22-Nov-2025

ସୁବର୍ଣ୍ଣପୁର (ମନୋରଞ୍ଜନ ତ୍ରିପାଠୀ) ପ୍ରଶାସନକୁ ଗାଁ କୁ ପହଞ୍ଚାଅ, ଲୋକ ଙ୍କୁ ଓ ଜନ ପ୍ରତିନିଧି ଙ୍କୁ ଉତ୍ତମ ବ୍ୟବହାର ଓ ସମ୍ମାନ ଦିଅ, ଲୋକ ଙ୍କ  ସମସ୍ୟା ବୁଝି ତାଙ୍କ ସହ ସାମିଲ ହୁଅ, ସରକାରୀ ଯୋଜନା କୁ ସଧାରଣ ଲୋକ ଙ୍କ ପାଖରେ ପହଞ୍ଚାଅ ବୋଲି ପ୍ରମୁଖ ୯ ଗୋଟି ମନ୍ତ୍ର କୁ ପାଳନ କରିବା କୁ ଗତ ୧୮ , ୧୯ ତାରିଖ ରେ ଭୁବନେଶ୍ୱର ରେ ଅନୁଷ୍ଟିତ ଜିଲ୍ଲାପାଳ କନ୍ ଫରେନ୍ସ ରେ ମାନ୍ୟବର ମୁଖ୍ୟମନ୍ତ୍ରୀ ଶ୍ରୀଯୁକ୍ତ ମୋହନ ଚରଣ ମାଝୀ ଜିଲ୍ଲାପାଳ ମାନଙ୍କୁ ନିର୍ଦ୍ଦେଶ ଦେଇଥିଲେ l ଆଉ ସେ ସବୁ ମନ୍ତ୍ର କୁ ପାଳନ କଲେ ଆଜି ସୁବର୍ଣ୍ଣପୁର ଜିଲ୍ଲାପାଳ l ଗତକାଲି ଏ ଜିଲ୍ଲାର  ବିନିକା   ବ୍ଲକ ଅନ୍ତର୍ଗତ ସେଲେଡି ପଞ୍ଚାୟତ ର ତୁଲୁଣ୍ଡୁପାଲି ଝରାପଡାର ୨୪ ଗୋଟି ଭୂମିହୀନ  ପରିବାର ଜିଲ୍ଲାପାଳ ଙ୍କୁ ସାକ୍ଷାତ କରି  ରହିବା ପାଇଁ ଜମି ଖଣ୍ଡିଏ ଲେଖାଏଁ ଯୋଗାଇ ଦେବାକୁ ଦାବି ପତ୍ର ପ୍ରଦାନ କରି ଗୁହାରି କରିଥିଲେ l

ଖୁବ୍ ଶୀଘ୍ର ଏହି ଗାଁକୁ ପରିଦର୍ଶନ କରିବାକୁ   ସବୁ ସମସ୍ୟା ର ସମାଧାନ ପାଇଁ ଜିଲ୍ଲାପାଳ, ଡ଼. ନୃପ ରାଜ ସାହୁ ଏ ନୀରିହ ଗରିବ ଆଦିବାସୀ ପରିବାରଙ୍କୁ ପ୍ରତିଶୁତି ଦେଇଥିଲେ l ପରେ  ଆଜି ଜିଲ୍ଲାପାଳ ମଧ୍ୟ ତାଙ୍କ କଥା ରଖି ଆଜି ନିଜେ ଉକ୍ତ ଗ୍ରାମକୁ ପରିଦର୍ଶନ କରି ସେମାନଙ୍କ ସହ ମିଶି ବାସ୍ତବ ଚିତ୍ର ପରଖିଥିଲେ। ଓ ସେମାନେ ସ୍ଥାୟୀ ଜମି ପଟ୍ଟା  କିମ୍ୱା ଆବାସ ଗୃହ  ପାଇ ନ ଥିବା ଜାଣି ଥିଲେ l ଜିଲ୍ଲାପାଳ ମଧ୍ୟ ତାଙ୍କୁ ଦେଇଥିବା ପ୍ରତିଶୃତି ଅନୁଯାୟୀ  ଆଜି ତାଙ୍କ ଗ୍ରାମକୁ ଯାଇ ତାଙ୍କୁ ଭେଟି ଥିବା ଓ ସମସ୍ତ ସମସ୍ୟା ଉପରେ ଆଲୋଚନା କରିଥିବା ଯୋଗୁଁ ସମସ୍ତ ପରିବାର ଖୁସି ପ୍ରକାଶ କରିଥିବା ବେଳେ ଜିଲ୍ଲାପାଳ ତାଙ୍କ  ରହିବାପାଇଁ ଭୂମି ଯୋଗାଇ ଦେବା ଆଶା ଉଜ୍ବଳ ହୋଇଛି। ଆଜି ର ଏହି ଗସ୍ତ ସମୟରେ ବିନିକା ବିଡ଼ିଓ ମଣ୍ଟୁ ଖମାରୀ, ଓ ତହସିଲଦାର ରୋଷ୍ଣା ଭୋଇ ମଧ୍ଯ ଉପସ୍ଥିତ ଥିଲେ l