17-May-2025

ବୀରମହାରାଜପୁର,(ବିନୋଦ ପାଣ୍ଡେ ):ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ସଦର ମହକୁମା ଠାରେ ଥିବା ବରିଷ୍ଠ ନାଗରିକ ସଂଗଠନ କାର୍ଯ୍ୟାଳୟ ପରିସରରେ  ଅଚ୍ୟୁତ ସାମନ୍ତ ଙ୍କ ପ୍ରାୟୋଜିତ କାର୍ଯ୍ୟକ୍ରମ ଆର୍ଟ ଅଫ୍ ଗିଭିଙ୍ଗ୍‌ର ଦ୍ବାଦଶ ବାର୍ଷିକୋତ୍ସବ ଶନିବାର ପାଳିତ ହୋଇ ଯାଇଛି। ଏହି ଉପଲକ୍ଷେ ଡକ୍ଟର ପ୍ରଫୁଲ୍ଲ କୁମାର ରଥଙ୍କ ସଭାପତିତ୍ବରେ ଅନୁଷ୍ଠିତ କାର୍ଯ୍ୟକ୍ରମରେ ଶିକ୍ଷାବିତ ଜ୍ଞାନେନ୍ଦ୍ର ତ୍ରିପାଠୀ ମୁଖ୍ୟ ଅତିଥି, ବରିଷ୍ଠ ସାମ୍ବାଦିକ କିଶୋର ହୋତା,ସୂର୍ଯ୍ୟ ନାରାୟଣ ପାଣିଗ୍ରାହୀ ସମ୍ମାନିତ ଅତିଥି ଭାବେ ମଞ୍ଚାସୀନ ଥିଲେ । କାର୍ଯ୍ୟକ୍ରମର ଆରମ୍ଭ ରେ କଳିଙ୍ଗ ଟିଭି ରିପୋର୍ଟର ଶେଷଦେବ ବାରିକ ଉତ୍ସବ ପାଳନର ଉଦ୍ଦେଶ୍ୟ ଜ୍ଞାପନ କରିବା ସଙ୍ଗେ ସଙ୍ଗେ ସ୍ବାଗତ ଅଭିଭାଷଣ ପ୍ରଦାନ କରି କହିଲେ ଆର୍ଟ ଅଫ୍ ଗିଭିଙ୍ଗ୍ ର ଏ ବର୍ଷର ବିଷୟ ବସ୍ତୁ ‌ହେଉଛି ପଡୋଶୀ ସଂପର୍କ । ପଡୋଶୀ ସହିତ ଉତ୍ତମ ସଂପର୍କ ଓ ବୁଝାମଣା ହିଁ ସାମାଜିକ ଉତ୍ତରଣର ପ୍ରକୃଷ୍ଟ ପାହିଚ ବୋଲି ମତବ୍ୟକ୍ତ କରିଥିଲେ। ଅନୁଷ୍ଠାନ ତରଫରୁ ଏ ବର୍ଷର କିଟ୍ ସମ୍ମାନ ବରିଷ୍ଠ ସଦସ୍ୟ ଗୋପୀନାଥ ମହାକୁରଙ୍କୁ ତାଙ୍କର ନୀତି ଆଦର୍ଶ ପାଇଁ ପ୍ରଦାନ କରାଯାଇଥିଲା। ଡକ୍ଟର ଦ୍ବିତୀକୃଷ୍ଣ ପଣ୍ଡା ସଭା ସଂଯୋଜନା କରିଥିବା ବେଳେ ସୌମିତ୍ରୀ ମେହେର ଧନ୍ୟବାଦ ଅର୍ପଣ କରିଥିଲେ । ପ୍ରତାପ ଶଙ୍କର ପାଣିଗ୍ରାହୀ, ବାସୁଦେବ ପଣ୍ଡା, ରାଧେଶ୍ୟାମ ରାଏ, ତ୍ରିନାଥ ମିଶ୍ର, ଭଗବାନ ମିଶ୍ର, ଭୂଷଣ ପାତ୍ର,ଦିଲ୍ଲିପ ମିଶ୍ର,ଆଶ୍ରୟ ମହାନନ୍ଦ,ଚମରା ମହାକୁର,ସୁରୁ ସାହୁ,ଧୃବ ଚରଣ ଦାଶ, ସନ୍ତୋଷ ଷଡ଼ଙ୍ଗୀ, ବଳରାମ କାଣ୍ଡ, ଶ୍ୟାମସୁନ୍ଦର ସେଠି, ନାରାୟଣ ପ୍ରସାଦ ନାୟକ, ଦୟାନିଧି ହୋତା,ପ୍ରଭଞ୍ଜନ ପୂଜାରୀ, ପ୍ରମୁଖ କାର୍ଯ୍ୟକ୍ରମରେ  ସାମିଲ ହୋଇଥିଲେ।