22-Mar-2025

ବିନିକା(ହିମାଂଶୁ ଶେଖର ପୁଟେଲ): ଆଜିର ଜୀବନ ଶୈଳୀରେ ସ୍ବାସ୍ଥ୍ୟ ହିଁ ଅମୂଲ୍ୟ ସମ୍ପଦ।ସ୍ବାସ୍ଥ୍ୟ ଠିକ ରହିଲେ ଆୟୁଷ ବଡିଲେ ମଧ୍ୟ ନିଜକୁ ଦୁର୍ବଳ କରି ପାରିବ ନାହିଁ ବରଂ ନିଜର ଶାରୀରିକ କ୍ଷମତା ଅଧିକ ମାତ୍ରାରେ ବୃଦ୍ଧି ପାଇବା ସହିତ ଜୀବନର ଶେଷ ପର୍ଯ୍ୟନ୍ତ ନିଜର ସ୍ଵଭାବ ବଳବତ୍ତର ରହିବ।ସେହିପରି ପୁରସ୍କାର ମିଳୁ ଅବା ନମିଲୁ ବିଭିନ୍ନ ପ୍ରତିଯୋଗିତାରେ ଭାଗ ନେଇ ନିଜର ଦକ୍ଷତା ପ୍ରତିପାଦନ କରିବା ଏବଂ ଅଞ୍ଚଳବାସୀଙ୍କ ପାଇଁ ସ୍ବାସ୍ଥ୍ୟ ନିମନ୍ତେ ନିଜର କର୍ତ୍ତବ୍ୟକୁ ସୁ ସମ୍ପାଦନା କରିବା ହେଉଛି ଶ୍ରେଜସ୍କର ବୋଲି ସୁନ୍ଦର ପ୍ରତିଯୋଗିତାରେ ଭାଗନେଇଥିବା ବୈରାଗୀ ପ୍ରଧାନ କହିଛନ୍ତି  ।ବିନିକା ଏନଏସି ୨ନଂ ୱାର୍ଡ ଗୁଲାପଡ଼ା ଗ୍ରାମର ବୈରାଗୀ ବର୍ତ୍ତମାନ କାଉନସିଲର ପ୍ରତିନିଧି ଥିବା ବେଳେ ପର୍ଯ୍ୟଟନ ସ୍ଥଳୀ ତାରାପୁର ଗଡରେ ନିର୍ମିତ ବିଜୁ ପଟ୍ଟନାୟକ ଇଣ୍ଡୋର ଷ୍ଟାଡିୟମ ଜିମ ବିଭାଗର ପ୍ରଶିକ୍ଷକ ଦାୟିତ୍ଵ ତୁଲାଉଛନ୍ତି ।ସେହିପରି ବିନିକା ସ୍ପୋର୍ଟସ କ୍ଳବର ଜଣେ ସକ୍ରିୟ ସଦସ୍ୟ ଭାବେ ପରିଚିତ । ଇଣ୍ଡୋର ଷ୍ଟାଡିୟମ ଜିମ ବିଭାଗରେ ଶରୀରର ଉନ୍ନତି ସକାଶେ ଥିବା ବିଭିନ୍ନ ପ୍ରକାରର ବ୍ୟାୟାମ ସରଞ୍ଜାମ ଶିଖିବା ପାଇଁ ପ୍ରତିଦିନ ଆସୁଥିବା ଯୁବକ ଯୁବତୀଙ୍କୁ ବୈରାଗୀ ପ୍ରଶିକ୍ଷଣ ଦେବା ସହିତ ନିଜେ ମଧ୍ୟ ବ୍ୟାୟାମ ପାଇଁ କଠିନ ପରିଶ୍ରମ କରୁଥିଲେ ।ତେବେ ସେ ଯାହା ବି ହେଉ ପୁରସ୍କାର ମିଳୁ ଅବା ନମିଳୁ ବଲାଙ୍ଗୀର ଠାରେ ଅନୁଷ୍ଠିତ ହେବାକୁ ଥିବା ପଶ୍ଚିମ ଓଡ଼ିଶା ସ୍ତରୀୟ ବଡି ବିଲ୍ଡର ଅର୍ଥାତ ସୁନ୍ଦର ପ୍ରତିଯୋଗିତାରେ ଭାଗ ନେବେ ବୋଲି ସିଦ୍ଧାନ୍ତ କରି ନିଜ ଶରୀରର ଓଜନ କମାଇ ଅହରହ ପ୍ରାକଟିକସ କରୁଥିଲେ ।ଏପରିକି ୪ଦିନ ହେଲା ବଲାଙ୍ଗୀରରେ ଅବସ୍ଥାନ କରି ସୁନ୍ଦର ପ୍ରତିଯୋଗିତାରେ କିଭଳି ପ୍ରଦର୍ଶନ ରହିବ ସେନେଇ ଶିକ୍ଷା ଲାଭ କରିଥିଲେ।ଶନିବାର ସନ୍ଧ୍ୟାରେ ବଲାଙ୍ଗୀର ଠାରେ ପଶ୍ଚିମ ଓଡ଼ିଶା ବଡି ବିଲ୍ଡର ଚାମ୍ପିଅନସିପ ପ୍ରତିଯୋଗିତାରେ ବୈରାଗୀ ଭାଗ ନେଇଛନ୍ତି ।ଅଞ୍ଚଳରୁ ପ୍ରଥମ କରି ଏଭଳି ପ୍ରତିଯୋଗିତାରେ ଭାଗ ନେଇଥିବାରୁ ସୁସ୍ଥ ଜୀବନ ଶୈଳୀ ଗଠନ ପାଇଁ ତାଙ୍କର  ଶାରୀରିକ ଶିକ୍ଷା ଅଞ୍ଚଳର ଅନେକ ଯୁବକ ଯୁବତୀଙ୍କୁ ଆଗାମୀ ଦିନରେ ପ୍ରେରଣା ଯୋଗାଇବ ବୋଲି ବୁଦ୍ଧିଜୀବୀ ମହଲରେ ଆଶା ପ୍ରକଟ ପାଇଛି।