01-Feb-2021

ମାୟାବର୍ହା,(ପ୍ରେରଣା ଖବର) ଡୁଙ୍ଗୁରିପାଲି ବ୍ଲକ ଅନ୍ତର୍ଗତ ପଂଚାୟାତ ଉଚ୍ଚ ବିଦ୍ୟାଳୟ,ମାୟାବର୍ହା ରେ ରାତ୍ରୀ ଜଗୁଆଳୀ କିଶୋର ଚନ୍ଦ୍ର ପୁଟେଲଙ୍କ ଅବସର ଗ୍ରହଣ କରିଥିବା ଯୋଗୁଁ ବିଦ୍ୟାଳୟ ପରିସରରେ ଏକ ବିଦାୟ ସମ୍ବର୍ଦ୍ଧନା ସଭା ଅନୁଷ୍ଠିତ ହୋଇଯାଇଅଛି । ବିଦ୍ୟାଳୟର ପ୍ରଧାନଶିକ୍ଷକ ବସନ୍ତ କୁମାର ହୋତା ସଭାରେ ଅଧ୍ୟକ୍ଷତା କରିଥିଲେ ଏବଂ ଶ୍ରୀ କିଶୋର ଚନ୍ଦ୍ର ପୁଟେଲଙ୍କୁ ଅବସର ସମୟରେ ସମ୍ମାନ ଜଣାଇ ମାନପତ୍ର ଓ ଉପଢୌକନ ପ୍ରଦାନକରି ସମ୍ବର୍ଦ୍ଧିତ କରିଥିଲେ ।  ଏଥି ସହିତ ଶ୍ରୀପୁଟେଲଙ୍କୁ ପ୍ରୋଭିଜନାଲ୍ ପେନସନ ସଂପର୍କିତ ସମସ୍ତ  କାଗଜାତ ପତ୍ର ପ୍ରଦାନ କରାଯାଇଅଛି । କାର୍ଯ୍ୟକ୍ରମକୁ ଇଂରାଜି ଶିକ୍ଷକ ତଥା  ଜୁନିଅର  ରେଡକ୍ରସ ସାଧନ କର୍ମି ରବିଚନ୍ଦ୍ର ପଶାୟତ ପରିଚାଳନା କରିଥିଲେ । ଶ୍ରୀପୁଟେଲ ନିଜସ୍ୱ କର୍ତ୍ତବ୍ୟକୁ ସୁଚାରୁ ରୂପେ ସଂପାଦନ କରି ଛାତ୍ରଛାତ୍ରୀ, ଅଭିଭାବକ ଏବଂ ସହକର୍ମୀଙ୍କ  ଗହଣରେ ଜଣେ କର୍ତ୍ତବ୍ୟନିଷ୍ଠ ତଥା ସୁମିଷ୍ଟ ବ୍ୟକ୍ତିତ୍ୱ ସଂପନ୍ନ କର୍ମଚାରୀ ଭାବରେ ଲୋକପ୍ରିୟ ହୋଇପାରିଥିଲେ । ଏହି ଅବସରରେ ଅବସରପ୍ରାପ୍ତ ଶିକ୍ଷକ ଜ୍ୟୋତିଷ୍କର ପଣ୍ଡା, ବରିଷ୍ଠ ଶିକ୍ଷକ ମନୋଜ କୁମାର ପୂଜାରୀ, ନନ୍ଦିଘୋଷ ବାରିକ, ପ୍ରହଲ୍ଲାଦ ଦାଶ, ସଂଜୀବ କୁମାର ପୂଜାରୀ, ମୀନକେତନ ଦାଶ, ବିଭୀଷଣ ଖମାରୀ ପ୍ରମୁଖ ଉପସ୍ଥିତ ରହି ମତବ୍ୟକ୍ତ କରିଥିଲେ । ଶେଷରେ ସ୍କାଉଟ ମାଷ୍ଟର ଦୀନବନ୍ଧୁ ପ୍ରଧାନ ଧନ୍ୟବାଦ ଅର୍ପଣ କରିଥିଲେ ।