25-Mar-2025

ବଲାଙ୍ଗୀର: ସ୍ଥାନୀୟ ପି.ଆର.ହାଇସ୍କୁଲ ର ସଭାଗୃହଠାରେ ଜିଲ୍ଲା ଜୁନିୟର ରେଡକ୍ରସ ପରାମର୍ଶଦାତାଙ୍କ ତ୍ରିଦିବସୀୟ ପ୍ରଶିକ୍ଷଣ ଶିବିର ଉଦ୍ଘାଟିତ ହୋଇଯାଇଛି। ବିଦ୍ୟାଳୟର ପ୍ରଧାନ ଶିକ୍ଷୟିତ୍ରୀ ସନ୍ତୋଷିନୀ ସେଠୀଙ୍କ ସଭାପତିତ୍ବରେ ଅନୁଷ୍ଠିତ କାର୍ଯ୍ଯକ୍ରମରେ ମୁଖ୍ଯଅତିଥି ଭାବେ ଜିଲ୍ଲା ଶିକ୍ଷା ଅଧିକାରୀ ପ୍ରଦୀପ କୁମାର ନାଗ ଯୋଗଦେଇ ରେଡକ୍ରସ ଆନ୍ଦୋଳନର ନୀତି,ଆଦର୍ଶ ତଥା ମୂଳମନ୍ତ୍ର ସ୍ବାସ୍ଥ୍ୟ,ସେବା ଓ ବିଶ୍ବବନ୍ଧୁତା କୁ ଆପଣେଇବା ପାଇଁ ସମସ୍ତ

ପରାମର୍ଶଦାତାଙ୍କୁ ଆହ୍ବାନ ଦେବା ସହ ରେଡକ୍ରସ ର ବାର୍ତ୍ତା କୁ ପ୍ରଚାର ପ୍ରସାର କରିବାରେ ବ୍ରତୀ ହୁଅନ୍ତୁ ବୋଲି କହିଥିଲେ। ଜିଲ୍ଲା ଶାରୀରିକ ଶିକ୍ଷା ଅଧିକାରୀ ପ୍ରଦୀପ ପାତ୍ର ନିଜ ବକ୍ତବ୍ଯରେ  ରେଡକ୍ରସର ସ୍ବେଚ୍ଛାସେବୀମାନେ ସେବା ମନୋଭାବ ସହ ପ୍ରତିଟି କାର୍ଯ୍ଯକୁ ଆନ୍ତରିକ ସହ କରିବା ପାଇଁ ମାର୍ଗଦର୍ଶନ ଦେଇଥିଲେ। ସମ୍ମାନୀତ ଅତିଥି ଭାବେ ଶିକ୍ଷାବିତ ସନାତନ ଠାକୁର ଓ ପର୍ଯ୍ୟବେକ୍ଷକ ଭାବେ ପ୍ରଧାନ ଶିକ୍ଷକ ନୀଳମଣି ପଟେଲ ଯୋଗଦେଇ ଜୁନିୟର ରେଡକ୍ରସ ର ଉପକାରିତା ଓ ଆବଶ୍ୟକତା ସଂପର୍କରେ ଆଲୋଚନା କରିଥିଲେ। ଜୁନିୟର ରେଡକ୍ରସ ଅଫିସର ବିକାଶ ରଂଜନ ସାହୁ କାର୍ଯ୍ଯକ୍ରମର ଲକ୍ଷ୍ୟ ଓ ଉଦ୍ଦେଶ୍ଯ ସଂପର୍କରେ କହିଥିଲେ। ରାଜ୍ଯ ସାଧନକର୍ମୀ ରବିନ୍ଦ୍ର ଠେଟୁଆଲ ରେଡକ୍ରସ ର ଇତିହାସ ବିଷୟରେ ସମସ୍ତ ପରାମର୍ଶଦାତାଙ୍କୁ ଅବଗତ କରାଇଥିଲେ।  ଶେଖ୍ ଅସରଫ ଓ ଜୟକୃଷ୍ଣ ନାୟକ ରକ୍ତଦାନ ର ମହତ୍ତ୍ବ ସଂପର୍କ ରେ କହିଥିଲେ। ଜିଲ୍ଲା ଓଡ୍ରାଫ ଟିମ ତରଫରୁ ରମେଶ

ଚନ୍ଦ୍ର ମିଶ୍ର ପ୍ରାକୃତିକ ବିପର୍ଯ୍ୟୟ ସମୟରେ କିଭଳି ଭାବେ ସାବଧାନତା ଅବଲମ୍ବନ କରିବା ସେ ସଂପର୍କରେ ପ୍ରଶିକ୍ଷଣ ଦେଇଥିଲେ।ଏହି ଶିବିରରେ  ୧୨୦ ଜଣ ଜୁୁୁନିୟର ରେଡକ୍ରସ ପରାମର୍ଶଦାତା ଯୋଗ ଦେଇଛନ୍ତି। ଶିବିରରେ ଚିତ୍ତ ରଂଜନ ପଣ୍ଡା,ରଶ୍ମିରାଣୀ ଦାଶ,ପ୍ରଭାକର ଛନ୍ଦ,ପୂର୍ଣ୍ଣଚନ୍ଦ୍ର ତ୍ରିପାଠୀ,ଅରବିନ୍ଦ କୁମ୍ଭାର,ଯଦୁମଣୀ ବଗର୍ତ୍ତୀ,ରାଜେନ୍ଦ୍ର ଦୋରା ସାଧନକର୍ମୀ ଭାବେ ଯୋଗଦେଇଛନ୍ତି।ଶେଷରେ ଘନଶ୍ୟାମ ମେହେର ଧନ୍ୟବାଦ ଅର୍ପଣ କରିଥିଲେ।