28-Mar-2025

ବରଗଡ଼:(ନିରଞ୍ଜନ ତ୍ରିପାଠୀ)-ପଞ୍ଜାବ ରାଜ୍ୟରେ କୃଷକ ଆନ୍ଦୋଳନ ଉପରେ ପୋଲିସ ର ବିରୋଧରେ ମାର୍ଚ୍ଚ ୨୮ ରେ ସମଗ୍ର ଭାରତ ର ବିଭିନ୍ନ ଜିଲ୍ଲାରେ ବିକ୍ଷୋଭ ପ୍ରଦର୍ଶନ କରିବାକୁ ସଂଯୁକ୍ତ କିସାନ ମୋର୍ଚ୍ଚା ର ଜାତୀୟ ସମନ୍ୱୟ ସମିତି ସମଗ୍ର କୃଷକ ସଂଗଠନ ମାନଙ୍କୁ ଆହ୍ବାନ ଦେଇଥିଲେ। ଆହ୍ବାନ ମୁତାବକ ସଂକୁକ୍ତ କୃଷକ ସଂଗଠନ ବରଗଡ଼ ତରଫରୁ ରାଷ୍ଟ୍ରପତି ଙ୍କ ଉଦେଶ୍ୟ ରେ ଦାବିପତ୍ର ପ୍ରଦାନ କରିବା ସହିତ ରାଜ୍ୟ ସ୍ତରୀୟ ଏବଂ ସ୍ଥାନୀୟ ସମସ୍ୟା ଉପରେ ମଧ୍ୟ ସଂଗଠନ ଦାବିପତ୍ର ପ୍ରଦାନ କରିଛନ୍ତି।
ପଞ୍ଜାବ ରେ ସଂଯୁକ୍ତ କୃଷକ ସଂଗଠନ ପକ୍ଷରୁ ଏମ ଏସ ପି, ବଜାରବ୍ୟବସ୍ଥା, ବିଦ୍ୟୁତ ସମସ୍ୟା, ଜମି ଅଧିଗ୍ରହଣ, କୃଷି ଋଣ ଛାଡ଼, କୃଷି ବିପଣନ ଉପରେ ରାଷ୍ଟ୍ରୀୟ ନୀତି ରୁପରେଖା ବିରୋଧ ରେ ଦୀର୍ଘ ଦିନରୁ ଆନ୍ଦୋଳନ ଚାଲି ଆସୁଥିଲା। ହଠାତ ଦମନ କରିବା ପାଇଁ ପୋଲିସ ସାହାଯ୍ୟ ରେ ପ୍ରଥମେ ଜଗଜିତ ସିଂ ଦଲେୱାଲ ଙ୍କ ସମେତ ୩୫୦ ଜଣଙ୍କୁ ଗିରଫ କରି ପରେ ବଳବିର ସିଂ ରାଜେୱାଲ, ରୁଲବୁ ସିଂ ମନସାଙ୍କ ସମେତ ୮୦୦ କୃଷକ ଙ୍କୁ ଗିରଫ କରି ଜେଲ ପଠାଇବା କୁ ବିରୋଧ କରି ରାଷ୍ଟ୍ରପତି ଙ୍କ ଉଦେଶ୍ୟ ରେ ସଂଯୁକ୍ତ କୃଷକ ସଂଗଠନ ବରଗଡ଼ ତରଫରୁ ଜିଲ୍ଲାପାଳ ଙ୍କ ତତ୍ୱାବଧାନ ରେ ଦାବିପତ୍ର ପ୍ରଦାନ କରିଛନ୍ତି। ରାଜ୍ୟ ରେ ବିଦ୍ୟୁତ ସମସ୍ୟା ଉତ୍କଟ ରୂପ ନେଲଣି ଅଘୋଷିତ ବିଦ୍ୟୁତ କାଟ, ଲୋ ଭୋଲଟାଜ ସାଙ୍ଗକୁ ମାତ୍ରାଧିକ ଲାଇନ ବିଲ ଏବଂ ବକେୟା ବିଦ୍ୟୁତ ବିଲ ଅସୁଳି ନାଁ ରେ ଲାଇନ କରିବା ଘଟଣା ଦେଖିବାକୁ ମିଲୁଛି।

ଏଣୁ ସଂଗଠନ ର ପୂର୍ବ ନିଷ୍ପତ୍ତି ଅନୁସାରେ ବକେୟା ବିଦ୍ୟୁତ ବିଲ ଛାଡ଼, ୩୦୦ ୟୁନିଟ ବିଦ୍ୟୁତ ମାଗଣା, ଜଳସେଚନ କ୍ଷେତ୍ରରେ ବ୍ୟବହୃତ ବିଦ୍ୟୁତ ଜଳ ସେଚନ ଆଧାରେ ଧର୍ଯ୍ୟ କରିବା ପାଇଁ ୨୫ ହଜାର ବିଦ୍ୟୁତ ଉପଭୋକ୍ତା ଲିଖିତ ଭାବେ ଜଣାଇଛନ୍ତି। ଅମ୍ବାଭାନା ବିଦ୍ୟୁତ ଜେ ଇ ଈଶାନ୍ତ ଭୋଇ କୁ ମାଡାମରିଥିବା ଘଟଣା କୁ ଅତି ଗମ୍ଭୀର ଭାବେ ସଂଗଠନ ଗ୍ରହଣ କରି ଦୋଷୀ ଜେ ଇ କୁ ତୁରନ୍ତ ଗିରଫ କରିବା ପାଇଁ ଦାବୀ କରିଛନ୍ତି।ଧାନ ପଞ୍ଜିକରଣ ସମୟ ସୀମା ବୃଦ୍ଧି ଏବଂ ଲାଇନ ବିଲ ବାଧ୍ୟତା ମୂଳକ ନ କରିବା ପାଇଁ ଜିଲ୍ଲାପାଳ ଙ୍କୁ ଜଣାଇଛନ୍ତି। ପୂର୍ବ ଫସଲ ବୀମା ତୁରନ୍ତ ନ ଦେଲେ ଯେ କୌଣସି ମୁହୂର୍ତ୍ତ ରେ ଆନ୍ଦୋଳାତ୍ମକ ପନ୍ଥା ଗ୍ରହଣ କରାଯିବ ବୋଲି ଚେତାବନୀ ଦେଇଛନ୍ତି। ପ୍ରଥମେ ଅଫିସ ଆଗରେ ଧାରଣା ଦେଇଥିଲେ ପରେ ଏ ଡି ଏମ ମହେନ୍ଦ୍ର ମହାପାତ୍ର ଦାବିପତ୍ର ଗ୍ରହଣ କରିଥଲେ। ଏହି କାର୍ଯ୍ୟକ୍ରମ ରେ ଉପଦେଷ୍ଟା ରମେଶ ମହାପାତ୍ର, ଅଜିତ ଶତପଥୀ,ଉତ୍ପନ୍ନ ଭୋଇ, ସୁଦାମ ପାତ୍ର, ନିରଞ୍ଜନ ପଧାନ, ଈଶାନ୍ତ ଭୋଇ, ଦିଲୀପ ପଧାନ, ତପନ ମିଶ୍ର, ସୁବାଷ ସାମନ୍ତରାୟ, ରବିଶଙ୍କର ପଧାନ ବକ୍ତବ୍ୟ ରଖିଥିଲେ।