21-Oct-2025

ବିନିକା(ହିମାଂଶୁ ଶେଖର ପୁଟେଲ)ସୁବର୍ଣ୍ଣପୁର ଜିଲ୍ଲା ବିନିକା ସହର ମନୋହରୀ ପଡ଼ା ଓ ପାତିକାର ପଡ଼ା ମଧ୍ୟରେ ବାଣ ଫୁଟାକୁ ନେଇ ଗତକାଲି ଦୀପାବଳୀ ରାତିରେ ଗୋଷ୍ଟି ସଂଘର୍ଷ ଘଟିଯାଇଛି ।ଯାହା ଫଳରେ ମନୋହରୀ ପଡ଼ାର ପାଞ୍ଚଜଣଙ୍କୁ ବିନିକା ଡାକ୍ତର ଖାନାରେ ଭର୍ତ୍ତି କରି ଚିକିତ୍ସା କରାଯାଇଥିଲା ହେଲେ ସେମାନଙ୍କ ମଧ୍ୟରୁ ୪ଜଣଙ୍କ ଅବସ୍ଥା ଗୁରୁତର ଥିବାରୁ ବୁର୍ଲା ଡ଼ାକ୍ତରଖାନାକୁ ସ୍ଥାନାନ୍ତରିତ କରାଯାଇଛି । ଘଟଣା କ୍ରମେ ମନୋହରୀପଡ଼ା ଠାରେ ପାତିକାର ପଡ଼ାର କିଛି ଯୁବକ ବାଣ ଫୁଟାଇ ଥିଲେ ଏବଂ ବାଣ(ଫଟକା) ଟି ଜଣଙ୍କ ଘର ଭିତରକୁ ପଶିଯାଇଥିଲା । ମନୋହରୀ ପଡ଼ାର କିଛି ଯୁବକ ପାତିକାର ପଡ଼ାର ଯୁବକଙ୍କୁ ବାଣ ଫୁଟାଇ ବାକୁ ବାରଣ କରିଥିଲେ । କିନ୍ତୁ ଯୁବକ ମାନେ ନିଶାସକ୍ତ  ଅବସ୍ଥାରେ ଥିବାରୁ ପରସ୍ୱର ମଧ୍ୟରେ କଥା କଟା କଟି ହୋଇଥିଲା । ପାତିକାର ପଡ଼ାର କିଛି ଯୁବକ ଏକତ୍ରିତ ହୋଇ ମନୋହରୀ ପଡ଼ାର ଯୁବକ ମାନଙ୍କୁ ମାରଣାସ୍ତ୍ରରେ ଆକ୍ରମଣ କରିଥିଲେ ।ପୋଲିସ ଘଟଣା ସ୍ଥଳରେ ପହଞ୍ଚିବା ବେଳକୁ ଘଟଣା ଉଗ୍ରରୂପ ଧାରଣ କରିଥିଲା ।ଗୁରୁତର ପାଞ୍ଚ ଜଣ ହେଲେ କାଳିଆ ମଲ୍ଲିକ (୩୫), ଆହତ ରାଜୁ ମଲ୍ଲିକ, ବବଳୁ ମଲ୍ଲିକ,ଅନାମ ମଲ୍ଲିକ , ମଲି ମଲ୍ଲିକ । ତେବେ ଆହତଙ୍କୁ ଆମ୍ବୁଲାନ୍ସ ଯୋଗେ ବୁର୍ଲା ପଠାଇବା ପରେ ପୋଲିସ ଉଭୟ ପକ୍ଷର ଲୋକଙ୍କୁ ବୁଝା ସୂଜା କରିବା ନେଇ ଆଲୋଚନା ଜାରି ରଖିଛି । ଘଟଣାର ଖବର ପାଇ ବିଳମ୍ବିତ ରାତିରେ ସୋନପୁର ଏସଡିପିଓ ପ୍ରତାପ ତ୍ରିପାଠୀଙ୍କ ସହିତ ପୋଲିସ ଫୋର୍ସ ମଧ୍ୟ ପହଂଚିଥିଲେ I