15-Mar-2025

ବୌଦ୍ଧ(ପ୍ରେରଣା ଖବର): ବୌଦ୍ଧ ଜିଲ୍ଲାର ମଥୁରl ପଂଚାୟତ କେଳାକଟା ଖେଳ ପଡିଆଠାରେ ପ୍ରଥମ ରାଜ୍ୟସ୍ତରୀୟ ଦୋଳ ମହୋତ୍ସବ ଆଜି  ବିଭିନ୍ନ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା l ସନ୍ଧ୍ୟାରେ କୃଷ୍ଣ ଓ ବଳରାମଙ୍କୁ ନେଇ ଏକ ସୁସଜିତ ରଥରେ ମଥୁରା ପଂଚାୟତର ବିଭିନ୍ନ ଗ୍ରାମକୁ ପରିକ୍ରମା କରିଥିଲେ l ପଙ୍କୁଆଳ, ଚମ୍ପାପୁର, କେଳାକଟା ଗ୍ରାମରେ ଭବ୍ୟ ସ୍ୱାଗତ କରାଯାଇଥିଲା l ଏଥିରେ ଅତିଥି ମାନେ ଯୋଗ ଦେଉ ରାଜ୍ୟ ସ୍ତରୀୟ ଦୋଳ ମହୋତ୍ସବକୁ ସରସ ସୁନ୍ଦର କରିଥିଲେ l ମାହେଶ୍ୱରୀ ଗୋଶାଳା ସମ୍ପାଦକ କୃତ୍ତିବାସ ପଲିଆ ସଭା ସଂଯୋଜନା କରିଥିବାବେଳେ, ଦୋଳ ମହୋତ୍ସବ କମିଟି ସଭାପତି ଜଗନ୍ନାଥ ମେହେର, ସମ୍ପାଦକ ଜଗଦିଶ ମଲ୍ଲିକ, କୋଷାଧକ୍ଷ ପ୍ରଫୁଲ୍ଲ କୁମାର ପ୍ରଧାନ,ମାହେଶ୍ୱରୀ ଗୋଶାଳା ଅଧକ୍ଷ ନିର୍ଗୁଣ ମହାକୁଡ଼,ନାଟ୍ୟ ନିର୍ଦ୍ଦେଶକ ସୁରେନ୍ଦ୍ର କର୍ଣ୍ଣ, ଦୋଳ ମହୋତ୍ସବ କମିଟି ସଦସ୍ୟ ଦିଗାମ୍ବର ପାତ୍ର, ମାନଭଞ୍ଜନ ପାତ୍ର, ତ୍ରିନାଥ ପାଢ଼ୀ, ନରେନ୍ଦ୍ର ସାଣ୍ଢ, ଅଶୋକ ବେହେରା, ବିଜୟ କୁମାର ପାତ୍ର, ପ୍ରକାଶ ପ୍ରଧାନ, ଅଖିଳ ପ୍ରଧାନ ପ୍ରମୁଖ ସମସ୍ତ କାର୍ଯ୍ୟକ୍ରମ ପରିଚାଳନା କରିଥିଲେ l ଆସନ୍ତା  15ତାରିଖ ସାମୂହିକ ହୋଲି ଓ 16ତାରିଖରେ ବିଶ୍ୱଶାନ୍ତି ଅଲେଖ ମହିମା ଯଜ୍ଞ ଓ ପୂର୍ଣ୍ଣାହୁତି, ଶ୍ରୀକୃଷ୍ଣ ଲୀଳା,  ପାରମ୍ପରିକ କୃଷକ ସମ୍ବିଳନୀ, ଶ୍ରୀ ଅନ୍ନ ବଣ୍ଟନ ବିଭିନ୍ନ ଆଲୋଚନାଚକ୍ର ସହିତ  ଆୟୋଜନ କମିଟି ତରଫରୁ ସୂଚନା ପ୍ରଦାନ କରିଛନ୍ତି l ଏହି କାର୍ଯ୍ୟକ୍ରମକୁ ସଫଳ କରିବା ନିମନ୍ତେ ବିଭିନ୍ନ ଅନୁଷ୍ଠାନ ଓ ଗ୍ରାମ୍ୟ କମିଟି ମାନେ ସହଯୋଗ କରିଥିଲେ l  ଦୋଳ ମହୋତ୍ସବକୁ ସଫଳ କରିବା ନିମନ୍ତେ  ବିନିକା ଡୁମୁରିପାଲିର ପ୍ରଫୁଲ୍ଲ କୁମାର ମେହେର ଓ ସାଥିଙ୍କ ଦ୍ୱାରା ଶ୍ରୀକୃଷ୍ଣ ଲୀଳା ନାଟ୍ୟ ପ୍ରଦର୍ଶନ କରିଥିଲେ,ବିଳମ୍ବିତ ରାତ୍ରୀ ପର୍ଯ୍ୟନ୍ତ ,ବିଭିନ୍ନ ବିଦ୍ୟାଳୟର ପିଲାମାଙ୍କ ଦ୍ୱାରା ସମ୍ବଲପୁରୀ  ନୃତ୍ୟ ଅନୁଷ୍ଠିତ ହୋଇଥିଲା l