12-May-2025

ଅମ୍ବାଭୋନା (ପ୍ରକାଶ ଚନ୍ଦ୍ର ରଥ)ବରଗଡ ଜିଲ୍ଲା ଅନ୍ତର୍ଗତ
ଅମ୍ବାଭୋନା ବ୍ଲକ ତୈଲିକ ସମାଜର ପ୍ରାକ୍ତନ ସଭାପତି, ବରିଷ୍ଠ କର୍ମୀ, ବିଶିଷ୍ଟ ସମାଜ ସେବୀ, ରାଜନୀତିଜ୍ଞ ଶ୍ରୀ ଥଣ୍ଡାରାମ ସା ଗତ ତା. ୨. ୫. ୨୫ ଶୁକ୍ରବାର ଦିନ ଇହଧାମ ତ୍ୟାଗ  କଲେ।ସ୍ବର୍ଗତ ଥଣ୍ଡାରାମ ସା ଙ୍କ ଏକାଦଶ କର୍ମ ତଥା ଗଙ୍ଗଭୋଜ ଅବସରରେ ଏକ ଶ୍ରଦ୍ଧାଞ୍ଜଳି ସଭା ତା. ୧୨. ୫. ୨୫ ସୋମବାର ଦିନ ତାଙ୍କ ଜ୍ୟେଷ୍ଠ ପୁତ୍ର ଶ୍ରୀ ଦେବାର୍ଚନ ସା ଙ୍କ ତତ୍ୱାବଧାନରେ ଆୟୋଜିତ ହୋଇଛି।ଶ୍ରୀ କେଶବଚନ୍ଦ୍ର ପ୍ରଧାନ,ବିଶିଷ୍ଟ ଶିକ୍ଷାବିତ, ପ୍ରାକ୍ତନ ପ୍ରଧାନ ଶିକ୍ଷକ ଉକ୍ତ ସଭାର ସଭାପତିତ୍ୱ କରିଥିଲେ।ଏହି ଅବସରରେ ଡ. ଗୋବର୍ଧନ ସାହୁ, ପ୍ରାକ୍ତନ ଇଂରାଜୀ ପ୍ରାଧ୍ୟାପକ, ଟିଟିଲାଗଡ଼ ମହାବିଦ୍ୟାଳୟ  ଟିଟିଲାଗଡ଼, ଡ. ପାଣ୍ଡଵ ବେହେରା  ପ୍ରାକ୍ତନ ଅଧ୍ୟକ୍ଷ ପଂଚାୟତ ମହାବିଦ୍ୟାଳୟ ବରଗଡ଼, ଶ୍ରୀ ତାରାକାନ୍ତ ମିଶ୍ର ସଂସ୍କୃତ ଶିକ୍ଷକ ଜମଲା ଉଚ୍ଚ ବିଦ୍ୟାଳୟ ଜମଲା, ଶ୍ରୀ ସୂର୍ଯ୍ୟକୁମାର ମହାପାତ୍ର ପ୍ରାକ୍ତନ ପ୍ରଧାନ ଶିକ୍ଷକ ହୀରାକୁଦ ଉଚ୍ଚ ବିଦ୍ୟାଳୟ ହୀରାକୁଦ, ଶ୍ରୀ ମନୋରଞ୍ଜନ ମେହେର ବିଶିଷ୍ଟ ସାହିତ୍ୟିକ, ଶ୍ରୀ ଜବାହରଲାଲ ପଧାନ, ଶ୍ରୀ ପୂର୍ଣଚନ୍ଦ୍ର ପଧାନ, ଶ୍ରୀ ହୃଷିକେଶ ପଧାନ, ଡ. ଚିନ୍ତାମଣି ପଟେଲ, ବିଶିଷ୍ଟ ଶିକ୍ଷାବିତ, ସମାଜ ସେବୀ ତଥା ରାଜନୀତିଜ୍ଞ ଡ. ନେପାଳ ପ୍ରଧାନ ବିଶିଷ୍ଟ ଶିକ୍ଷାବିତ ତଥା ପ୍ରାକ୍ତନ ଅଧ୍ୟକ୍ଷ ଲରମ୍ଭା ମହାବିଦ୍ୟାଳୟ ଲରମ୍ଭା, ଶ୍ରୀ ଠାକୁରରାମ ପଟେଲ ବିଶିଷ୍ଟ ରାଜନୀତିଜ୍ଞ, ଶ୍ରୀ ବିଦ୍ୟାଧର ସା  ପ୍ରାକ୍ତନ ସଭାପତି ତୈଲିକ ସମାଜ ଙ୍କ ସମେତ ଅମ୍ବାଭୋନା ଅଞ୍ଚଳ ର ପ୍ରମୁଖ ମାନ୍ୟଗଣ୍ୟ ବ୍ୟକ୍ତି ଗଣ ଉପସ୍ଥିତ ହୋଇ ସ୍ବର୍ଗତ ଶ୍ରୀ ସାଙ୍କ ତ୍ୟାଗମୟ ଜୀବନ ଉପରେ ସ୍ମୃତିଚାରଣ କରିଥିଲେ।ସଭାର ସଭାପତି ଶ୍ରୀ କେଶବଚନ୍ଦ୍ର ପ୍ରଧାନ ସ୍ବର୍ଗତ ଥଣ୍ଡାରାମ ସାଙ୍କୁ ଜଣେ ସେବାପରାୟଣ ସମାଜ ସେବୀ ରୂପେ ପରିଗଣିତ କରିବା ସହିତ ଶୋକ ସନ୍ତପ୍ତ ପରିବାର ବର୍ଗଙ୍କୁ ସାନ୍ତ୍ୱନା ପ୍ରଦାନ ପୂର୍ବକ ଶ୍ରଦ୍ଧାଞ୍ଜଳି ଜ୍ଞାପନ କରିଥିଲେ। ଡ. ଦୟାନିଧି ସା ମଂଚାସୀନ ଅତିଥି, ନିମନ୍ତ୍ରିତ ଅତିଥି ସମସ୍ତଙ୍କ ପ୍ରତି କୃତଜ୍ଞତା ଜ୍ଞାପନ କରିଥିଲେ। ସଭାପତି ଶ୍ରୀ ପ୍ରଧାନ ସଭା ସାଙ୍ଗ କରିଥିଲେ।