24-Mar-2025

ବଲାଙ୍ଗିର: ଜାତୀୟ ଶିକ୍ଷା ନୀତି ୨୦୨୦ ଅନୁଯାୟୀ ରାଜ୍ୟରେ ପ୍ରଥମ ଥର ପାଇଁ ସମସ୍ତ ପ୍ରାଥମିକ ବିଦ୍ୟାଳୟରେ ଶିଶୁ ବାଟିକା ଆରମ୍ଭ ହେବ । ଏଥିପାଇଁ ଖଡ଼ିଛୁଆଁ ଓ ଶିଶୁ ବାଟିକାର ଶୁଭାରମ୍ଭ ଏପ୍ରିଲ ୨ ତାରିଖରୁ ହେବ । ଯୋଗ୍ୟ ବିବେଚିତ ପିଲାଙ୍କ ପରିବାରକୁ ରାଜ୍ୟ ସରକାରଙ୍କ ନିର୍ଦ୍ଦେଶ କ୍ରମେ ସମସ୍ତ ଅଧିକାରୀ ମୁଖ୍ୟମନ୍ତ୍ରୀଙ୍କ ନିମନ୍ତ୍ରଣ ପତ୍ର ବାଣ୍ଟିଛନ୍ତି। ଏହି କ୍ରମରେ ବଲାଙ୍ଗିର ଜିଲ୍ଲା ଲୋଇସିଂହା ବ୍ଲକ ଅନ୍ତର୍ଗତ ସରକାରୀ କେନ୍ଦ୍ର ଉପ୍ରା ବିଦ୍ୟାଳୟ ବବଜା  ପକ୍ଷରୁ ପ୍ରଧାନ ଶିକ୍ଷକ ରାହାସ ବିହାରୀ ପଟେଲଙ୍କ ସମେତ ବିଦ୍ୟାଳୟର ସହକାରୀ ଶିକ୍ଷକ ଶ୍ରୀ ରାଜେଶ ସୁନା,ସହକାରୀ ଶିକ୍ଷକ ଶ୍ରୀ ସରୋଜ ପଧାନ ତଥା ବିଦ୍ୟାଳୟ କ୍ୟାବିନେଟ ମନ୍ତ୍ରୀ ସୁରଜ୍ ବିଶ୍ଵାଳ,ଆରପ୍ ପଧାନ ଓ ଧନରାଜ ଗଡତ୍ୟା ଘରକୁ ଘର ଯାଇ ମୁଖ୍ୟମନ୍ତ୍ରୀଙ୍କ ନିମନ୍ତ୍ରଣ ପତ୍ର ବାଣ୍ଟିଥିଲେ । ପ୍ରକାଶଥାଉ କି, ସମଗ୍ର ଶିକ୍ଷା ବଲାଙ୍ଗୀର ଆନୁକୂଲ୍ୟରେ ଜିଲ୍ଲାର ସରକାରୀ ବିଦ୍ୟାଳୟମାନଙ୍କ ରେ ୫ ବର୍ଷରୁ ଅଧିକ ଶିଶୁ ମାନଙ୍କର ଶିଶୁବାଟିକା ଓ ୬ ବର୍ଷରୁ ଅଧୂକ ପ୍ରଥମ ଶ୍ରେଣୀରେ ନାମ ଲେଖାଇବା ପାଇଁ ଅଭିଭାବକଙ୍କ ନିମନ୍ତେ ମୁଖ୍ୟମନ୍ତ୍ରୀଙ୍କ ନିମନ୍ତ୍ରଣ ପତ୍ର ବଣ୍ଟନର ଶୁଭାରମ୍ଭ ହୋଇଛି।