ୍ବଳନ ପୂଜନ ପରେ ଗ୍ରାହକ ଗୀତ ଆବୃତ୍ତି କରାଯାଇଥିଲା। ଶେଷରେ ସଭ୍ୟ ଉମାଶଙ୍କର ସହୁ ଧନ୍ୟବାଦ୍ ଅର୍ପଣ କରିଥିଲେ।