28-Apr-2025

ସିନାପାଲି (ଚିନ୍ତାମଣି  ନେତାମ )
ନୂଆପଡା ଜିଲ୍ଲା ସିନାପାଲି ବ୍ଲକ ଖରସେଲ ପଂଚାୟତ ବୈଗାପଡାରେ ବିହନ ଛିନା ଯାତ୍ରା  ମହାସମାରୋହରେ ପାଳିତ ହୋଇଯାଇଛି  l  ସର୍ବ ପ୍ରଥମେ  ମାଟି ଦେବତା, ଗଂଗାଦି ଗୁଡ଼ି ମା କୁ  ପୂଜାର୍ଚନା କରି  ଫୁଲ ପୁଷ୍ପ  ଅର୍ପଣ କରାଗଲା  l ଗାଁର ଲୋକମାନଙ୍କୁ ନେଇ  ଗାଁର ଝାଙ୍କର ଶ୍ରୀଯୁକ୍ତ ଜଗନ୍ନାଥ ଚିନ୍ଦାଙ୍କ  ନେତୃତ୍ୱ ରେ  ଏହି ଉତ୍ସବ ପାଳିତ ହୋଇଯାଇଛି  l ଝାଙ୍କର ଶ୍ରୀ ଜଗନ୍ନାଥ ଚିନ୍ଦା  ଓ  ତାଙ୍କ ବଡ଼ ପୁଅ  ନିରଞ୍ଜନ ଚିନ୍ଦା,ଗ୍ରାମର  ଅନେକ ଭଦ୍ରବ୍ୟକ୍ତି  ତଥା   ଚନ୍ଦ୍ର ଧ୍ୱଜ ବାଗ, ବନମାଳୀ ବେମାଲ,  ସତ୍ୟବ୍ରତ ଗହୀର, ପରମେଶ୍ୱର ଖମାରି, ସୁଶୀଲ ଖମାରି,ସାଧୁ ବେମାଲ, ଭଗତ ବେମାଲ, ହେମନ୍ତ ବେମାଲ,ଅକୁର ତାଣ୍ଡି , ବାଞ୍ଛା ଗହୀର, ସଞ୍ଜୟ ଗହୀର, ଜଗନ୍ନାଥ ବାଗ, ତ୍ରୟମ୍ବକବାଗ, ଦିଗବଳ ବାଗ , ପ୍ରେମ ଚାନ୍ଦ ସାହୁ, ପିତାମ୍ବର ସାହୁ, ସନ୍ତୋଷ ସାହୁ ଓ ସିନାପାଲି ବ୍ଲକ ସାମ୍ବାଦିକ ପ୍ରତିନିଧି  ଚିନ୍ତାମଣି ନେତାମ  ସହଯୋଗ କରିଥିଲେ  l ସେମାନଙ୍କ ବିଶ୍ୱାସ ଯେ, ଇଷ୍ଟ ଦେବୀ ଯେଉଁ ଧାନ ବିହନ  ଦିଅନ୍ତି ସେଥିରେ  ପୋକ ଲାଗେ ନାହିଁ ବୋଲି ଏହି ପରମ୍ପରାଟି ଦୀର୍ଘ ଦିନରୁ  ଚାଲି ଆସୁଅଛି  l ଏହି ପରମ୍ପରା ରେ ଗ୍ରାମର ଶତାଧିକ ଭଦ୍ର ବ୍ୟକ୍ତି  ଉପସ୍ଥିତ ରହି   ଗ୍ରାମର ଇଷ୍ଟ ଦେବୀଙ୍କୁ  ପୂଜାର୍ଚନା ପରେ  "ଅକ୍ଷୟ ମୁଠି"  ପ୍ରଦାନ କରାଗଲା  l