12-Feb-2026

ସୋନପୁର, (ମନୋରଞ୍ଜନ ତ୍ରିପାଠୀ) କେନ୍ଦ୍ର ବିଜେପି ବନାମ ନରେନ୍ଦ୍ର ମୋଦି ସରକାରଙ୍କ କମ୍ପାନୀ ଓ ପୁଞ୍ଜିପତିଙ୍କ ସ୍ୱାର୍ଥ ରକ୍ଷାକାରି ୪ ଶ୍ରମ କୋଡ଼ କୁ ସମ୍ପୂର୍ଣ ବାତିଲ ଦାବିରେ ଏବଂ ଠିକା ଶ୍ରମିକ ପ୍ରଥା ସମ୍ପୂର୍ଣ ବନ୍ଦ କର, ଅଫିସ ତଥା କମ୍ପାନୀ ସମୂହରେ ସ୍ଥାୟୀ କର୍ମଚାରୀ, ଶ୍ରମିକ ନିଯୁକ୍ତି, MSP କୁ ଆଇନ ଗତ ମ।ନ୍ୟତା ପ୍ରଦାନ, ବିଭି ଜି ରାମଜୀ ପ୍ରତ୍ୟାହର,ଜାତୀୟ ଶିକ୍ଷାନୀତି ସମ୍ପୂର୍ଣ ବାତିଲ, ଜାତୀୟ ସମ୍ପତିର ଘରୋଇକରଣ ବନ୍ଦ, ବ୍ୟାଙ୍କ, ଏଲ ଆଇ ସି ଟେଲିକମ, ରେଳବାଇ ରେ ବିଦେଶୀ ପୁଞ୍ଜି ଲଗାଣ ବନ୍ଦ, ଆଶା, ଅଙ୍ଗନବାଡି, ପାଚିକା ଆଦି ସ୍କିମ ୱାର୍କସ ଙ୍କୁ ରେଗୁଲାର କର୍ମଚାରୀର ଦରମା ପ୍ରଦାନ, ବେକାରଙ୍କୁ କର୍ମ ନିଯୁକ୍ତି, ଦରଦାମ ବୃଦ୍ଧି ବନ୍ଦ, ରନ୍ଧନ ଗ୍ୟାସ, ପେଟ୍ରୋଲ ଡିଜେଲ ଦର ହ୍ରାସ, ନାରୀ ନିର୍ଯାତନା ବନ୍ଦ ଆଦି ପ୍ରମୁଖ ଜାତୀୟ ଦାବିରେ ଭାରତବର୍ଷର ପ୍ରମୁଖ ୧୦  ଟି  କେନ୍ଦ୍ରୀୟ ଶ୍ରମିକ ସଂଗଠନ ଓ ଶ୍ରମିକ ଫେଡେରେସନ ଏ ଆଇ ଟି ୟୁ ସି, ଏ ଆଇ ୟୁ ଟି ୟୁ ସି, ସି ଆଇ ଟି ୟୁ,, ଆଇ ଏନ ଟି ୟୁ ସି, ଏଚ ଏମ ଏସ, ଏ,ଆଇ ସି ସି ଟି ୟୁ ଙ୍କ ଡାକରାରେ ୧୨ ଫେବୃଆରୀ ସର୍ବଭାରତୀୟ ୧୨ ଘଣ୍ଟିଆ ହରତାଳ  ସୁବର୍ଣ୍ଣପୁର ରେ ସମ୍ପୂର୍ଣ ସଫଳ ହୋଇଛି। ସୁବର୍ଣ୍ଣପୁର ଜିଲ୍ଲା ଟ୍ରେଡ଼ ୟୁନିଅନ ସମନ୍ୱୟ ସମିତି ର କର୍ମକର୍ତା ସମୂହ ନେହେରୁ ଷଣ୍ଢ, ମନୋରଞ୍ଜନ ପାଣ୍ଡେ, କୃଷ୍ଣ ଚନ୍ଦ୍ର କମ୍ପ, କର୍ଣ୍ଣାରାଜ ପଧାନ,ରାଧାକାନ୍ତ ତାଣ୍ଡି, ସୀତା ମହାକୁର, ରୁନି ସେଠି, କୋଷେଳେଶ୍ୱର ସୁନା, ସରୋଜ ତାଣ୍ଡି, ସରୋଜ ପ୍ରଧାନ, ମୁରଲୀ ସା, ଜୟ ଜଗନ୍ନାଥ, ରମେଶ ନନ୍ଦ, ସୁଶାନ୍ତ ପଣ୍ଡା, ଜଗନ୍ନାଥ ସୁନା , ବରୁଣ ସୁନା  ପ୍ରମୁଖ ଶ୍ରମିକ ନେତାମାନେ ପ୍ରବୀଣ ଶ୍ରମିକ ନେତା ତଥା ଏସ ୟୁ ସି ଆଇ. କମ୍ୟୁନିଷ୍ଟ ପାର୍ଟ ରାଜ୍ୟ ନେତୃତ୍ୱ ଗୋବିନ୍ଦ ମହାରଣାଙ୍କ ନେତୃତ୍ୱରେ ଏହି ବନ୍ଦପାଳନ କରାଯାଇଥିଲା. ଏହି ବନ୍ଦପାଳନ ରେ କଂଗ୍ରେସ ର ବରିଷ୍ଠ ନେତା  ଜିତେନ୍ ପଟ୍ଟନାୟକ, ମାଧବ କୁମ୍ଭାର, ସୁଧୀର ପଣ୍ଡା, ରଂଜିତ ରାଏ, ପ୍ରମୋଦ ଗୁରୁ, ତାରିଣୀ ବାରିକ ପ୍ରମୁଖ ମଧ୍ୟ ସାମିଲ ଥିଲେ. ଏହି ବନ୍ଦ ଫଳ ରେ ସୋନପୁର ର ଦୋକାନ ବଜାର, ସରକାରୀ ଓ ବେସରକାରୀ କାର୍ଯ୍ୟାଳୟ, ଯାନବାହାନ ଚଲାଚଳ ସମ୍ପୂର୍ଣ୍ଣ ବନ୍ଦ ରହିଥିଲା.