26-Mar-2025

 କନ୍ଧମାଳ ଜିଲ୍ଲା ଟିକାବାଲି ଥାନାରେ ଆଜି ପୁଣି ନୂଆ ଥାନା ଭାରପ୍ରାପ୍ତ ଅଧିକାରିଣୀ ଭାବ ରେ ଦାୟିତ୍ୱ ଗ୍ରହଣ କରିଛନ୍ତି ପ୍ରଜ୍ଞାରୀତାମ୍ବର କର l ଏହା ପୂର୍ବରୁ ଖୁର୍ଦ୍ଧା ଜିଲ୍ଲାର ଜଙ୍କିଆ ଥାନା ରେ ଦାୟିତ୍ୱ ଭାର ନିଭାଉ ଥିଲେ l ବର୍ତ୍ତମାନ ଟିକାବାଲି ଥାନା ରେ ଦାୟିତ୍ୱ ନେଇଛନ୍ତି l ପ୍ରକାଶ ଥାଉକି ଏହା ପୂର୍ଵରୁ ଏହି ଥାନା ରେ ଥିବା କଲ୍ୟାଣୀ ମୟୀ ଷେଣ୍ଢ ଙ୍କ ଅନ୍ୟତ୍ର ବଦଳି ପରେ ନୂଆ ଅଧିକାରୀ ଭାବରେ ବଳଭଦ୍ର ଗଣ୍ଡ, ପ୍ରତିଭା ଟୋପ, ଏହି ଥାନା ରେ ଦାୟିତ୍ୱ ଗ୍ରହଣ କରିଥିଲେ l କିନ୍ତୁ କାହିଁକି କଣ ପାଇଁ  ଅଳ୍ପଦିନକ ପରେଅନ୍ୟତ୍ର ବଦଳି ହୋଇ ଗଲେ ତାର ସଠିକ ଖବର ନାହଁ ଟିକାବାଲି ଅଂଚଳ ବାସୀଙ୍କ ପାଖରେ l ଗତ ତିନି ମାସ ମଧ୍ୟରେ ଏଭଳି ବାରମ୍ବାର କାହିଁକି ଅଦଳ ବଦଳ ହେଉଛି ତାହା ଏକ ପ୍ରଶ୍ନବାଚୀ ସୃଷ୍ଟି କରୁଛି ସମସ୍ତଙ୍କ ମନରେ l ଯାହାରୀ ଫଳରେ ଟିକାବାଲି ଥାନା ପରିସରରେ ଗତ କିଛି ଦିନ ହେବ ଅପରାଧ, ହତ୍ୟା ଅନ୍ୟାୟ ହିଂସା ଏବଂ କୁ କର୍ମ ବାରମ୍ବାର ବଢ଼ିଲାଗିଛି l ଏବଂ ସବୁଠି ଚର୍ଚ୍ଚା ହେଉଛି ଅଞ୍ଚଳ ରେ ମଦ, ଗଂଜେଇ, ସହିତ ବେକାରୀ ସମସ୍ୟା ମୁଣ୍ଡ ଟେକିଛି l ଯାହାରୀ ଫଳରେ ଏଭଳି ଅପରାଧିକ ମାମଲା ବଢ଼ିବାରେ କୁରାଖ ଯୋଗାଉଛି ବୋଲି ବୁଦ୍ଧି ଜୀବି ମହଲ ଚର୍ଚ୍ଚା ଜୋର ଧରିଛି l ଏବଂ ପୁରା ଅଞ୍ଚଳ ବାସୀଙ୍କ ନଜର ବର୍ତ୍ତମାନ ଦାୟିତ୍ୱ ଗ୍ରହଣ କରିଥିବା ନୂଆ ଥାନା ଅଧିକାରିଣୀ କର ମହାଶୟା ଙ୍କ ଉପରେ ସମ୍ପୂର୍ଣ୍ଣ ଭରସା ଓ ବିଶ୍ୱାସ ଯେ,ଅତିଅଧିକ ପାପ ଯଦି ବଢ଼ିଯାଏ  ସଂସାର ରେ ତେବେ ସମାଜ ରେ ସଂସ୍କାର ଆଣିବା ପାଇଁ ଓ ଦୁଷ୍ଟ ଦୁର୍ଜନ ମାନଂକୁ ଉଚିତ ଦଣ୍ଡ ଦେବା ପାଇଁ  ନ୍ୟାୟର ବିଚାର ପାଇଁ ଏକ ପ୍ରଭାବ ଶିଳ ବ୍ୟକ୍ତି ଙ୍କୁ ଦାୟିତ୍ୱ ଭାର ଗ୍ରହଣ କରିବାକୁ ପଡିଥାଏ l ବର୍ତ୍ତମାନ ଆଗକୁ ସମୟ କହିବ ଟିକାବାଲି ଅଞ୍ଚଳ ବାସୀ କିପରି ଉଚିତ ନ୍ୟାୟ ପାଇବେ ଏବଂ ଅଂଚଳ ରେ ଘଟୁଥିବା ଦୁର୍ନୀତି ମଦ, ଗଞ୍ଜେଇ ବିରୋଧ ରେ କିପରି ରୋକ ଲଗାଯାଇ ପାରିବ ଏବଂ ସଭିଙ୍କ ମୁହଁ ରେ କିପରି ହସ, ଖୁସି ଓ ଭାତୃଭାବ, ଫେରି ଆସିବ ତାହା ହିଁ ସାମଗ୍ରୀକ ବିକାଶ ର ମୂଳ ଦୁଆ ହେବ ବୋଲି ଆଶା କରାଯାଇ ପାରିବ l

(ଟିକାବାଲିରୁ ରାଜକିଶୋର ପ୍ରଧାନଙ୍କ ରିପୋର୍ଟ)