18-Jan-2021

ବଲାଙ୍ଗିର, (ପ୍ରେରଣା ଖବର) - ଦୀର୍ଘ  ମାସ ଧରି ଜୀବନ ମୃତ୍ୟୁ ସହ  ସଂଗ୍ରାମ ପରେ ଜୀବନ ଯୁଦ୍ଧରେ ହlରି ଯାଇଛନ୍ତି ଆମ ସମସ୍ତଙ୍କ ପ୍ରିୟ, ବଲାଙ୍ଗିର ମାଟିର ସୁପୁତ୍ର, ଗରିବ ଖଟିଖିଆର ବନ୍ଧୁ ଲଲିତ କୁମାର ନାୟକ ଆମ ଠାରୁ ବିଦାୟ ନେଇଛନ୍ତି l ସମସ୍ତେ ଯେପରି ସ୍ତବ୍ଧ ଓ ବାକ୍ୟହୀନ l ଅସମୟରେ ଲଲିତ ନାୟକଙ୍କ ନିଧନ ନା ଯେ କେବଳ ବଲାଙ୍ଗିର ପାଇଁ ସାରା ରାଜ୍ଯ ପାଇଁ ଏକ ଅପୂରଣୀୟ କ୍ଷତି କୁହାଯାଇପାରେ l ଅବହେଳିତ ଓ ନିଷ୍ପେସିତଙ୍କ ସ୍ଵର ଲଲିତ ନାୟକ, ଆମ ସମସ୍ତଙ୍କ ପ୍ରିୟ ଲଲିତ ଦାଦାଙ୍କ ଜାଗା ଆଉ କେହି ନେଇପାରିବେ  ନାହିଁ l ଆଜି ଭୋର ପଞ୍ଚ ଟା ସମୟରେ ଭୁବନେଶ୍ବର ଏମସ ଠାରେ ଚିକିତ୍ସାଧୀନ ଅବସ୍ଥାରେ ସମାଜସେବୀ ତଥା ଶ୍ରମିକ ନେତା ଲଲିତ ନାୟକଙ୍କ ପରଲୋକ ଘଟିଛି l ଏହି ଦୁଃଖଦ ଖବର ପ୍ରଚାରିତ ହେବା ପରେ କେବଳ ବଲାଙ୍ଗିର ନୁହେ ସlରା ଓଡ଼ିଶାରେ ଶୋକର ଛାୟା ଖେଳି ଯାଇଛି l ଅସ୍ତି ମଜା କର୍କଟ ରୋଗରେ ଗୁରୁତର ଆକ୍ରାନ୍ତ ହୋଇ ଶ୍ରୀ ନାୟକ ଭୁବନେଶ୍ବର ଏମ଼୍ସ ହସ୍ପିଟାଲରେ ଚିକିତ୍ସାଧିନ ଥିଲେ l କରୋନା ରେ ଆକ୍ରନ୍ତ ହୋଇ ଶ୍ରୀ ନାୟକ ସୁସ୍ଥ ମଧ୍ୟ ହୋଇସାରିଥିଲେ l   ବଲାଙ୍ଗିର ର ବିଭିନ୍ନ ସାମାଜିକ ଓ ସାଂସ୍କୃତିକ ଅନୁଷ୍ଠାନ ପକ୍ଷରୁ ଶ୍ରୀ ନାୟକଙ୍କ ଆଶୁ ଆରୋଗ୍ୟ କାମନା ମଧ୍ୟ କରାଯାଇଥିଲା l ସମସ୍ତଙ୍କ ଆଶା ଥିଲା ଲଲିତ ନାୟକ ସୁସ୍ଥ ହେବେ ଓ ପୁଣିଥରେ ସକ୍ରିୟ ସମାଜସେବାରେ ନିଜକୁ ବାନ୍ଧି ରଖିବେ ହେଲେ ବିଧି ର ବିଧାନ ଅଲଗା ଥିଲା l ଶେଷରେ ଭଗବାନ ଲଲିତ ନାୟକଙ୍କ ପରି ଜଣେ କର୍ମନିଷ୍ଠ ସନ୍ୟାସୀ, ରକ୍ତଦାନର ମହାନ ପ୍ରବର୍ତ୍ତକ ତଥା ସମାଜସେବାରେ ନିଜର ଜୀବନକୁ ଉତ୍ସର୍ଗୀକୃତ କରିଦେଇଥିବା ଜନେ ମହାନ ପୁରୁଷଙ୍କୁ ଆମ ଠାରୁ ଛଡାଇ ନେଲେ l  ଆଜି ସାରା ବଲାଙ୍ଗିର ଲଲିତ ଦାଦା ଙ୍କୁ ଝୁରୁଛି l ଲଲିତ ନାୟକଙ୍କ ସାଙ୍ଗଠନିକ ଦକ୍ଷତା, ଭାଷଣରେ ଚlତୁରତା, ବଡ ବଡ ସମସ୍ୟାର ସରଳ ସମାଧାନ ଓ ତାଙ୍କର ଆକର୍ଷଣୀୟ ବ୍ୟକ୍ତିତ୍ୱ ପାଇଁ ସାରା ଓଡିଶାରେ ସମସ୍ତଙ୍କୁ ନିଜର କରିପାରିଥିଲେ l ଜିଲ୍ଲାର ଶତାଧିକ ସମାଜିକ, ରାଜନୈତିକ ଓ ସାଂସ୍କୃତିକ ଅନୁଷ୍ଠାନ ସହ ଲଲିତ ଦାଦା ଓତଃପ୍ରୋତ ଭାବେ ଜଡିତ ଥିଲେ l ଆଜି ସେହି ଅନୁଷ୍ଠାନ ଗୁଡିକ ମୁରବୀ ବିହୀନ ହୋଇଗଲା ବୋଲି କହିଲେ ଭୁଲ ହେବ ନାହିଁ l

   ଓଡ଼ିଶାର ଜଣେ ଆଗ ଧାଡିର ଶ୍ରମିକ ନେତା ତଥା ସଫଳ ସଂଗଠକ, ସମସ୍ତଙ୍କ ପ୍ରିୟ ଲଲିତ ନାୟକଙ୍କ ବିୟୋଗରେ ପ୍ରେରଣା ପକ୍ଷରୁ ଅଶ୍ରୁଳ ଶ୍ରାଦ୍ଧlଞ୍ଜଲି  ଜ୍ଞାପନ କରିବା ସହ ଏହି ଅମର ଆତ୍ମାର ସଦଗତି ପାଇଁ ଭଗବାନଙ୍କ ଠାରେ ପ୍ରାର୍ଥନା କରୁଛୁ l