17-May-2025

ବିନିକା(ହିମାଂଶୁ ଶେଖର ପୁଟେଲ) ଆଜି ସନ୍ଧ୍ୟାରେ  ବିନିକା ସ୍ପୋର୍ଟସ କ୍ଲବ ଠାରେ ଆଟ ଅଫ ଗିଭୀଙ୍ଗର ୧୨ତମ ଉତ୍ସବ ପାଳନ କରାଯାଇଥିଲା। ଏଥିରେ ମୁଖ୍ୟ ଅତିଥି ଭାବରେ ସ୍ପୋର୍ଟସ କ୍ଲବ ସଭାପତି ସୋମନାଥ ମିଶ୍ର,ସମ୍ମାନୀୟ ଅତିଥି ଭାବେ ବିନିକା ସାମ୍ବାଦିକ ସଂଘ ସଭାପତି ତଥା ହେଲ୍ପ ଟୁ ଅଦର୍ ସେବା ସଂଗଠନ ସଭାପତି ସୃଜନ କୁମାର ପଣ୍ଡା,କାଉନସିଲ ପ୍ରଦୀପ ବାଘ ମଞ୍ଚାସିନ ହୋଇଥିଲେ । ସମସ୍ତ ଅତିଥି ଆର୍ଟ ଅଫ ଗୀଭିଙ୍ଗ କାର୍ଯକ୍ରମର ମହତ୍ ଉଦ୍ଦେଶ୍ୟ ଉପରେ ଆଲୋକପାତ କରିବା ସହିତ ଏହାର ନାୟକ ଡ଼ ଅଚ୍ୟୁତ ସାମନ୍ତଙ୍କ ଜୀବନୀ କାର୍ଯ୍ୟକଳାପର ଭୂୟସୀ ପ୍ରଶଂସା କରିଥିଲେ । ପିଲା ଦିନେ ଦୁର୍ଦ୍ଦିନ ଦେଖିଥିବା ବ୍ୟକ୍ତି କିପରି ଲୋକଙ୍କ ସେବା କରି ବର୍ତ୍ତମାନ ଏତେ ବଡ କିସ୍ ଓ କିଟ୍ ଭଳି ଅନ୍ତରାଷ୍ଟ୍ରୀୟ ଅନୁଷ୍ଠାନ ଖୋଲି ବିଶ୍ୱରେ ନିଜର ପତିଆରା ଦେଖାଇବା ଓ ଓଡ଼ିଶା ର ନା କୁ ବିଶ୍ଵ ଦରବାରରେ ପ୍ରତିଷ୍ଠିତ ହୋଇ ପାରିଛି।ସେହିପରି ଆର୍ଟ ଅଫ ଗୀଭୀଙ୍ଗ ହେଉଛି ଏକ ମନ୍ତ୍ର ଯାହା ଦ୍ଵାରା ଆମେ ଅନ୍ୟ ଲୋକର ସାହାଯ୍ୟ କରି ଆତ୍ମସନ୍ତୋଷ ଲାଭ କରି ଆସୁଥିବା ବୋଲି କହିଥିଲେ ।ସେହିପରି ଏହି ଅବସରରେ ସମାଜସେବୀ ଗୋପାଳ ବାଘ,ଧ୍ରୁବଚରଣ ଦେବତା ନିଜର ବକ୍ତବ୍ୟ ପ୍ରଦାନ କରିଥିଲେ।ସଭାକୁ ଆବାସିକ ଶାନ୍ତନୁ କୁମାର ପଣ୍ଡା ପରିଚାଳନା କରିଥିବା ବେଳେ ଶେଷରେ ବିନିକା ସାମ୍ବାଦିକ ସଂଘର ଉପ ସଭାପତି ଅଶୋକ ପଣ୍ଡା ଧନ୍ୟବାଦ ଅର୍ପଣ କରିଥିଲେ।ଏହି କାର୍ଯ୍ୟକ୍ରମରେ ବିନିକା ତଥା ବ୍ଲକ ଅଞ୍ଚଳର ବିଭିନ୍ନ ସାମାଜିକ ଅନୁଷ୍ଠାନର କର୍ମକର୍ତ୍ତା ମାନେ ଯୋଗଦେଇଥିଲେ ।