22-Mar-2025

ବରପାଲି (ସୁଦାମ ଦୀପ) 
ବରପାଲି ବ୍ଲକ ଆଗଲପୁର ପ୍ରାଥମିକ କୃଷି ସମବାୟ ସମିତିର ବାର୍ଷିକ ସାଧାରଣ ସଭା ସମିତିର ସଭାପତି ବିରୋସନ ସାହୁଙ୍କ ଅଧ୍ୟକ୍ଷତାରେ ରକ୍ସା ପଞ୍ଚାୟତ ଖେଳପଡିଆ ପରିସରରେ ଅନୁଷ୍ଠିତ ହୋଇଯାଇଛି। ସମିତିର ସମ୍ପାଦକ ସୁମିତ୍ ପଧାନ ସମିତିର ବାର୍ଷିକ ବିବରଣୀ ପାଠ କରିଥିବା ବେଳେ ବରପାଲି ସ୍ଥିତ ସମ୍ବଲପୁର ଜିଲ୍ଲା କେନ୍ଦ୍ର ସମବାୟ ଶାଖା ପରିଚାଳକ ସାଲବେଗ ବାଦି ଯୋଗଦାନ କରି ଚାଷୀମାନଙ୍କ ପାଇଁ ସରକାରଙ୍କ ଦ୍ୱାରା ଅନୁମୋଦିତ ହୋଇଥିବା ଯନ୍ତ୍ରପାତି ବିନା ସୁଧରେ ଋଣ ସାର ଇତ୍ୟାଦି ଜିନିଷ ଠିକ ସମୟରେ କେମିତି ପାଇ ପାରିବେ  ସେ ଉପରେ ଆଲୋଚନା ହୋଇଥିବା ବେଳେ ୟୁରିଆ ସାରର ବ୍ୟବହାର ଉପରେ ଏବଂ  ୟୁରିଆ ସାର ସମିତିକୁ କମ୍ ଆସୁଥିବାରୁ ସଭାରେ ଅସନ୍ତୋଷ ଦେଖାଯାଇଥିଲା। ଏହି ବାର୍ଷିକ ସମିତି ସଭାରେ ଆଗଲପୁର ସମବାୟ ବ୍ୟାଙ୍କ ସମିତି ସମସ୍ତ ସଭ୍ୟ  କୁନ୍ତଳା ପଧାନ, ଉପେନ୍ଦ୍ର ଖେତି, ରୁକ୍ମଣୀ ବେହେରା, ସୁରେନ୍ଦ୍ର ସାହା, ସେବାରାମ ବେହେରା, ବଳରାମ ନେଗି, ଗିରିଧାରୀ ନାଏକ, ପ୍ରମୋଦ କୁମାର ସାହା , ରାମ ବେରିଆ, ରମେଶ ପୋଡ, କୃଷ୍ଣ ସାହୁ, ପ୍ରକାଶ ସାହୁ, ଘନଶ୍ୟାମ ପଧାନ, ଇନ୍ଦ୍ର ଭୋଇଙ୍କ ସମେତ ରାଜ୍ୟ ସମବାୟ ସମିତି ଉପ ସଭାପତି ପେକ୍ସ ସଭାପତି ବିରୋସନ ସାହୁ, ବରପାଲି ପେକ୍ସ ସଭାପତି ଗୁରୁ ମେହେର, କୁମ୍ଭାରୀ ପେକ୍ସ ସଭାପତି ପ୍ରଫୁଲ୍ଲ ପଧାନ, କଣ୍ଟାପାଲି ପେକ୍ସ୍ ସଭାପତି ଧୂର୍ବ ସାହୁ, ରକ୍ସା ସରପଞ୍ଚ କେଶବ ରାଉତ, ଆଗଲପୁର ଜୋନ ଜିଲ୍ଲା ପରିଷଦ ସଭ୍ୟ ଅନନ୍ତ ସେଠ୍, କୁମ୍ଭାରୀ ଡାଇରେକ୍ଟର ଶତ୍ରୁଘ୍ନ ପଧାନ ଯୋଗଦେଇ ଚାଷୀମାନଙ୍କ ଉନ୍ନତି ତଥା ଚାଷୀମାନେ କିପରି ଅଧିକ ଲାଭବାନ ହୋଇ ସ୍ୱାବଲମ୍ବୀ ହୋଇପାରିବେ ସେ ଉପରେ ବକ୍ତବ୍ୟ ପ୍ରଦାନ କରିଥିଲେ।ଶେଷରେ  ବୋର୍ଡ ସଭ୍ୟ ଉପେନ୍ଦ୍ର ଖେତୀ ଧନ୍ୟବାଦ ଅର୍ପଣ କରିଥିଲେ।