15-Mar-2026

ନୂଆପଡ଼ା (ରାମନାଥ ପଣ୍ଡା )
ଛାତ୍ର ଛାତ୍ରୀ ନିଜ ଅନ୍ତର୍ନିହିତ କଳାର  ପରିପ୍ରକାଶ କରିବା ଓ ସମାଜ ସାମ୍ନାରେ ସମ୍ମାନିତ ହେବାର ମଞ୍ଚ ହେଉଛି ବାର୍ଷିକ ଉତ୍ସବ ।ଆଜି ନୂଆପଡ଼ା ଜିଲ୍ଲା ବୋଡ଼େନ ବ୍ଲକର ବାଗଲୋର ଆଶ୍ରମ ବିଦ୍ୟାଳୟ ଠାରେ ବାର୍ଷିକ ଉତ୍ସବ ଅନୁଷ୍ଠିତ ହୋଇଯାଇଛି । ବିଦ୍ଯାଳୟର ପ୍ରଧାନ ଶିକ୍ଷକ ଚର୍ତୁଭୂଜ ନିଆଲଙ୍କ ସଭାପତିତ୍ବରେ  ଅନୁଷ୍ଠିତ ସଭାରେ ନିମନା କ୍ଲଷ୍ଟର ସିଆରସିସି ରିଖିରାମ ଜଗତ ମୁଖ୍ଯ ଅତିଥି, ଚିକଳଚୁଆ ସେବାଶ୍ରମ ପ୍ରଧାନ ଶିକ୍ଷକ ଧନିକର ଜଗତ ମୁଖ୍ୟ ବକ୍ତା, ସମ୍ମାନିତ ଅତିଥି ରୂପେ ବୋଡେନ ଏସ ଏସ ଡି ହାଇସ୍କୁଲ ଭାରପ୍ରାପ୍ତ ପ୍ରଧାନ ଶିକ୍ଷକ ଲିଙ୍ଗରାଜ ସା, କମଲାମାଲ ଆଶ୍ରମ ସ୍କୁଲ ପ୍ରଧାନ ଶିକ୍ଷକ ବିରାଳସେନ ନାଗ, ଏସ ଏମ ସି ସଭାପତି ଜଗବନ୍ଧୁ ମାଝୀ  ଯୋଗଦାନ କରିଥିଲେ  । ଶିକ୍ଷକ ଶରତ ଚନ୍ଦ୍ର ମେହେର ଅତିଥି ପରିଚୟ ପ୍ରଦାନ ଓ ମଞ୍ଚ ପରିଚାଳନା କରିଥିଲେ ।  ବିଦ୍ଯାଳୟ ପ୍ରଧାନ ଶିକ୍ଷକ ଶ୍ରୀଯୁକ୍ତ ନିଆଲ  ବାର୍ଷିକ ବିବରଣୀ ପଠନ  କରିଥିଲେ । ଚଳିତ ବର୍ଷରେ ଆୟୋଜିତ ବିଭିନ୍ନ ପ୍ରତିଯୋଗିତାରେ କୃତି ଛାତ୍ର ଛାତ୍ରୀ ମାନଙ୍କୁ  ପୁରସ୍କାର ପ୍ରଦାନ କରାଯାଇ ଅତିଥି ଉତ୍ସାହିତ କରିବା ଦେଖିବାକୁ ମିଳିଥିଲା । ତଦପରେ ସାସ୍କୃତିକ କାର୍ଯ୍ଯକ୍ରମ ପରିବେଷଣ କରି ଛାତ୍ର ଛାତ୍ରୀ ସମସ୍ତଙ୍କୁ ବିମୋହିତ କରିପକାଇ ଥିଲେ ।ମେଟ୍ରନ ତପସ୍ବିନୀ ବାରିକ, ଏମ ସି ସି ଏ ଶାନ୍ତା ଶବର, ଏଲ ସି ସି ଏ ଚଞ୍ଚଳା ମାଝୀ,ସିସି ଏ   ଜନନୀ ମାଝୀ, ଯଶୋବନ୍ତି ମାଝୀ, ଚୈତନ୍ୟ ମାଝୀ  ପ୍ରମୁଖ କାର୍ଯ୍ୟକ୍ରମରେ  ସହଯୋଗ କରିଥିଲେ । ଶିକ୍ଷକ ଗଙ୍ଗାରାମ ମାଝୀ  ଧନ୍ଯବାଦ ଅର୍ପଣ କରିଥିଲେ ।