28-Apr-2025

ଅତାବିରା(ଆକାଶ ମିଶ୍ର ) ଅତାବିରା ବ୍ଲକ ଗୋଡଭଗାକ୍ୟାମ୍ପ ଜଗନ୍ନାଥ ମନ୍ଦିର ପ୍ରତିଷ୍ଠା କାର୍ଯ୍ୟକ୍ରମର ଷଷ୍ଠ ଦିନ ରେ ଯଜ୍ଞଶାଳା ରେ   ଷଡ଼ ଉପଚାର ପୂଜନ,ପ୍ରାସାଦ ନ୍ୟାସ, ସିଂହାସନ ପ୍ରତିଷ୍ଠା, ଅଷ୍ଠଶିଳା ପୋତନ,ପ୍ରାଣ ପ୍ରତିଷ୍ଠା,ବିଷ୍ଣୁ ଗାୟତ୍ରୀ ଓ ସପ୍ତସତୀ ଚଣ୍ଡୀ ଯାଗ ପୂଜା ଅନୁଷ୍ଠିତ ହୋଇଥିଲା । ମୂଖ୍ୟ ପଣ୍ଡିତ ପଦ୍ମପାଣି ମହାପାତ୍ର ଓ ବିଶ୍ୱଜିତ ମହାପାତ୍ରଙ୍କ ସହିତ ପଣ୍ଡିତ ମଣ୍ଡଳୀ ପୂଜା କାର୍ଯ୍ୟ ସମ୍ପାଦନ କରିଥିଲେ । ଏହି ଅବସରରେ ଆୟୋଜିତ  ପ୍ରତିଷ୍ଠା କାର୍ଯ୍ୟକ୍ରମରେ ସୋମବାର ସନ୍ଧ୍ୟାରେ ମୂଖ୍ୟ ଅତିଥିଭାବେ  ଉପ ମୂଖ୍ୟମନ୍ତ୍ରୀ କନକବର୍ଦ୍ଧନ ସିଂଦେଓ, ରେଙ୍ଗାଲି ପୂର୍ବତନ ବିଧାୟକ ନାଉରୀ ନାଏକ, ବିଶିଷ୍ଠ ଶିକ୍ଷାବିତ ବିନୋଦ ଦାଶ ପହଞ୍ଚି ଜଗନ୍ନାଥଙ୍କ ଙ୍କୁ ଦର୍ଶନ କରିଥିଲେ । ଗୋଡଭଗା ଜଗନ୍ନାଥ ମନ୍ଦିର ପ୍ରାଙ୍ଗଣରେ ଜଗନ୍ନାଥ ମନ୍ଦିର ପ୍ରତିଷ୍ଠା କମିଟୀ ଓ ବିଭିନ୍ନ ଅନୁଷ୍ଠାନ   ତାଙ୍କୁ ସ୍ୱାଗତ  କରି ପାଛୋଟି ନେଇଥିଲେ ।  ଅତିଥି ଗଣ ମହାପ୍ରଭୂ ଙ୍କୁ ଦର୍ଶନ କରି ନୂତନ ମନ୍ଦିର ବେଢା ପରିକ୍ରମା କରିଥିଲେ । ଏହାପରେ ଯଜ୍ଞ ମଣ୍ଡପରେ ସ୍ୱତନ୍ତ୍ର ପୂଜା ଅର୍ଚ୍ଚନା କରିଥିଲେ ।  ଗୋଡଭଗା କଲେଜ ପଡିଆଠାରେ ଅନୁଷ୍ଠିତ ହେଉଥିବା  ସାଂସ୍କୃତିକ କାର୍ଯ୍ୟକ୍ରମରେ ଯୋଗଦେଇଥିଲେ । ପ୍ରତିଷ୍ଠା କମିଟୀର ସଭାପତି ସୁନୀଲ ମିଶ୍ରଙ୍କ ଅଧ୍ୟକ୍ଷତାରେ ଅନୁଷ୍ଠିତ କାର୍ଯ୍ୟକ୍ରମରେ  ଅତିଥିଗଣଙ୍କୁ ଉପଢୌକନ ଓ ମାନପତ୍ରଦେଇ ସମ୍ବର୍ଦ୍ଧିତ କରାଯାଇଥିଲା । ଶୁଶାନ୍ତ ଶତପଥି ଅତିଥି ପରିଚୟ ପ୍ରଦାନ କରିଥିଲେ । ସଭାପତି ସୁନୀଲ ମିଶ୍ର ଧନ୍ୟବାଦ ଅର୍ପଣ କରିଥିଲେ । କର୍ଯ୍ୟକ୍ରମ ପରିଚାଳନାରେ ମନ୍ଦିର ପ୍ରତିଷ୍ଠା କମିଟୀର ସମସ୍ତ ସଦସ୍ୟ ସହଯୋଗ କରିଥିଲେ ।  ସାଂସ୍କୃତିକ କାର୍ଯ୍ୟକ୍ରମ ମୂରାସୁର ବଦ୍ଧ କାର୍ଯ୍ୟକ୍ରମର ଚତୁର୍ଥ ଦିନ ଅନୁଷ୍ଠିତ ହୋଇଥିଲା । ଏଥିସହ ତାମ୍ବିମୁଣ୍ଡାର ସୌରେନ୍ଦ୍ରୀ ଜାଲ ଓ ମୁଣ୍ଡକାଟିର କସ୍ତୁରୀ କିସାନଙ୍କ ମହିଳା ସଂକିର୍ତ୍ତନ୍ୟ ଅନୁଷ୍ଠିତ ହୋଇଥିଲା । ସନ୍ଧ୍ୟାରେ ଓଡିଶାର ସୁନାମ ଧନ୍ୟ ଭଜନ ଗାୟିକା  ମାନସୀ ପାତ୍ରଙ୍କ ଭଜନ ସନ୍ଧ୍ୟା ଅନୁଷ୍ଠିତ ହୋଇଥିଲା ।