20-Oct-2025

ବଲାଙ୍ଗିର(ପ୍ରେରଣା ଖବର): ଆଜି ପୂର୍ବାହ୍ନ ୧୧ ଘଟିକା ସମୟରେ ବଲାଙ୍ଗିର ଜିଲ୍ଲା ଶାଖା ନିଖିଳ ଉତ୍କଳ ପ୍ରାଥମିକ ଶିକ୍ଷକ ସଂଘର ସମ୍ପାଦକ ହରେକୃଷ୍ଣ ରଥଙ୍କ ଆବାହନ କ୍ରମେ ସ୍ଥାନୀୟ ଜନକଲ୍ୟାଣ ମଣ୍ଡପ ଠାରେ କାର୍ଯ୍ୟକାରୀ କମିଟି ବୈଠକ ହୋଇଯାଇଛି।ସଭାନେତ୍ରୀ ଶାନ୍ତିଲତା ସାହୁଙ୍କ ଅଧ୍ୟକ୍ଷତାରେ ଉପଦେଷ୍ଟା ମଧୁସୁଦନ ନାୟକ, ସାଙ୍ଗଠନିକ ସମ୍ପାଦକ ଜୟଦେବ ବିଶି,ଉପସଭାପତି ଧ୍ରୁବରାଜ ଚୋପଦାର, ଅନ୍ନପୂର୍ଣ୍ଣା ନନ୍ଦ,ସହ ସମ୍ପାଦିକା ଅନୁପମା ପ୍ରହରାଜ, ଭୀମସେନ ଦଣ୍ଡସେନା,ସଞ୍ଜିତ କୁମାର ଦୋରା,ମହିଳା ପ୍ରକୋଷ୍ଠ ସଭାନେତ୍ରୀ ଲକ୍ଷ୍ମୀ ପ୍ରିୟ। ପଟେଲ,ଉପସଭାପତି ବସନ୍ତ ବୁଡେକ୍, ବୈଦ୍ରୁତ ସାହୁ,ପ୍ରଶାନ୍ତ ପୁରୋହିତ,ତୁଷାର କର୍ମୀ,ଗୌରୀ ରାଉତ, ନାରାୟଣ କିଷାନ,ଆଗଲପୁର ସଭାପତି ଦୁର୍ୟୋଧନ ପସାୟତ ସମେତ ପ୍ରତି ବ୍ଲକରୁ ଅନୁନ୍ୟ ଦୁଇଜଣ ପ୍ରତିନିଧିତ୍ଵ କରିଥିଲେ।
ସଭାରେ ନିମ୍ନୋକ୍ତ ବିଷୟ ଉପରେ ଆଲୋଚନା କରାଯାଇଥିଲା।

୦୧.୧୦.୮୯ ରୁ ସ୍କୁଲ ର ଶିକ୍ଷକ ମାନେ ନ୍ୟୁନତମ ୪୦୦ ଟଙ୍କାରେ ଉପାନ୍ତ ଅଂଚଳ ମାନଙ୍କରେ ଅର୍ଦ୍ଧାହାରରେ ବହୁ କଷ୍ଟରେ ଶିକ୍ଷକତା କରୁଥିଲେ।ସେତେବେଳେ ମଟର

ସାଇକେଲ ଗୋଟିଏ କିଣିବା ତ ଦୂରର କଥା,ସାଇକେଲ ଗୋଟିଏ କିଣିବା ପାଇଁ ମଧ୍ୟ ସାମର୍ଥ୍ୟ ନ ଥିଲା।ଏହି ଶିକ୍ଷକ ମାନେ ୧୯୯୪ ରେ ନିୟମିତ ହେଲେ ସୁଦ୍ଧା, ୧୦୦୦ ଟଙ୍କାରେ ବର୍ଷ ବର୍ଷ ଧରି ଚାକିରୀ କରିଆସିଥିଲେ।୨୦୦୧, ୨୦୦୩, ୨୦୦୫ରୁ ନିଯୁକ୍ତି ପାଇଥିବା ଶିକ୍ଷା ସହାୟକ ମାନଙ୍କୁ ଇଂକ୍ରିମେଣ୍ଟ ଦେବାରେ ସରକାର ଟାଳଟୁଳ ନୀତିରେ ଛାଡି ଦେଇଛନ୍ତି ଯାହାକି ତାଙ୍କୁ ମଧ୍ୟ ୬ ଟି ଇଂକ୍ରିମେଣ୍ଟ ଦେବା ନିମନ୍ତେ ସରକାରଙ୍କୁ ପିଟିସନ ଦେବା ପାଇଁ କମିଟି ରେ ଗୃହୀତ ହୋଇଛି।ଆସନ୍ତା ଶିଶୁ ଦିବସ ୨୦୨୫ କାର୍ଯ୍ୟକ୍ରମ ଦର୍ଶନୀୟ ସ୍ଥାନ ଭୀମ ପାହାଡ଼ ଠାରେ ଜିଲ୍ଲା ଶିକ୍ଷା ବିଭାଗ ର ସମସ୍ତ ଅଧିକାରୀ ଓ  ଜାତୀୟ ସ୍ତରର ଶିକ୍ଷକ ପ୍ରତିନିଧି ମାନଙ୍କୁ ନେଇ କରାଯିବା ପାଇଁ ପ୍ରସ୍ତାବ ଗୃହୀତ ହୋଇଛି।ଏହି ବୈଠକରେ ଶିକ୍ଷକ ମାନଙ୍କ ଅନେକ ସମସ୍ୟାକୁ ନେଇ ଆଲୋଚନା ପର୍ଯ୍ୟଲୋଚନ ହୋଇଥିଲା। ଶିକ୍ଷକ ମାନେ ସବୁବେଳେ ସବୁ ସମସ୍ୟାରେ ହତାଶ ନ ହୋଇ ଛାତ୍ର ଛାତ୍ରୀ ମାନଙ୍କୁ ଶିକ୍ଷାଦାନ କରି ଆସୁଛନ୍ତି।ଏଣୁ ଶିକ୍ଷକ ମାନେ ତାଙ୍କର ନ୍ୟାଯ୍ୟ ପ୍ରାପ୍ୟ କିଭଳି ପାଇବେ ସେନେଇ ନିଖିଲ ଉତ୍କଳ ପ୍ରାଥମିକ ଶିକ୍ଷକ ସଂଘ ସରକାରଙ୍କୁ ଜଣାଇ ଆସୁଛି। ଆଜିର ସଭାରେ ସମସ୍ତ ପ୍ରସ୍ତାବ ସର୍ଵ ସମର୍ଥନ କ୍ରମେ ପାରିତ ହେବା ପରେ,ପଦକ୍ଷେପ ନେବାପାଇଁ ନିଷ୍ପତ୍ତି ଗ୍ରହଣ କରାଯାଇ ଥିଲା।ସଭା ଶେଷରେ ସଭାନେତ୍ରୀ ଉପସ୍ଥିତ ସମସ୍ତଙ୍କୁ ଧନ୍ୟବାଦ ଦେବା ସହ ସଭା ସାଙ୍ଗ କରିଥିଲେ।