20-Mar-2025

ବଲାଙ୍ଗୀର,ତା. ୨୦/୦୩ (ପ୍ରେରଣା ଖବର): ବଲାଙ୍ଗୀର ଜିଲ୍ଲା  ସଇଁନ୍ତଳା ବ୍ଲକ ଅନ୍ତର୍ଗତ  ଡେଙ୍ଗ ଉନ୍ନୀତ ଉଚ୍ଚ ବିଦ୍ୟାଳୟର ଇକୋ କ୍ଲବ୍ ଓ ଜୁନିୟର ରେଡ଼କ୍ରସ ତରଫରୁ ଏକକ ବ୍ୟବହୃତ ପ୍ଲାଷ୍ଟିକମୁକ୍ତ ସଚେତନତା କାର୍ଯ୍ୟକ୍ରମ ପାଳିତ ହୋଇଯାଇଛି ।  ପ୍ରଧାନ ଶିକ୍ଷକ ଚାଣ୍ଡାଳ ମିଶ୍ରଙ୍କ ପ୍ରତ୍ୟକ୍ଷ  ତତ୍ତ୍ୱାବଧାନରେ  ପ୍ରଥମେ ଛାତ୍ରଛାତ୍ରୀମାନଙ୍କ ଦ୍ଵାରା ପୋଷ୍ଟର ଧରି  ଗ୍ରାମ ପରିକ୍ରମା କରି ଗ୍ରାମବାସୀଙ୍କୁ ସଚେତନ କରିଥିଲେ  ।  ପରେ ପ୍ରଧାନ ଶିକ୍ଷକ ଚାଣ୍ଡାଳ ମିଶ୍ରଙ୍କ ସଭାପତିତ୍ବରେ  ଅନୁଷ୍ଠିତ ସଭାରେ  ବିଦ୍ୟାଳୟ ବିଜ୍ଞାନ ଶିକ୍ଷକ କୃପାସିନ୍ଧୁ ମିଶ୍ର, ଗାୟତ୍ରୀ ବାରିକ, ଦୀପକ ସେନ ଧରୁଆ, ଦେବେଶ ହୋତା, ମନରଞ୍ଜନ ପରିଡା ଗଣ ଛାତ୍ରଛାତ୍ରୀମାନଙ୍କୁ  ଏକକ ବ୍ୟବହୃତ ପ୍ଲାଷ୍ଟିକମୁକ୍ତ   ପରିବେଶ  ବିଷୟରେ  ବୈଜ୍ଞାନିକ ଦୃଷ୍ଟିକୋଣ ରଖି ସମସ୍ତଙ୍କୁ ଅବଗତ କରିଥିଲେ । ଛାତ୍ରଛାତ୍ରୀଙ୍କୁ ନେଇ ପେଣ୍ଟିଙ୍ଗ  ପ୍ରତିଯୋଗିତା ଅନୁଷ୍ଠିତ ହୋଇଥିଲା ଓ କୃତି ପ୍ରୀତିଯୋଗୀକୁ ପୁରସ୍କୃତ କରାଯାଇଥିଲା । ଡେଙ୍ଗ  ବିଦ୍ୟାଳୟ ପାଇଁ ଗୌରବ ଆଣିଥିବା   ରାଜ୍ୟପାଳ ପୁରସ୍କାର ମାମୁନୀ ପ୍ରଧାନଙ୍କୁ ବିଦ୍ୟାଳୟ ତରଫରୁ ସମର୍ଦ୍ଧିତ କରାଯାଇଥିଲା । କାର୍ଯ୍ୟକ୍ରମରେ ଛାତ୍ରଛାତ୍ରୀ ସହିତ ଶିକ୍ଷକ ସୁଦର୍ଶନ ଦାଶ, ସମୀର ସେଠି,  ଅବିନାଶ ଭୋଇ, ହିମାଂଶୁ ବିଶ୍ଵାଳ, ଶିକ୍ଷୟିତ୍ରୀ  ରେଣୁକା ସାହୁ, ଗାୟତ୍ରୀ ବାରିକ, ତପସ୍ୱିନୀ ପଟେଲ,  ଦ୍ରୌପଦୀ ଭୋଇ, ଶିବାନୀ ମଲ୍ଲିକ ପ୍ରମୁଖ ସହଯୋଗ କରିଥିଲେ । ପ୍ରକୃତିବନ୍ଧୁ ଶିକ୍ଷକ ତଥା  ଜୁନିୟର ରେଡ଼କ୍ରସ କାଉନସେଲର ରାମ ନାରାୟଣ ଦାଶ  କାର୍ଯ୍ୟକ୍ରମକୁ ପରିଚାକନା କରିଥିଲା ବେଳେ ପୁରାତନ ଛାତ୍ରୀ ସୁପ୍ରିୟା ରଣା ଧନ୍ୟବାଦ ଅର୍ପଣ କରିଥିଲେ।