24-Mar-2025

 କୁଚିଣ୍ଡା(ସିଲୁ ସୁନାନୀ): ସମ୍ବଲପୁର ଜିଲ୍ଲା କୁଚିଣ୍ଡା ଥାନା ସଇଡା ଜୁନାଡିହି ରାସ୍ତା କାଜୁ ବଗିଚା ବୁଲାଣି ସାତକମା ନିକଟରେ ଭାରସାମ୍ୟ  ହରାଇ ରାସ୍ତା କଡରେ ଏକ ଆମ୍ବଗଛ ରେ ବାଡେଇ  ହୋଇ ଏକ ବାଇକ ଦୁର୍ଘଟଣା ଘଟିଥିଲା। ଦୁର୍ଘଟଣା ରେ ଫଟାଟାଙ୍ଗର ଗ୍ରାମର ଲିଙ୍ଗ କିସାନ‌ (୧୭ବୟସ), କିରାଶାସନ ଗ୍ରାମର ବଳଦେବ ବାରିକ (୧୭ବୟସ) ମୃତ୍ୟୁ ଘଟିଥିବାବେଳେ ତାଙ୍କ ସହିତ ଅନ୍ୟ ଜଣେ ଯୁବକ ଝିରଲାପାଲି ଗ୍ରାମର ହିମାଂଶୁ ବାଘ (୨୫ବୟସ) ଗୁରୁତର ଭାବରେ ବୁର୍ଲା ଡ଼ାକ୍ତରଖାନା କୁ ଚିକିତ୍ସା ପାଇଁ ନିଆଯାଇଛି।ତାର ଅବସ୍ଥା ମଧ୍ୟ ସଙ୍କଟାପନ୍ନ ରହିଛି। କୁଚିଣ୍ଡା ପୋଲିସ ଏ ନେଇ  କୁଚିଣ୍ଡା ଥାନାରେ 

ରେ ମୋକଦ୍ଦମା ରୁଜ୍ଜୁ କରି ଘଟଣା ର ତଦନ୍ତ କରୁଛନ୍ତି।
ପ୍ରାପ୍ତ ଘଟଣାରୁ ପ୍ରକାଶ ଏହି ତିନିଜଣ ଯୁବକ ଏକ ହିରୋ ଏଚ ଏଫ ଡିଲକ୍ସ ଓଡି ୨୩-୦୪୧୮୨ ରେ ଦୃତ ଗତିରେ ସାତକମା ପଟକୁ ଆସୁଥିବା ସମୟରେ ରାତ୍ରୀ ପ୍ରାୟ ୭.୩୦ ସମୟରେ ସାତକମା କାଜୁ ବଗିଚା ବୁଲାଣିରେ  ଭାରସାମ୍ୟ ହରାଇ ରାସ୍ତା କଡ଼ରେ ଏକ ଆମ୍ବଗଛ ରେ ବାଡେଇ ହୋଇ ଦୁର୍ଘଟଣା ଘଟିଥିଲା।କିଛି ସମୟପରେ ଖବର ପାଇ କୁଚିଣ୍ଡା ପୋଲିସ ଘଟଣା ସ୍ଥଳରେ ପହଞ୍ଚି ତିନି ଯୁବକଙ୍କୁ କୁଚିଣ୍ଡା ଉପଖଣ୍ଡ ଡାକ୍ତରଖାନା ରେ ଚିକିତ୍ସା ପାଇଁ ଭର୍ତ୍ତି କରିଥିଲେ। ଡାକ୍ତର ସ୍ବାସ୍ଥ୍ୟ ପରୀକ୍ଷା କରି ଦୁଇଜଣ ଙ୍କୁ ମୃତ୍ୟୁ ହୋଇଯାଇଥିବା ଘୋଷଣା କରିଥିବାବେଳେ,ଅନ୍ୟ ଜଣେ ଝିର୍ଲାପାଲି ର ହିମାଂଶୁ ବାଗ (୨୫ ବର୍ଷ) କୁ ବୁର୍ଲା ରେଫର କରିଛନ୍ତି।