23-Mar-2025

ନବରଙ୍ଗପୁର :(ମିହିର ଶଙ୍କର ପାତ୍ର,) ଜିଲ୍ଲା ଯୁବଛାତ୍ର ମହାସଂଘ ନବରଙ୍ଗପୁର ଜିଲ୍ଲା କମିଟି ପକ୍ଷରୁ ଡ଼ାବୁଗାଁ ଠାରେ ସହିଦ୍ ଭଗତ ସିଂହ ଙ୍କ ଫାଶୀ ଦିବସ ପାଳନ ହୋଇଯାଇଛି । ଏହି କାର୍ଯ୍ୟକ୍ରମ କୁ ସଭାପତିତ୍ବ କରିଥିଲେ ମାଣିକେଶ୍ଵର ଶବର। ମୂଖ୍ୟ ବକ୍ତା ଭାବେ ଯୁବ ଆଦିବାସୀ ସମାଜସେବୀ ଶ୍ରୀ ରାଜେଶ ଜାନି ଯୋଗ ଦେଇଥିଲେ। ୧୦ ଟି ବ୍ଲକରୁ ପ୍ରାୟ ୫୦୦ ଛାତ୍ର ଛାତ୍ରୀ ଓ ଯୁବକ ଯୁବତୀ କାର୍ଯ୍ୟକ୍ରମ ରେ ଯୋଗଦେଇଥିଲେ।ଆଜି ଏହି କାର୍ଯ୍ୟକ୍ରମ ରେ ଯୋଗଦେଇ ସମସ୍ତେ ଶପଥ ନେଲେ ଯେ ଆଗମି ଦିନରେ ସହିଦ୍ ଭଗତ ସିଂହ ଙ୍କ ବିଚାରଧାରା ରେ ସମସ୍ତେ ଚାଲିବୁ ଏବଂ ସମସ୍ତେ ନିଜ ମୌଳିକ ହକ୍ ଅଧିକାର ପାଇଁ ଏକ ହୋଇ ଲଢ଼ିବୁ। ଆଗାମୀ ଦିନରେ ଜିଲ୍ଲା ଭିତ୍ତିକ ନିଯୁକ୍ତି ଦାବୀକୁ ନେଇ ସଂଗଠନ ମଜବୁତ୍ କରିବା ସହ ଆହୁରି ଜୋରଦାର ଲଢ଼େଇ ବା ଆନ୍ଦୋଳନ ପାଇଁ ସମସ୍ତେ ପ୍ରସ୍ତୁତ ହୁଅନ୍ତୁ ବୋଲି ଜିଲ୍ଲା ମୁଖ୍ୟ ଉପଦେଷ୍ଟା ରାଜେଶ ଜାନି ସମସ୍ତଙ୍କୁ ଆହ୍ୱାନ ଦେଲେ।