28-May-2025

ତୁଷୁରା (ପଞ୍ଚାନନ ନାଏକ) ବଲାଙ୍ଗୀର ଜିଲ୍ଲା ତୁଷୁରା ତହସିଲ ଅଫିସ କାର୍ଯ୍ୟାଳୟରେ ବେଆଇନ୍ କାମ ଜମି ରେଜିଷ୍ଟ୍ରେସନରେ ପିସି କାରବାର ବଢ଼ିଚାଲିଛି ଏବଂ ସାଧାରଣ ଲୋକଙ୍କ ସହିତ ଓକିଲ ମାନଙ୍କୁ ତହସିଲଦାର ଦୁର୍ବ୍ୟବହାର କରୁଛନ୍ତି ବୋଲି ଆଇନଜୀବି ଆର୍ତ୍ତତ୍ରାଣ ପୁରୋହିତ ମୁଖ୍ୟମନ୍ତ୍ରୀଙ୍କୁ ଲିଖିତ ଅଭିଯୋଗ କରିଥିଲେ।ଏହାକୁ ନେଇ ବଲାଙ୍ଗିର ଉପଜିଲ୍ଲାପାଳ ବୁଧୁବାର ତୁଷୁରା ତହସିଲ ଅଫିସକୁ ଆସି ତଦନ୍ତ ଆରମ୍ଭ କରିଛନ୍ତି ।  ଆଇନଜୀବିମାନଙ୍କୁ ଡାକି ପଚାରି ବୁଝି ତଦନ୍ତ କରିଥିବା ଜଣାପଡିଛି। ଉପଜିଲ୍ଲାପାଳଙ୍କ ତଦନ୍ତର ରିପୋର୍ଟକୁ ଅପେକ୍ଷା କରିଥିବା ଶ୍ରୀ ପୁରୋହିତ ଗଣମାଧ୍ୟମ ଆଗରେ ପ୍ରକାଶ କରିଥିଲେ। ସୂଚନାଯୋଗ୍ୟ ଯେ ତୁଷୁରା ତହସିଲ ଅଫିସ ଓ ସବରେଜିଷ୍ଟ୍ରି ଅଫିସରେ ହେଉଥିବା ବିଭିନ୍ନ କାମରେ  ଲୋକଙ୍କୁ ହଇରାଣ କରିବା ସହ ଜମି ରେଜିଷ୍ଟ୍ରେସନ ଅଫିସରେ ଲାଞ୍ଚ ନ ଦେଲେ ଜମି ରେଜିଷ୍ଟ୍ରେସନ ହେଉନାହିଁ । ଏହାରି ଉପରେ ତଦନ୍ତ କରି କାର୍ଯାନୁଷ୍ଠାନ ନିଆଯାଉ ବୋଲି ଆଇନଜୀବୀ ଶ୍ରୀ ପୁରୋହିତ ମୁଖ୍ୟମନ୍ତ୍ରୀଙ୍କ ଠାରେ ଅଭିଯୋଗ କରିଥିଲେ।