27-Mar-2025

ବରୀ (ରଞ୍ଜିତ ମହାନ୍ତି): ଯାଜପୁର ଜିଲ୍ଲା ବରୀ ରେ ପ୍ରତିବର୍ଷ ମାର୍ଚ୍ଚ ମାସରେ ସରକାରୀ ଖୁଚୁରା ବିକ୍ରେତା ବା ରିଟେଲର ମାନଙ୍କର ଲାଇସେନ୍ସ ନବୀକରଣ ହୋଇଥାଏ। ଏଥିପାଇଁ ଆବଶ୍ୟକ ଅର୍ଥ ସରକାରୀ ଭାବେ ଜମା ଦିଆଯାଇ ଥାଏ। ମାତ୍ର ବରୀ ବ୍ଲକରେ ଆବଶ୍ୟକ‌ତା ଠାରୁ ଅତ୍ୟଧୂକ ଅର୍ଥ ଆଦାୟ ହେଉଥ‌ିବାର ରଥ‌ିବାର ଅଭିଯୋଗ ହୋଇ ଆସୁଛି। ରିଟେଲର ମାନେ ପାଗାଣ ଅଧିକାରୀଙ୍କୁ ଏହି ଅର୍ଥ ଦେବା ପାଇଁ ବିରୋଧ ନକଲେ ମଧ୍ୟ ତୀବ୍ର ଅସନ୍ତୋଷ ପ୍ରକାଶ କରୁଛନ୍ତି,ଯାହାର ପ୍ରଭାବ ରେସନ କାର୍ଡ ଉପଭୋକ୍ତାଙ୍କ ଉପରେ ପଡ଼ୁ ଥିବା ଦେଖିବାକୁ ମିଳୁଛି। ବରୀ ବ୍ଲକ ଅନ୍ତର୍ଗତ ରତଳାଙ୍ଗ, ରପା ଆଦି ପଞ୍ଚାୟତରେ ରେସନ କାର୍ଡ ଜରିଆରେ ଯେଉଁ ଚାଉଳ ବଣ୍ଟନ କରାଯାଉଛି ତାହାର ଓଜନ କମ୍ ରହୁ ଥ‌ିବାର ଦେଖୁବାକୁ ମିଳୁଛି। ଏହି ଏହି ପ୍ରସଙ୍ଗରେ ରିଟେଲର ମାନଙ୍କୁ ପଚାରିବାରେ ପରୋକ୍ଷରେ ନବୀକରଣ ବାବଦକୁ ଖର୍ଚ୍ଚ ହୋଇଥିବା ଅର୍ଥ ଯୋଗୁଁ ଏଭଳି ଅବସ୍ଥା ହେଉଥ‌ିବା ଉତ୍ତର ରଖୁଛନ୍ତି । ଅପରପକ୍ଷରେ ନବୀକରଣ ଅର୍ଥ ଆଦାୟ ସମ୍ବନ୍ଧରେ କୌଣସି ସୂଚନା ବାହାରକୁ ଯେମିତି ପ୍ରଘଟ ନହୁଏ ସେଥିପାଇଁ ଯୋଗାଣ ଅଧିକାରୀ ତାଗିଦ୍ କରିଛନ୍ତି ବୋଲି କିଛି ରିଟେଲର କହିଛନ୍ତି। ବକେୟା ବିଲ୍ ପଇଠ ସମୟରେ ଏଭଳି ମୋଟା ଅଙ୍କର ଅର୍ଥ ମଧ୍ୟ ଆଦାୟ କରାଯାଇ ଥିଲା। ବରୀ ବ୍ଲକ ଅଞ୍ଚଳରେ ଯୋଗାଣ ବିଭାଗରେ ଏଭଳି ଅଚଳାବସ୍ଥା ସୃଷ୍ଟି ହୋଇଥିଲେ ମଧ୍ୟ ପ୍ରତିକାର ପାଇଁ ଜିଲା ପ୍ରଶାସନ କୌଣସି କାର୍ଯ୍ୟାନୁଷ୍ଠାନ ନେଉନଥିବା ଅଭିଯୋଗ ହେଉଛି । ଏପରିକି ଗତ ବର୍ଷ ଜୁନ୍ ମାସରୁ ବରୀରେ  କିରୋସିନ ସମ୍ପୂର୍ଣ ଭାବେ ଯୋଗାଣ ବନ୍ଦ ରହିଥିଲା ବେଳେ ଏଯାଏ ସେଥିରେ ସୁଧାର ଆସି ନାହିଁ। ରିଟେଲର ମାନେ କିରୋସିନ ଆଣିବା ପାଇଁ ଅର୍ଥ ପଇଠ କରିଥିଲେ ମଧ୍ୟ ଯୋଗାଣ କେନ୍ଦ୍ର ଦାୟିତ୍ବରେ ଥିବା ଠିକାଦାର ବରୀକୁ ଆସୁନଥିବାରୁ ପଇସା ଫେରସ୍ତ ହୋଇପାରିନାହିଁ ବୋଲି ରିଟେଲର ମାନେ ଅଭିଯୋଗ କରିଛନ୍ତି ।