21-Oct-2025

ବଲାଙ୍ଗୀର (ପ୍ରେରଣା ଖବର) ଆସନ୍ତା ଅକ୍ଟୋବର ୨୬ ତାରିଖ ରବିବାର ସନ୍ଧ୍ୟାରେ ବଲାଙ୍ଗୀର ଟାଉନ୍ ବାଳିକା ଉଚ୍ଚ ବିଦ୍ୟାଳୟ ତାର ଡାଇମଣ୍ଡ ଜୁବୁଲି ପାଳନ କରିବାକୁ ଯାଉଛି l  ଟାଉନ୍ ବାଳିକା ଉଚ୍ଚ ବିଦ୍ୟାଳୟ ଓ ଶରତ ପାଣିଗ୍ରାହୀ ଫାଉଣ୍ଡେସନର ମିଳିତ ଆନୁକୂଲ୍ୟରେ ଅନୁଷ୍ଠିତ  ହେବାକୁ ଥିବା ଏହି ଉତ୍ସବକୁ କିପରି ଧୁମଧାମରେ ପାଳନ କରାଯାଇ ପାରିବ ସେ ନେଇ  ଆଜି ଏକ ପ୍ରସ୍ତୁତି  ବୈଠକ ଅନୁଷ୍ଠିତ ହୋଇଯାଇଛି l ସ୍କୁଲର ପ୍ରଧାନଶିକ୍ଷକ ନରେନ୍ଦ୍ର ନାଥ ମିଶ୍ରଙ୍କ ଆବାହକତ୍ବରେ ଅନୁଷ୍ଠିତ ଏହି  ବୈଠକରେ ସ୍କୁଲର ପ୍ରତିଷ୍ଠାତା ସ୍ଵର୍ଗତ ଶରତ ଚନ୍ଦ୍ର ପାଣିଗ୍ରାହୀଙ୍କ ସୁପୁତ୍ର ଡ. ଶ୍ରୀକାନ୍ତ ପାଣିଗ୍ରାହୀ ଯୋଗ  

 ଦେଇ ଡାଇମଣ୍ଡ ଜୁବୁଲି ପାଳନ, କାର୍ଯ୍ୟକ୍ରମର ରୂପରେଖ ତଥା ସୁପରିଚାଳନା ପାଇଁ ବିଭିନ୍ନ ଲୋକଙ୍କୁ ଦାୟିତ୍ଵ ହସ୍ତାନ୍ତର, ଅତିଥି ନିମନ୍ତ୍ରଣ ଓ ସ୍ମରଣିକା 'ସ୍ମୃତି ବିନ୍ଦୁ' ର ପ୍ରକାଶନ  ସମ୍ପର୍କରେ ସମସ୍ତଙ୍କ ସହ ଆଲୋଚନା କରିଥିଲେ l ଅନ୍ୟ ମାନଙ୍କ ମଧ୍ୟରେ ସ୍କୁଲର ପୂର୍ବତନ ପ୍ରଧାନ ଶିକ୍ଷୟିତ୍ରୀ ସୁଭଦ୍ରା ସ୍ଵାଇଁ, ପଙ୍କଜୀନୀ ଚୋପଦାର, ଆଲୁମିନି କମିଟିର ସଭାପତି ସୁଶ୍ରୀ ଆନନ୍ଦିନୀ ଦର୍ଜି, ସ୍ମରଣିକା କମିଟିର ରଘୁ ନନ୍ଦନ ସିଂହ, ସନ୍ଦୀପ କୁମାର କୁଅଁର, ଶିକ୍ଷକ କୃଷ୍ଣ ଚନ୍ଦ୍ର ବାଗ ପ୍ରମୂଖ ମଞ୍ଚାସୀନ ରହି ସ୍କୁଲର ପ୍ରତିଷ୍ଠା ଦିବସକୁ ସମସ୍ତଙ୍କ ସହଯୋଗରେ ସଫଳ କରିବାକୁ ଅନୁରୋଧ

କରିଥିଲେ l ଅନ୍ୟ ମାନଙ୍କ ମଧ୍ୟରେ ଶିକ୍ଷୟିତ୍ରୀ  ଅରୁନ୍ଧତୀ ବଢେଇ, ଝୁନିତା ଭୋଇ, ଗୀତାଞ୍ଜଳି ମାଝୀ, ସୁନିତା ପାଣିଗ୍ରାହୀ, ବନ୍ଦିତା ବେହେରା ଓ ଯୋଗେଶ୍ୱର ଦାସ ଙ୍କ ସମେତ ସ୍କୁଲର ଛାତ୍ରୀ ହେମ ପ୍ରଭା ବାରିକ, ଶୁଭଶ୍ରୀ ସାହୁ, ବିଚିନ୍ତା ସାହୁ, ଗାୟତ୍ରୀ ମହାପାତ୍ର ପ୍ରମୁଖ ଡାଇମଣ୍ଡ ଜୁବଲି ର ସଫଳ ଆୟୋଜନ ସମ୍ପର୍କରେ ନିଜର ବିଭିନ୍ନ ପ୍ରସ୍ତାବ ଦେଇ ଥିଲେ l ଶେଷ ରେ ସ୍କୁଲର ଶିକ୍ଷକ ସତ୍ୟାନନ୍ଦ ବିଶ୍ଵାଳ ଧନ୍ୟବାଦ ଅର୍ପଣ କରିଥିଲେ l