28-Apr-2025

ଡୁଙ୍ଗୁରିପାଲି (ଅରବିନ୍ଦ ମିଶ୍ର): ସୁବର୍ଣ୍ଣପୁର ଜିଲ୍ଲା ଡୁଙ୍ଗୁରିପାଲି ଆମ୍ବେଦକର ସ୍ମୃତି କମିଟି  ପକ୍ଷରୁ ଡୁଙ୍ଗୁରିପାଲି ବସଷ୍ଟାଣ୍ଡ ସ୍ଥିତ ଏସ୍.ସି.ଏସ୍.ଟି  ଷ୍ଟଲ୍  ପରିସରରେ ଭାରତରତ୍ନ ସମ୍ବିଧାନ ପ୍ରଣେତା ବାବା ସାହେବ ଡ.ଭୀମରାଓ ଆମ୍ବେଦକର ଙ୍କ ୧୩୪ତମ ଜନ୍ମଜୟନ୍ତୀ ମହାସମାରୋହରେ ପାଳିତ ହୋଇ ଯାଇଛି l ପ୍ରଥମେ ଆମ୍ବେଦକରଙ୍କ ଫଟୋଚିତ୍ରରେ ପୁଷ୍ପ ମାଲ୍ୟାର୍ପଣ କରି ସଭା କାର୍ଯ୍ୟ ଆରମ୍ଭ କରିଥିଲେ l ଡୁଙ୍ଗୁରିପାଲି ଆମ୍ବେଦକର ସ୍ମୃତି କମିଟିର ଆବାହକ  ଦୀନବନ୍ଧୁ ସୁନାଙ୍କ ତତ୍ତ୍ଵାବଧାନରେରେ ଅନୁଷ୍ଠିତ ସଭାରେ  ଲକ୍ଷେଘର ଗଣ୍ଡା ସମାଜ  ଡୁଙ୍ଗୁରିପାଲି ବ୍ଲକ ସଭାପତି ନିତେଇ ପାଲ  ସଭାକାର୍ଯ୍ୟ ପରିଚାଳନା କରିଥିଲେ l ଏଥିରେ ମୁଖ୍ୟ ଅତିଥି ଭାବେ ଡୁଙ୍ଗୁରିପାଲି ଥାନା ଏଏସଆଇ ପ୍ରେମରାଜ ସାହୁ ଯୋଗ ଦେଇଥିବା ବେଳେ ସମ୍ମାନିତ ଅତିଥିଭାବେ ବିପ୍ରଚରଣସାହୁ ,କନ୍ଦର୍ପ ସାହୁ, ବଦ୍ରିନାରାୟଣ ପାଣ୍ଡିଆ, ହେମନ୍ତ ବିଶ୍ଵାଳ, ବିରେନ୍ଦ୍ର ଦଣ୍ଡସେନା, ବିବେକା ତ୍ରିପାଠୀ, ବିଭୁଦତ୍ତ ବିଶ୍ଵାଳ,

ପ୍ରକାଶ କୁମ୍ଭାର ପ୍ରମୁଖ ଯୋଗଦେଇ ଭାରତୀୟ ସମ୍ବିଧାନ ପ୍ରସ୍ତୁତି ରେ ଆମ୍ବେଦକରଙ୍କ ଅବଦାନ ଓ ଆଭିମୁଖ୍ୟକୁ ନେଇ ଅତିଥି ଗଣ ଆଲୋଚନା କରିବା ସହ  ତାଙ୍କ ଜୀବନୀ ଓ ବିଚାର୍ ଧାରା ଉପରେ ସ୍ମୃତିଚାରଣ କରିଥିଲେ l ମୁଖ୍ୟବକ୍ତା ଭାବରେ କିଶୋର ମେହେର ଯୋଗ ଦେଇଥିଲେ l ଏହି ସମାରୋହ ରେ ଆଖପାଖରୁ ବହୁ ସଂଖ୍ଯାରେ ମହିଳା ଓ ପୁରୁଷ  ଯୋଗ ଦେଇଥିଲେ l