23-Mar-2025

ଡେଲାଙ୍ଗ(ଦିଲୀପ କୁମାର ଧାଉଡିଆ): ହରିରାଜପୁର ପଞ୍ଚୁ ଦୋଳ ମେଳଣ  ମହୋତ୍ସବ ପିତାପାଣିଆ ମଂଚରେ  ପଶ୍ଚିମା ଶମ୍ଭୁ ୟୁବ ସଂଗଠନ ଓ ଓଡିଶା ସାହିତ୍ୟ ଏକାଡେମୀ ମିଳିତ ଆନୁକୂଲ୍ୟରେ ବିଶ୍ୱ କବିତା ଦିବସରେ ଏକ ବର୍ଣ୍ଣାଢ୍ୟ ସାରସ୍ବତ ଉତ୍ସବ ସହ ରାଜସ୍ତରୀୟ ଆଧ୍ୟାତ୍ମିକ କବିତା ଆସର ଶୁକ୍ରବାର ଅନୁଷ୍ଠିତ ହୋଇଯାଇଛି ।କାର୍ଯ୍ୟକ୍ରମ ପ୍ରାରମ୍ଭରେ ଅତିଥି ମାନେ ଆନୁଷ୍ଠାନିକ ଭାବେ ଜଗନ୍ନାଥଙ୍କ ପ୍ରତିମୂର୍ତ୍ତିରେ ପୁଷ୍ପ ପ୍ରଦାନ କରି ଧୂପ ଦୀପ ପ୍ରଜ୍ଜ୍ୱଳନ ସହ ଆସରକୁ ଶୁଭ ଉଦ୍‌ଘାଟନ କରି ଥିଲେ। ଶିକ୍ଷାବିତ୍ ତଥା କଵି ଭିକାରୀ ଧଳ ଅଧ୍ୟକ୍ଷତାରେ ଅନୁଷ୍ଠିତ ସାହିତ୍ୟ ସଭାରେ ମୁଖ୍ୟ ବକ୍ତା ରୂପେ ଦାଶରଥି ଶତପଥି,ସମ୍ମାନିତ ଅତିଥି ଭାବେ ମଂଚାସିନ ହୋଇଥିଲେ  ପିପିଲି ବାର ଆସୋସେସନ ସଭାପତି ତଥା ସାମ୍ବାଦିକ ରାଜ କିଶୋର ସ୍ୱାଇଁ , ଶିଶୁ ସାହିତ୍ୟିକ ତ୍ରିଲୋଚନ ମହାପାତ୍ର, ବିଶିଷ୍ଟ ସ୍ତମ୍ଭକାର ଅର୍ଜୁନ ଘଡେଇ,ପ୍ରାବନ୍ଧିକ ରଘୁନାଥ ଜେନା, ସମାଜସେବୀ ନିରୁପମା ପାତ୍ର, ପଶ୍ଚିମାଶମ୍ଭୁ ଯୁବ ସଂଗଠନ ସମ୍ପାଦକ  ଶିକ୍ଷାବିତ୍  ବାସୁଦେବ ସାହୁ ପ୍ରମୁଖ ଯୋଗଦେଇ ପଶ୍ଚିମାଶମ୍ଭୁ ସୋମନାଥ ଦେବଙ୍କ ପ୍ରାଚୀନ ମେଳନର ଅୟମାରମ୍ଭ  ସଂମ୍ପର୍କରେ ଉଦ୍‌ବୋଧନ ଦେବା ସହ ଅତିଥି ମାନେ କବିତାର ବିଭିନ୍ନ ଦିଗ ଉପରେ  ଆଲୋକପାତ କରି ଥିଲେ।   ନରେନ୍ଦ୍ର କୁମାର ମୁଦୁଲି ମଞ୍ଚ ପରିଚାଳନା କରିଥିବା ବେଳେ ସମ୍ପାଦକ ବାସୁଦେବ ସାହୁ ବାର୍ଷିକ ବିବରଣୀ ପାଠ କରିଥିଲେ । ଅତିଥିମାନଙ୍କ ଦ୍ୱାରା ସଂଗଠନ ର ବାର୍ଷିକ ସ୍ମରଣୀକା "ପଞ୍ଚୁଦୋଳ ପ୍ରସଙ୍ଗ " ଉନ୍ମୋଚନ କରାଯାଇଥିଲା ! କଵି ବିପିନୀ ବେହେରା, ଡ଼. ରଜନୀ ରଣସିଂହ, ଡ଼. ସରୋଜିନୀ ପଟ୍ଟନାୟକ କବିତା ଆସରକୁ ସଂଯୋଜନା କରିଥିବା ବେଳେ ଅଧ୍ୟାପିକା ସୌଦାମିନୀ ବେହେରା ସ୍ୱାଗତ ଭାଷଣ ଦେଇଥିଲେ !  ବିଭିନ୍ନ କ୍ଷେତ୍ରରେ କୃତିତ୍ୱ ଅର୍ଜନ କରିଥିବା ସାହିତ୍ୟିକ ଡ଼. ରଜନୀ ରଣସିଂହ, ଡ଼. ସରୋଜିନୀ ପଟ୍ଟନାୟକ, ଆଇନ ଜିବୀ ପ୍ରିତିଶ କୁମାର ବେହେରା, ସମାଜସେବୀ ଗୌତମ ମହାରଣା, ମଧୁସୂଦନ ରାୟ ସମେତ ମେଳଣ କମିଟି ର ସଦସ୍ୟ ମାନଙ୍କୁ ସମ୍ବର୍ଦ୍ଧନା ଦିଆଯାଇଥିଲା ! ବରିଷ୍ଠ କଵି ରମେଶ ଚନ୍ଦ୍ର ସ୍ୱାଇଁ, ଅଜୟ ସେଠୀ, ପ୍ରଦୁମ୍ନ ପରିଡା, ଶରତ ରାଉତ, ଦିଲ୍ଲୀପ ଧାଉଡ଼ିଆ, ଦୂତିକୃଷ୍ଣ ମହାନ୍ତି, ରୋହିତ ଚମ୍ପତ୍ତି କବୟିତ୍ରୀ ଜୟଶ୍ରୀ ପଟ୍ଟନାୟକ, ଶିଶୁ କଵି ସତ୍ୟମ୍‌ଜିତ୍‌ ଧାଉଡିଆ ସମେତ ପ୍ରାୟ ୫୦ ଜଣରୁ ଉର୍ଦ୍ଧ କବି କବୟିତ୍ରୀ ସ୍ବରଚିତ ଆଧ୍ୟତ୍ମିକ କବିତା ପାଠ କରିଥିଲେ। ଶେଷରେ କାର୍ଯ୍ୟକ୍ରମର ସଫଳତା ପାଇଁ ପିପିଲି ସମ୍ବାଦ ସାହିତ୍ୟ ଘର ର ସମ୍ପାଦକ ନରେନ୍ଦ୍ର କୁମାର ମୁଦୁଲି ଧନ୍ୟବାଦ ଅର୍ପଣ କରିଥିଲେ !ଉପସ୍ଥିତ ସମସ୍ତ କଵି, କବୟିତ୍ରୀ ମାନଙ୍କୁ ପ୍ରଶଂସା ପତ୍ର ଦିଆଯାଇ ସମ୍ବର୍ଦ୍ଧିତ କରାଯାଇଥିଲା  !