04-Aug-2025

ବଲାଙ୍ଗିର(ଦେବାଶିଷ ବହିଦାର): ବଲାଙ୍ଗିର ସରକାରୀ ମହିଳା ମହାବିଦ୍ୟାଳୟରେ ଆୟୋଜିତ “ଓଡ଼ିଆ ପତ୍ରକାରିତା ଦିବସ-୨୦୨୫” ଅବସରରେ ଏକ ଐତିହାସିକ ପଦକ୍ଷେପ ହିସାବରେ ବିଶ୍ୱବିଦ୍ୟାଳୟର ପ୍ରଥମ କ୍ୟାମ୍ପସ୍ ନ୍ୟୁଜ୍ ବୁଲେଟିନ୍ “WBC News” ର ଉଦ୍‌ଘାଟନ କରାଯାଇଛି। ଏହି ବୁଲେଟିନ୍ ର 

ଉଦ୍‌ଘାଟନ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ  ଓଡ଼ିଆ ପତ୍ରକାର  ତଥା ଦୈନିକ ଓଡ଼ିଆ ଖବରକାଗଜ 'ସମାଜ'ର ବଲାଙ୍ଗୀର ଜିଲ୍ଲା ପ୍ରତିନିଧି ପାର୍ଥ ମହାପାତ୍ର, ବିଶ୍ୱବିଦ୍ୟାଳୟ ଅଧ୍ୟକ୍ଷ ଡା. ଅରବିନ୍ଦ ଓଝା, ବିଭାଗ ମୁଖ୍ୟ ଡା. ରାଜେଶ କୁମାର କରଣ, ଓ ଫାକଲ୍ଟି  ସିଦ୍ଧାର୍ଥ ଦାସ ଓ  ସାନାତନ ବାରିକ ଉପସ୍ଥିତ ଥିଲେ। “WBC News” ବାଲାଙ୍ଗିର ସରକାରୀ ମହିଳା ବିଶ୍ୱବିଦ୍ୟାଳୟର ଛାତ୍ରଛାତ୍ରୀଙ୍କ ଦ୍ୱାରା ପ୍ରସ୍ତୁତ ଏକ ଆନ୍ତକେମ୍ପସ ନ୍ୟୁଜ୍  

ବୁଲେଟିନ୍ଯା ଯାହା ମାଧ୍ୟମରେ ବିଭିନ୍ନ ବିଭାଗର ଶିକ୍ଷାତ୍ମକ କାର୍ଯ୍ୟକ୍ରମ, ସଂସ୍କୃତିକ ଉପକ୍ରମ ଓ ଛାତ୍ରଛାତ୍ରୀଙ୍କ ନିଜସ୍ୱ ସୃଜନଶୀଳତାକୁ ସାମୁହିକ ଭାବରେ ଉପସ୍ଥାପନ କରା ହୋଇପାରିବ ବୋଲି କୁହାଯାଇଛି । ତେବେ ଏହି ଉଦ୍ଘାଟନ ଦ୍ୱାରା ଛାତ୍ରଛାତ୍ରୀମାନଙ୍କ ମଧ୍ୟରେ ମାଧ୍ୟମ ଜ୍ଞାନ, ନ୍ୟୁଜ୍ ନିର୍ମାଣ ଓ ଉପସ୍ଥାପନ ଶିଳ୍ପରେ ଦକ୍ଷତା ବୃଦ୍ଧି ପାଇବା ସହ ଏକ ପ୍ଲାଟଫର୍ମ ତିଆରି ହେବା ଆଶା ବ୍ୟକ୍ତ କରାଯାଇଛି।