25-Mar-2025

କଣ୍ଟାମାଳ(ଜୟ କୁମାର ମହାରଣା): ବୌଦ୍ଧ ଜିଲ୍ଲା ମନମୁଣ୍ଡା ଥାନା ଅଧିନରେ କାର୍ଯ୍ୟରତ ତିନି ଜଣ ଇଣ୍ଡିଆନ ରିଜର୍ଭ ବାଟାଲିୟନ (ଆଇ.ଆର.ବି) ପୋଲିସ ଗଞ୍ଜେଇ କାରବାର ରେ ସମ୍ପୃକ୍ତି ଥିବା ନେଇ ମନମୁଣ୍ଡା ପୋଲିସ ହାତରେ ଧରା ପଡ଼ିଥିବା ଘଟଣା ସମଗ୍ର ଅଞ୍ଚଳରେ ଚର୍ଚ୍ଚାର ବିଷୟ ପାଲଟିଛି  l  ସୂଚନାମତେ ବୌଦ୍ଧ ଜିଲ୍ଲା ମନମୁଣ୍ଡା ଥାନା ଅଧିନରେ ଥିବା ଆଇଆରବି ବ୍ୟାରେକ ରେ ରହୁଥିବା କିଛି ଆଇଆରବି

ପୋଲିସ ଙ୍କ ନିକଟରେ ଚୋରା ଚାଲାଣ ପାଇଁ ଗଞ୍ଜେଇ ରଖିଥିବା କୌଣସି ସୂତ୍ରରୁ ଖବର ପାଇଥିଲା ମନମୁଣ୍ଡା ପୋଲିସ  l  ଖବର ପାଇ ମନମୁଣ୍ଡା ପୋଲିସ ଆଇଆରବି ବ୍ୟାରେକ ରେ ଚଢ଼ାଉ କରିଥିଲେ  l ଚଢ଼ାଉ ସମୟରେ ପୋଲିସ ବ୍ୟlରେକରେ ରହୁଥିବା ୩ଜଣ ଆଇଆରବି ପୋଲିସ

ଙ୍କ ନିକଟରୁ ଗଞ୍ଜେଇ ଜବତ କରିଥିଲେ  l   ଗିରଫ ତିନିଜଣ ଙ୍କ ମଧ୍ୟରେ ଜଣେ ହାବିଲଦାର ଓ ଅନ୍ୟ ଦୁଇ ଜଣ ଆଇଆରବି କନେଷ୍ଟେବଳ ଥିବା ଜଣାଯାଇଛି l   ମାଜିଷ୍ଟ୍ରେଟଙ୍କ ଉପସ୍ଥିତିରେ ଓଜନ କରିବାରୁ ଜବତ ଗଞ୍ଜେଇର ପରିମାଣ ୧୫କେଜି ୯୩୦ଗ୍ରାମ ହୋଇଥିବା ପୋଲିସ ସୂତ୍ରରୁ ପ୍ରକାଶ  l  ଏନେଇ ମନମୁଣ୍ଡା ପୋଲିସ ପକ୍ଷରୁ ଏକ ମାମଲା ରୁଜୁ କରି ଅଧିକ ତଦନ୍ତ କରୁଥିବା ମନମୁଣ୍ଡା ପୋଲିସ ପକ୍ଷରୁ ଜଣାଯାଇଛି   l