19-May-2025

ସୋନପୁର (ମନୋରଞ୍ଜନ ତ୍ରିପାଠୀ)
 ସୁବର୍ଣ୍ଣପୁର ଜିଲ୍ଲା ବିଦୁରୁପାଲି ଛକ ନିକଟରେ ଆଜି କାର ସହ ବିପୁଳ ମାତ୍ରାରେ ଗଞ୍ଜେଇ ଜବତ ହୋଇଛି l  ଅଭିଯୁକ୍ତ କିନ୍ତୁ ଫେରାର ହୋଇଛି l ସୂଚନା ଅନୁସାରେ ଆଜି ଅପରାହ୍ନ ପ୍ରାୟ ୩ଟା ସମୟରେ ସୋନପୁର ପଟରୁ ଏକ କାର ଯୋଗେ ଗଞ୍ଜେଇ ଚୋରା ଚାଲାଣ ହେଉଥିବା ପୋଲିସ ଖବର ପାଇଥିଲା l ସୁବର୍ଣ୍ଣପୁର ଏସପି ନାରାୟଣ ନାୟକ ଙ୍କ  ନିର୍ଦ୍ଦେଶ କ୍ରମେ ବୀରମହାରାଜପୁର ପୋଲିସ ଟିମ୍ ଉକ୍ତ କାର ର ପିଛା କରିଥିଲେ l ତେବେ କାର ଟି ହିକୁଡି ଛକରେ ଏକ ଲାଇଟ ଖୁମ୍ବ କୁ ଧକ୍କା ଦେଇ ଫେରାର ମାରିଥିଲା l ପୋଲିସ ତାର ପିଛା କରିଥିବା ବେଳେ ବିଦୁରୁପାଲି ଛକ ନିକଟରେ ଚାଳକ କାର ଛାଡ଼ି ଦେଇ ଫେରାର ମାରିଥିବା ସୁଚନା ମିଳିଛି l  ସନ୍ଧ୍ୟା ପ୍ରାୟ ୬ଟା ୩୦ ମିନିଟ ସମୟରେ ଘଟଣା ସ୍ଥଳରେ ମାଜିଷ୍ଟ୍ଟ୍ରେଟ୍ ତଥା ତହସିଲଦାର ମମତା ମେହେର ଏବଂ ପୋଲିସ ଉପସ୍ଥିତିରେ ଗଞ୍ଜେଇ ଓଜନ କଲା ପରେ 65କେଜି 860 ଗ୍ରାମ ଗଞ୍ଜେଇ ଥିବା ଜଣାପଡିଥିଲା l ତେବେ କାର ରେ ଆଉ କେତେ ଜଣ ଅଭିଯୁକ୍ତ ଥିଲେ ତାହା ସ୍ପଷ୍ଟ ହୋଇନଥିବା ବେଳେ ପୋଲିସ ଘଟଣାର ତଦନ୍ତ ଜାରି ରଖିଛି l