22-Mar-2025

ପାଇକମାଳ(ପ୍ରେରଣା ଖବର): ପାଇକମାଳ ସ୍ଥିତ ନୃସିଂହନାଥ ଧର୍ମଶାଳା ଠାରେ ମାନସିକ ରୋଗୀଙ୍କ  ସ୍ବାସ୍ଥ୍ୟ ଓ ପୁନର୍ବାସ  ପାଇଁ ବ୍ଲକସ୍ତରୀୟ କାର୍ଯ୍ୟକ୍ରମ ପଲ୍ଲୀ ଆଲୋକ ପାଠାଗାର ବଲାଙ୍ଗୀର ଆନୁକୂଲ୍ୟରେ ଗୁରୁବାର ଶୁଭାରମ୍ଭ ହୋଇଯାଇଛି । ଏହି କାର୍ଯ୍ୟକ୍ରମକୁ ପାଇକମାଳ ଗୋଷ୍ଠୀ ଉନ୍ନୟନ ଅଧିକାରୀ ପ୍ରଫୁଲ କୁମାର ଓଦୁ ମୁଖ୍ୟ ଅତିଥି ଭାବେ ଯୋଗ ଦେଇ ଉଦଘାଟନ କରିଥିଲେ । ସମ୍ମାନିତ ଅତିଥି ଭାବେ ବୁକୁରାୁଣ୍ତା ଗୋଷ୍ଠୀ ସ୍ବାସ୍ଥ୍ଯ କେନ୍ଦ୍ର ଅଧିକାରୀ ଶୁଭ୍ର ପ୍ରକାଶ ସେନାପତି, କେଛୋମାଲ ସରପଞ୍ଚ୍  ଚିତ୍ତରଞନ ପ୍ରଧାନ, ବିପିଏମ ରବି ଶଙ୍କର ନାଏକ, ବିଏଲସି ବଟ କିଶୋର ଦିପ, ସାମାଜିକ ସୁରକ୍ଷା ଅଧିକାରୀ ଭବାନୀ ପଟେଲ ଯୋଗ ଦେଇଥିବା ବେଳେ

ଅନ୍ୟ ସ୍ବାସ୍ଥ୍ଯ କର୍ମୀ, ଆଶା କର୍ମୀ, ଅଙ୍ଗନବାଡି କର୍ମୀ, ସିଆରପି, ଏମବିକେ ମାନେ ଅଂଶ ଗ୍ରହଣ କରିଥିଲେ । ପାଠାଗାରର ହିରାଲାଲ ମିଶ୍ର ପ୍ରାରମ୍ଭିକ ସୂଚନା ପ୍ରଦାନ କରିଥିବା ବେଳେ ସମ୍ପାଦକ ପ୍ରଶାନ୍ତ ନାୟକ ଉଦ୍ଦେଶ୍ୟ ଜ୍ଞାପନ କରିଥିଲେ । ଅତିଥି ମାନେ କାର୍ଯ୍ୟକ୍ରମର ଆଲୋଚନାରେ ଅଂଶଗ୍ରହଣ କରି ତାଙ୍ଗ ସ୍ତର ରେ ସମସ୍ତ ପ୍ରକାର ସହଯୋଗ କରିବା ପାଇଁ ପ୍ରତିଶୃତି ଦେଇଥିଲେ । ଶେଷରେ ରଞ୍ଜନ ପାଣ୍ତେ ଧନ୍ୟବାଦ ଦେଇଥିଲେ ।