18-Jan-2021

ବଲାଙ୍ଗୀର, (ପ୍ରେରଣା ଖବର) : ବଲାଙ୍ଗୀର ଜିଲ୍ଲାରେ ଧାନ କ୍ରୟ ଚାଲିଛି । ଚାଷୀ ମାନେ ଟୋକନ୍ ପାଇଥିଲେ ମଧ୍ୟ ଟାର୍ଗେଟ ଯୋଗୁ ଶହ ଶହ ବସ୍ତା ଧାନ ଚାଷୀ ଘରେ ରହିଯାଉଛି । ଧାନ କ୍ରୟ ପ୍ରାୟ ଶେଷ ହେବାକୁ ବସିଲାଣି । ଏଣୁ ଚାଷୀ ଅଭାବୀ ଧାନ ବିକ୍ରି ର ସମ୍ମୁଖୀନ ହୋଇପାରନ୍ତି । ଟୋକନ୍ ପାଇଥିବା ଚାଷୀ ମାନେ ସମବାୟ ସମିତି କୁ ଆସି ଧାନ ଦେଉଛନ୍ତି ।ଗତ ତା.୬,୮, ଏବଂ ୯ ତାରିଖ ରେ ପ୍ରାୟ ୧୦ ଜଣ ଚାଷୀ ଙ୍କ ଠାରୁ ବୈରାସର୍ ସମବାୟ ସମିତି ଧାନ କ୍ରୟ କରିଥିଲେ ।କୌଣସି ଅସୁବିଧା କାରଣରୁ ତାଙ୍କ ଭେଣ୍ଡର କମ୍ପୁଟର ରୁ କଟିଯାଇଛି । ବୈରାସର ସେକ୍ରେଟାରୀ ଏ ଆର୍ ସି ଏସ, ଡି ଆର୍ ସି ଏସ ଙ୍କୁ ମୋବାଇଲ୍ ଯୋଗେ ଜଣାଇଥିଲେ ମଧ୍ୟ ଫୋନ ଉଠାଇ ନ ଥିଲେ ।ଚାଷୀ ମାନେ ସେକ୍ରେଟାରୀ ଙ୍କୁ ହଟହଟା କରୁଥିବା ସେକ୍ରେଟାରୀ କୃଷ୍ଣ ଚନ୍ଦ୍ର ଦଣ୍ଡସେନା କହିଛନ୍ତି ।ସେକ୍ରେଟାରୀ ଫୋନ କରିବାର କିଛି ସମୟ ପରେ ଏ ଆର୍ ସି ଏସ ସେକ୍ରେଟାରୀ ଙ୍କୁ ଫୋନ କରି ସମସ୍ୟା ସମାଧାନ କରିବା ପାଇଁ କହିଥିଲେ । ଅଧିକ ଧାନ କ୍ରୟ ର ଟାର୍ଗେଟ ପାଇଁ ଜିଲ୍ଲାପାଳଙ୍କୁ କହିଥିବା ପ୍ରକାଶ କରିଛନ୍ତି । ପ୍ରକାଶ ଥାଉ କି ଧାନ କ୍ରୟ ଟାର୍ଗେଟ ଆସି ନ ଥିବାରୁ ଟୋକନ୍ ପାଇଥିବା ଚାଷୀ ମାନଙ୍କ ଧାନ କ୍ରୟ ହୋଇ ଗୋଦାମ ଭିତରେ ତଥା ବାହାରେ ହଜାର ହଜାର ବସ୍ତା ଧାନ ପଡ଼ି ରହିଛି । ଜିଲ୍ଲାପାଳ ଏଥିପ୍ରତି ଦୃଷ୍ଟି ଦେଇ ଚାଷୀ ମାନଙ୍କ ସମସ୍ୟା ସମାଧାନ କରିବେ ବୋଲି ଚାଷୀ ମହଲରେ ଦାବି ହୁଏ ।